ಅಹಮದಾಬಾದ್: “ಅವರು ತರಕಾರಿ ತಿನ್ನುವುದನ್ನು ಎಂದೂ ನೋಡಿರಲಿಲ್ಲ” ಎಂದು ಯುಎಸ್ ಅಧಿಕಾರಿ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಭಾರತದಲ್ಲಿ ಟ್ರಂಪ್ ಆಹಾರದ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ ಆ ಅಧಿಕಾರಿ!
ಟ್ರಂಪ್ ಅವರು ಸಾಮಾನ್ಯವಾಗಿ ಊಟದೊಂದಿಗೆ ಸಲಾಡ್ ಸೇವಿಸುತ್ತಾರೆ. ಆದರೆ, ಅದನ್ನು ಹೊರತುಪಡಿಸಿ, ಅವರು ತರಕಾರಿ ತಿನ್ನುವುದನ್ನು ನಾನು ನೋಡಿರಲ್ಲ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಭಾರತಕ್ಕೆ ಭೇಟಿ ನೀಡಿರುವ ಟ್ರಂಪ್ ಅವರ ಆಹಾರ ಪದ್ಧತಿ ಏರುಪೇರಾಗುವ ಸಾಧ್ಯತೆ ಬಗ್ಗೆ ಮಾಹಿತಿ ನೀಡಿದ ಅಧಿಕಾರಿ, ಟ್ರಂಪ್ ಅವರ ಆಹಾರದಲ್ಲಿ ಸಾಮಾನ್ಯವಾಗಿ ಸ್ಟೀಕ್ಸ್, ಬರ್ಗರ್ ಮತ್ತು ಮಾಂಸದ ತುಂಡುಗಳಿರುವುದು ಸಾಮಾನ್ಯ. ಆದರೆ ಅವರು ತರಕಾರಿ ಸೇವಿಸಿದರು ಎಂದಿದ್ದಾರೆ.
ಮೋದಿ ಹಾಗೂ ಟ್ರಂಪ್ ಅವರು ಮಂಗಳವಾರ ಸಂಜೆ ರಾಷ್ಟ್ರಪತಿ ಭವನದಲ್ಲಿ ಜತೆಗೂಡಿ ಊಟ ಮಾಡಲಿದ್ದಾರೆ. ಈ ಮೊದಲು ಟ್ರಂಪ್ ಭೇಟಿ ನೀಡಿದ ದೇಶಗಳು ಅವರ ಆಹಾರಕ್ರಮಕ್ಕೆ ಅನುಗುಣವಾಗಿದ್ದವು. ಆದರೆ ಭಾರತದಲ್ಲಿ ಹಾಗಿಲ್ಲ.
ಹೇಳಿಕೇಳಿ ಪ್ರಧಾನಿ ನರೇಂದ್ರ ಮೋದಿ ಅವರು ಸಸ್ಯಾಹಾರಿ. ಅವರ ಜತೆ ಊಟ ಮಾಡಲಿರುವ ಟ್ರಂಪ್ ಅವರಿಗೆ ಸಸ್ಯಾಹಾರದ ತಿನಿಸುಗಳಾದ ವೆಜ್ ಬರ್ಗರ್, ಧಾನ್ಯ ರೋಟಿ, ಕೋಸುಗಡ್ಡೆ ಸಮೋಸಾ ಮತ್ತು ಎಳನೀರನ್ನು ಯುಎಸ್ ಅಧ್ಯಕ್ಷ ಟ್ರಂಪ್ ಅವರಿಗೆ ಬಡಿಸಲು ಮೋದಿ ಯೋಚಿಸಿದ್ದಾರೆ.
ಟ್ರಂಪ್ ಅವರ ಮೆಚ್ಚಿನ ಆಹಾರ ಗೋಮಾಂಸ. ಆದರೆ ರಾಷ್ಟ್ರಪತಿ ಭವನದಲ್ಲಿ ಅದನ್ನು ಪೂರೈಸಲಾಗುತ್ತಿಲ್ಲ. ಅದರ ಬದಲಿಗೆ ಚಿಕನ್ ಬರ್ಗರ್, ಹುರಿದ ಪನ್ನೀರ್ ಮುಂತಾದ ಆಹಾರಗಳಿರುತ್ತವೆ. (ಏಜೆನ್ಸೀಸ್)