ಟೆಕ್ಸಾಸ್: ಬಂಬಲ್ ಎಂಬ ಡೇಟಿಂಗ್ ಆ್ಯಪ್ ನಲ್ಲಿ ಪರಿಚಯವಾದ ವ್ಯಕ್ತಿಯೊಬ್ಬ ಈ ಮಹಿಳೆಯನ್ನು ಐದು ದಿನಗಳ ಕಾಲ ಒತ್ತೆಯಾಳಾಗಿರಿಸಿ, ಲೈಂಗಿಕ ದೌರ್ಜನ್ಯ ಎಸಗಿದ ಘಟನೆ ಅಮೆರಿಕದಲ್ಲಿ ನಡೆದಿದೆ.
ಕ್ರಿಸ್ಮಸ್ ನ ಹಿಂದಿನ ದಿನದಂದು ಆ ವ್ಯಕ್ತಿ ಮಹಿಳೆಯನ್ನು ಟೆಕ್ಸಾಸ್ ನ ಸ್ಪ್ರಿಂಗ್ ನಲ್ಲಿರುವ ತನ್ನ ಅಪಾರ್ಟ್ಮೆಂಟ್ಗೆ ಕರೆದೊಯ್ದನು. ಅವರು ಅವನ ಸ್ಥಳವನ್ನು ತಲುಪಿದಾಗ, ಪುರುಷನು ಲೈಂಗಿಕ ತೃಷೆ ತೀರಿಸಲು ಮುಂದಾಗಿದ್ದಾನೆ. ಆದರೆ ಈ ಮಹಿಳೆ ಅದನ್ನು ನಿರಾಕರಿಸಿದ್ದಾಳೆ.
ಹೀಗಾಗಿ ಆ ಪುರುಷನೂ ಈಕೆಯನ್ನು ವಾಪಸ್ ಮನೆಗೆ ತೆರಳಲು ಬಿಟ್ಟಿಲ್ಲ. ಲೈಂಗಿಕ ಸುಖ ನಿರಾಕಸಿದ್ದಕ್ಕೆ, ಪುರುಷನು ಅವಳನ್ನು ಬಿಡಲು ನಿರಾಕರಿಸಿದನು ಎಂದು ಮಹಿಳೆ ಹೇಳಿದ್ದಾಳೆ. ಡಿ.24 ರಿಂದ ಡಿ.29 ರವರೆಗೆ ಆ ಮಹಿಳೆಯನ್ನು ಒತ್ತೆಯಾಳು ಆಗಿ ಇರಿಸಲಾಗಿತ್ತು. ಬಂಧನದ ಸಮಯದಲ್ಲಿ, ಆಕೆಗೆ ನೀರು ಅಥವಾ ಆಹಾರವನ್ನು ನೀಡಲಿಲ್ಲ ಎಂದು ದೂರಿನಲ್ಲಿ ದಾಖಲಾಗಿದೆ.
ಬಂಧನದ ಸಮಯದಲ್ಲಿ ಆ ವ್ಯಕ್ತಿ ಮಹಿಳೆಯ ಮೇಲೆ ಪದೇ ಪದೇ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ ಎಂದು ನ್ಯಾಯಾಲಯದ ದಾಖಲೆಗಳು ತಿಳಿಸಿವೆ.
ಡಿ.29 ರಂದು ಆ ವ್ಯಕ್ತಿ ತನ್ನ ತಂದೆಯ ಮನೆಗೆ ತೆರಳಿದ್ದಾಗ ಮಹಿಳೆ ಅಪಾರ್ಟ್ಮೆಂಟಿನಿಂದ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾಳೆ. ಹೊರಗಡಡೆ ಬಂದ ಆಕೆ ನೆರೆಹೊರೆಯ ಅಪರಿಚಿತ ವ್ಯಕ್ತಿಯೊಬ್ಬರಿಂದ ಸಹಾಯವನ್ನು ಪಡೆದು ವಾಪಸ್ ತನ್ನ ಮನೆ ಸೇರಿದ್ದಳು. ಇದಾದ ಮೇಲೆ ಆಕೆ ಪೊಲೀಸರಲ್ಲಿಗೆ ತೆರಳಿ ದೂರು ದಾಖಲಿಸಿದ್ದಾಳೆ. (ಏಜೆನ್ಸೀಸ್)