ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರಕ್ಕೆ ಗುರುವಾರ ಭೇಟಿ ನೀಡಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರು ಶ್ರೀನಗರದಲ್ಲಿ ನಡೆದ ವಿಕ್ಷಿತ್ ಭಾರತ್ ಕಾರ್ಯಕ್ರಮದಲ್ಲಿ ನಜೀಮ್ ಎಂಬಾತನನ್ನು ತಮ್ಮ “ಸ್ನೇಹಿತ” ಎಂದು ಕರೆದರು. ಅಷ್ಟೇ ಅಲ್ಲ ಆತ ಸೆಲ್ಫಿ ತೆಗೆದುಕೊಳ್ಳಲು ಸಹಕರಿಸಿದರು. ಈ ನಜೀಮ್ ನಜೀರ್ ದಾರ್ ಯಾರು? ಎಂಬ ಕುತೂಹಲ ಮೂಡುವುದು ಸಹಜ. ವಿವರ ಇಲ್ಲಿದೆ ನೋಡಿ..
ಇದನ್ನೂ ಓದಿ: ಪವಾರ್ ಕುಟುಂಬದಲ್ಲಿ ಒಡಕಿಲ್ಲ: ಸುಪ್ರಿಯಾ ಸುಳೆ
ಪ್ರಧಾನಿ ನರೇಂದ್ರ ಮೋದಿ ಅವರು ವಿಕ್ಷಿತ್ ಕಾರ್ಯಕ್ರಮದಲ್ಲಿ ಸ್ಥಳೀಯರೊಂದಿಗೆ ಸಂವಾದ ನಡೆಸಿದರು. ಕಾರ್ಯಕ್ರಮದ ನಂತರ, ಅವರು ಫಲಾನುಭವಿಯಾಗಿದ್ದ ಸ್ಥಳೀಯ ನಾಜಿಮ್ ಎಂಬಾತನೊಂದಿಗೆ ಫೋಟೋವನ್ನು ಹಂಚಿಕೊಂಡರು. ಫೋಟೋವನ್ನು ಹಂಚಿಕೊಳ್ಳುವಾಗ, ಪ್ರಧಾನಿ ನಜೀಮ್ ಅವರನ್ನು ತಮ್ಮ “ಸ್ನೇಹಿತ” ಎಂದು ಕರೆದರು ಮತ್ತು ಆತ ಮಾಡುತ್ತಿರುವ “ಒಳ್ಳೆಯ ಕೆಲಸದಿಂದ ಪ್ರಭಾವಿತರಾಗಿರುವುದಾಗಿ ಪ್ರಧಾನಮಂತ್ರಿ ಹೇಳಿದ್ದು, ಕುತೂಹಲ ಮೂಡಿಸಿತು.
ನಾಜಿಮ್ ಹೇಳಿದ್ದೇನು?: ನಾನೊಬ್ಬ ಜೇನುಸಾಕಣೆದಾರ, 2019 ರಲ್ಲಿ 25 ಬಾಕ್ಸ್ ಜೇನುನೊಣಗಳಿಗೆ 50 ಪ್ರತಿಶತ ಸಬ್ಸಿಡಿ ಪಡೆದಿದೆ. ನಂತರ 200ಬಾಕ್ಸ್ ಆಯಿತು. ಬಳಿಕ ಪ್ರಧಾನ ಮಂತ್ರಿಗಳ ಉದ್ಯೋಗ ಸೃಷ್ಟಿ ಕಾರ್ಯಕ್ರಮದಲ್ಲಿ 5ಲಕ್ಷ ರೂ. (ಪಿಎಂಇಜಿಪಿ) ಸಹಾಯ ಪಡೆದೆ. 2020 ರಲ್ಲಿ ನಾನು ನನ್ನ ವೆಬ್‌ಸೈಟ್ ಅನ್ನು ಪ್ರಾರಂಭಿಸಿದೆ. 2023 ರಲ್ಲಿ 2,000 ಜೇನುಗೂಡುಗಳೊಂದಿಗೆ ಸುಮಾರು 5,000 ಕೆಜಿ ಜೇನುತುಪ್ಪವನ್ನು ಮಾರಾಟ ಮಾಡಿದ್ದೇನೆ. ಅಲ್ಲದೆ ಜೇನುಸಾಕಣೆಯಲ್ಲಿ 100 ಜನರಿಗೆ ಪ್ರೇರಣೆ ಕೊಟ್ಟಿರುವುದಾಗಿ ನಾಜಿಮ್ ಹೇಳಿದರು.
ಸಂವಾದದ ನಂತರ ಪ್ರಧಾನಿ ಮೋದಿ ಹೇಳಿದ್ದೇನು?: ನಜೀಮ್ ಅವರೊಂದಿಗಿನ ಫೋಟೋವನ್ನು ಹಂಚಿಕೊಂಡ ಪ್ರಧಾನಿ ಮೋದಿ ಅವರು, “ನನ್ನ ಸ್ನೇಹಿತ ನಜೀಮ್ ಅವರೊಂದಿಗೆ ಸ್ಮರಣೀಯ ಸೆಲ್ಫಿ. ಅವರು ಮಾಡುತ್ತಿರುವ ಒಳ್ಳೆಯ ಕೆಲಸದಿಂದ ನಾನು ಪ್ರಭಾವಿತನಾಗಿದ್ದೇನೆ. ಸಾರ್ವಜನಿಕ ಸಭೆಯಲ್ಲಿ ಅವರು ಸೆಲ್ಫಿಗೆ ವಿನಂತಿಸಿದರು ಮತ್ತು ಅವರನ್ನು ಭೇಟಿ ಮಾಡಲು ಸಂತೋಷಪಟ್ಟರು. ಅವರ ಮುಂದಿನ ಪ್ರಯತ್ನಗಳಿಗೆ ನನ್ನ ಶುಭಾಶಯಗಳು .”
ನಾಜಿಮ್ ಯಾರು?: ನಜೀಮ್ ನಜೀರ್ ದಾರ್ ಪುಲ್ವಾಮಾ ಮೂಲದ ಜೇನುಸಾಕಣೆದಾರ ಮತ್ತು ವಿಕ್ಷಿತ್ ಭಾರತ್ ಕಾರ್ಯಕ್ರಮದ ಫಲಾನುಭವಿ. ಕಾಶ್ಮೀರದಲ್ಲಿ ಪಿಎಂ ಮೋದಿ ಅವರು ಆರ್ಟಿಕಲ್ 370 ತೆಗೆದುಹಾಕಿದ ನಂತರ ಖಾದಿ ಮತ್ತು ಗ್ರಾಮೋದ್ಯೋಗ ಆಯೋಗವು ಆಯೋಜಿಸಿದ್ದ ಜೇನುಸಾಕಣೆ ತರಬೇತಿ ಕೋರ್ಸ್ ತರಬೇತಿ ಪಡೆದ ನಂತರ, ಅವರು 10 ಉಚಿತ ಜೇನು ಪೆಟ್ಟಿಗೆಗಳನ್ನು ಪಡೆದರು, ನಾಜಿಮ್ ಆರಂಭಿಕ 100 ಕೆಜಿ ಜೇನು ತುಪ್ಪ ಕೊಯ್ಲು ಮಾಡಿದ್ದು, ಸ್ಥಳೀಯ ಮಾರುಕಟ್ಟೆಯಲ್ಲಿ ಗಮನಾರ್ಹ ಗಳಿಕೆ ಮಾಡಿತು. ಇದು ಅವರನ್ನು ಮತ್ತಷ್ಟು ವಿಸ್ತರಿಸಲು ಪ್ರೇರೇಪಿಸಿತು. 10 ತಿಂಗಳಲ್ಲಿ, ನಜೀಮ್ ಮಾಸಿಕ 20,000-25,000 ರೂ.ಗಳ ಆದಾಯವನ್ನು ಸಾಧಿಸಿದ್ದಾರೆ, ಆ ಸಮಯದಲ್ಲಿ ಹಲವರಿಗೆ ವ್ಯಕ್ತಿಗಳಿಗೆ ಉದ್ಯೋಗವನ್ನು ಒದಗಿಸಿದ್ದಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ನಜೀಮ್ ಅವರ ಪ್ರಯಾಣವು ಖಂಡಿತವಾಗಿಯೂ ಪ್ರಧಾನಿ ಮೋದಿಯವರ ಮೇಲೆ ಪ್ರಭಾವ ಬೀರಿದೆ ಎಂದು ತೋರುತ್ತದೆ ಮತ್ತು ಅವರ ವ್ಯವಹಾರಕ್ಕಾಗಿ ಅವರನ್ನು ಅಭಿನಂದಿಸಿದರು.
ಮುಖವಾಡ, ಮಾಸ್ಕ್, ಟೋಪಿ ಇಲ್ಲ..ಇವನೇ ನೋಡಿ ರಾಮೇಶ್ವರಂ ಕೆಫೆ ಸ್ಫೋಟದ ಶಂಕಿತ!