ನೆರೆ ದೇಶಗಳಿಗೆ ಹೋಲಿಸಿದರೆ ಭಾರತದಲ್ಲಿ ನಿರುದ್ಯೋಗ ಪ್ರಮಾಣ ಹೆಚ್ಚಳ

ನವದೆಹಲಿ: 2022ರಲ್ಲಿ ಭಾರತದಲ್ಲಿ ಯುವಕರ ನಿರುದ್ಯೋಗ ದರವು 23.22% ಇದೆ. ಇದು ಇತರ ನೆರೆಯ ದೇಶಗಳಿಗೆ ಹೋಲಿಸಿದರೆ ಅತ್ಯಧಿಕ. ನಿರುದ್ಯೋಗ ದರವು ಪಾಕಿಸ್ತಾನದಲ್ಲಿ 11.3%, ಬಾಂಗ್ಲಾದೇಶದಲ್ಲಿ 12.9% ಮತ್ತು ಭೂತಾನ್‌ನಲ್ಲಿ 14.4%. ವಿಶ್ವಬ್ಯಾಂಕ್ ವರದಿಯ ಪ್ರಕಾರ, ಇದೇ ವರ್ಷ ಚೀನಾದಲ್ಲಿ ನಿರುದ್ಯೋಗ ದರವು ಶೇಕಡ 13.2 ರಷ್ಟಿದೆ.

ಅಂತರರಾಷ್ಟ್ರೀಯ ಕಾರ್ಮಿಕ ಸಂಘಟನೆಯ (ILO) ಅಂಕಿಅಂಶಗಳ ಆಧಾರದ ಮೇಲೆ ತಯಾರಿಸಿದ ವರದಿಯ ಪ್ರಕಾರ, ಯುವಕರ ನಿರುದ್ಯೋಗ ದರವು ಸಿರಿಯಾದಲ್ಲಿ 22.1%, ಇಂಡೋನೇಷ್ಯಾದಲ್ಲಿ 13%, ಮಲೇಷ್ಯಾದಲ್ಲಿ 11.7%, ವಿಯೆಟ್ನಾಂನಲ್ಲಿ 7.4%, ದಕ್ಷಿಣ ಕೊರಿಯಾದಲ್ಲಿ 6.9% ಮತ್ತು ಸಿಂಗಾಪುರದಲ್ಲಿ ಶೇ 6.1 .

ಸಾಮಾನ್ಯವಾಗಿ 15 ರಿಂದ 24 ವರ್ಷದೊಳಗಿನ ಯುವಕರು ಉದ್ಯೋಗವಿಲ್ಲದೆ ಪರದಾಡುತ್ತಿದ್ದಾರೆ. ಈಗಷ್ಟೇ ಶಾಲೆ, ಕಾಲೇಜು ಮುಗಿಸಿ ತರಾತುರಿಯಲ್ಲಿ ಕೆಲಸ ಹುಡುಕುತ್ತಿದ್ದಾರೆ. 15-34 ವರ್ಷ ವಯಸ್ಸಿನ ಸುಮಾರು 36% ರಷ್ಟು ಜನರು ನಿರುದ್ಯೋಗವನ್ನು ಭಾರತದಲ್ಲಿ ದೊಡ್ಡ ಸಮಸ್ಯೆ ಎಂದು ಪರಿಗಣಿಸಿದ್ದಾರೆ. ಭಾರತೀಯ ಯುವಕರ ವೃತ್ತಿ ಆಕಾಂಕ್ಷೆಗಳು, ಉದ್ಯೋಗದ ಆದ್ಯತೆಗಳನ್ನು ವಿಶ್ಲೇಷಿಸಲು ಲೋಕ್ನಿತಿ-ಸಿಎಸ್ಡಿಎಸ್ ನಡೆಸಿದ ಸಮೀಕ್ಷೆಯಿಂದ ಇದು ಬೆಳಕಿಗೆ ಬಂದಿದೆ. ಕಳೆದ ದಶಕದಲ್ಲಿ ಭಾರತದ ಯುವಕರ ನಿರುದ್ಯೋಗ ದರವು ಸುಮಾರು 22% ರಷ್ಟಿದೆ ಎಂದು ಅದು ಹೇಳಿದೆ.

ಅಂದಹಾಗೆ ಒಬ್ಬ ವ್ಯಕ್ತಿಯು ‘ನಿರುದ್ಯೋಗಿ’ ಎಂದು ನೋಂದಾಯಿಸಲು ಅವನು ಕೆಲಸ ಹುಡುಕುತ್ತಿರಬೇಕು. ಯುವಕರ ನಿರುದ್ಯೋಗ ದರವು ಸಾಮಾನ್ಯವಾಗಿ ಹಿಂದಿನದಕ್ಕಿಂತ ಹೆಚ್ಚಾಗಿದೆ. ಏಕೆಂದರೆ ಅನೇಕ ಪದವೀಧರರು ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ಉದ್ಯೋಗವನ್ನು ಪಡೆಯುತ್ತಿಲ್ಲ. ಈ ಪರಿಸ್ಥಿತಿ ಭಾರತದಲ್ಲಿಯೂ ಕಂಡುಬಂದಿದೆ. 2020 ರಲ್ಲಿ, ಕೋವಿಡ್ -19 ಬಂದು ಲಾಕ್‌ಡೌನ್ ಆದ ಸಮಯದಲ್ಲಿ, ದೇಶದಲ್ಲಿ ನಿರುದ್ಯೋಗ ದರವು ಗರಿಷ್ಠ 30.90% ಆಗಿತ್ತು, ಆದರೆ 2021 ರಲ್ಲಿ ಇದು 23.89% ಕ್ಕೆ ಸ್ವಲ್ಪ ಕಡಿಮೆಯಾಗಿದೆ. 2022 ರಲ್ಲಿ, ನಿರುದ್ಯೋಗ ದರವು 23.22% ರಷ್ಟಿದೆ. ಆದರೆ, ಏಷ್ಯಾ-ಪೆಸಿಫಿಕ್ ವಲಯದ ದೇಶಗಳನ್ನು ಗಮನಿಸಿದರೆ ಭಾರತದಲ್ಲಿ ನಿರುದ್ಯೋಗ ಸಮಸ್ಯೆ ಸಾಧಾರಣ ಮಟ್ಟದಲ್ಲಿದೆ.

ಕಾಂಬೋಡಿಯಾವು 1% ಕ್ಕಿಂತ ಕಡಿಮೆ ನಿರುದ್ಯೋಗ ದರವನ್ನು ಹೊಂದಿದೆ. ಆದರೆ ಅಫ್ಘಾನಿಸ್ತಾನವು ಅತಿ ಹೆಚ್ಚು ನಿರುದ್ಯೋಗ ದರ 8.8% ಅನ್ನು ಹೊಂದಿದೆ. ಕಳೆದ 2 ದಶಕಗಳ ಪರಿಸ್ಥಿತಿಯನ್ನು ಪರಿಗಣಿಸಿದರೆ, ಪೂರ್ವ ಏಷ್ಯಾ ಮತ್ತು ಪೆಸಿಫಿಕ್‌ಗೆ ಹೋಲಿಸಿದರೆ ಅರಬ್ ಪ್ರಪಂಚದಲ್ಲಿ ವಿಶ್ವದಲ್ಲೇ ಅತಿ ಹೆಚ್ಚು ನಿರುದ್ಯೋಗ ಸಮಸ್ಯೆಯಿದೆ ಎಂದು ಹೇಳಲಾಗುತ್ತದೆ.

ಸೆಂಟ್ರಲ್ ಬ್ಯಾಂಕ್‌ನಲ್ಲಿ ಅಪ್ರೆಂಟಿಸ್ ಹುದ್ದೆಗಳು; ಕರ್ನಾಟಕದಲ್ಲಿ 110 ಪೋಸ್ಟ್ ಭರ್ತಿ