ಮುಂಬೈ: ಬಾಲಿವುಡ್ ನಟ ಇಮ್ರಾನ್ ಹಶ್ಮಿ ಫಿಟ್ ಅಂಡ್ ಫೈನ್ ಆಗಲು ಜಿಮ್ಗೆ ಲಗ್ಗೆ ಇಟ್ಟಿದ್ದಾರೆ. ವಿವಿಧ ಕ್ಲಿಷ್ಟಕರ ವ್ಯಾಯಾಮಗಳನ್ನು ಮಾಡುತ್ತಾ ಬೆವರು ಸುರಿಸುತ್ತಿರುವ ತಮ್ಮ ದೇಹವನ್ನು ಪ್ರದರ್ಶಿಸುವ ವಿಡಿಯೋ ಒಂದನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ.
ತಮ್ಮ ವರ್ಕ್ಔಟ್ ವಿಡಿಯೋ ಹಾಕಿರುವ ಪೋಸ್ಟ್ಗೆ ಹಶ್ಮಿ ಅವರು, “ಡಿಯರ್ ಫ್ಯಾಟ್, ಪ್ರಿಪೇರ್ ಟು ಡೈ” ಎಂದು ಟಿಪ್ಪಣಿ ಬರೆದಿದ್ದಾರೆ. ಇದಕ್ಕೆ ಸಿನಿನಿರ್ದೇಶಕ ಮೋಹಿತ್ ಸೂರಿ, “ವೇ ಟು ಗೋ ಟೈಗರ್ರ್..!” ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಅಭಿಮಾನಿ, “ಇದು ನನಗೆ ತಕ್ಷಣ ಹೋಗಿ ಜಿಮ್ ಸೇರಿಕೊಳ್ಳಲು ಪ್ರೇರಣೆ ನೀಡುತ್ತಿದೆ” ಎಂದು ಪ್ರತಿಕ್ರಿಯಿಸಿದ್ದಾರೆ.
View this post on Instagram
ಈ ವರ್ಕ್ಔಟ್ಅನ್ನು ಹಶ್ಮಿ ತಮ್ಮ ಮುಂದಿನ ಸಿನಿಮಾಗಾಗಿ ಮಾಡುತ್ತಿದ್ದಾರೆ ಎಂಬುದು ಸ್ಪಷ್ಟವಾಗಿದೆ. ಆದರೆ ಈ ರೀತಿ ಜಿಮ್ ಬಾಡಿ ಬೇಕಾಗಿರುವ ಆ ಸಿನಿಮಾ ಯಾವುದೆಂದು ಇನ್ನೂ ಅವರು ತಿಳಿಸಿಲ್ಲ. ಸಲ್ಮಾನ್ ಖಾನ್ರ ಟೈಗರ್ 3 ಚಿತ್ರದಲ್ಲಿ ಎಮ್ರಾನ್ ಹಶ್ಮಿ ಅವರಿಗೂ ಪಾತ್ರ ನೀಡಲಾಗಿದೆ ಎಂಬ ಊಹೆಗಳು ಹರಿದಾಡುತ್ತಿವೆ. (ಏಜೆನ್ಸೀಸ್)
ಯಾರ ಮೇಲೆ ನಂಬಿಕೆ ಇದೆಯೋ ಅವರನ್ನೇ ಆಯ್ಕೆ ಮಾಡಲಿ: ರಾಜೀನಾಮೆ ನೀಡಿದ ಕ್ಯಾಪ್ಟನ್ ಉದ್ಗಾರ
“ನನ್ನ ಬರ್ತ್ಡೇಗೆ ದಾಖಲೆ ಲಸಿಕೆ ನೀಡಿದ್ದಕ್ಕೆ ಒಂದು ರಾಜಕೀಯ ಪಕ್ಷಕ್ಕೆ ಜ್ವರ ಬಂತು”