ನವದೆಹಲಿ: ಸ್ವಾತಂತ್ರ್ಯೋತ್ಸವದ ಮುನ್ನಾ ದಿನ ಕಾಂಗ್ರೆಸಿಗರಿಗೆ ಟ್ವಿಟರ್ನಲ್ಲಿ ಮತ್ತೆ ಅಭಿವ್ಯಕ್ತಿ ಸ್ವಾತಂತ್ರ್ಯ ಸಿಕ್ಕಿದೆ. ವಾರದ ಹಿಂದೆ ಬ್ಲಾಕ್ ಮಾಡಲಾಗಿದ್ದ ಅವರ ಟ್ವಿಟರ್ ಖಾತೆಗಳನ್ನು ಇಂದು ಅನ್ಬ್ಲಾಕ್ ಮಾಡಲಾಗಿದೆ. ರಾಹುಲ್ ಗಾಂಧಿ ಸೇರಿದಂತೆ ಇತರ ಕಾಂಗ್ರೆಸಿಗರ ಟ್ವಿಟರ್ ಖಾತೆಗಳನ್ನು ಟ್ವಿಟರ್ ಇಂಡಿಯಾ ಅನ್ಬ್ಲಾಕ್ ಮಾಡಿದೆ.
ರಾಹುಲ್ ಗಾಂಧಿ ಹಾಗೂ ಇತರ ಕಾಂಗ್ರೆಸಿಗರ ಲಿಖಿತ ಕೋರಿಕೆ ಮೇರೆಗೆ ಅವರೆಲ್ಲರ ಟ್ವಿಟರ್ ಖಾತೆಗಳನ್ನು ಅನ್ಬ್ಲಾಕ್ ಮಾಡಲಾಗಿದೆ ಎಂದು ಟ್ವಿಟರ್ ಇಂಡಿಯಾ ವಕ್ತಾರ ತಿಳಿಸಿದ್ದಾರೆ. ಭಾರತದ ರಾಜಕಾರಣದಲ್ಲಿ ಟ್ವಿಟರ್ ಮಧ್ಯಪ್ರವೇಶಿಸುತ್ತಿದೆ, ದೇಶದ ಪ್ರಜಾಪ್ರಭುತ್ವದ ಮೇಲೆ ಟ್ವಿಟರ್ ದಾಳಿ ನಡೆಸುತ್ತಿದೆ ಎಂದು ಶುಕ್ರವಾರ ರಾಹುಲ್ ಗಾಂಧಿ ಯೂಟ್ಯೂಬ್ ಮೂಲಕ ಹೇಳಿದ್ದರು. ಅತ್ಯಾಚಾರಕ್ಕೆ ಒಳಗಾದ ಅಪ್ರಾಪ್ತ ವಯಸ್ಸಿನ ಬಾಲಕಿಯ ಮನೆಯವರ ಫೋಟೋ ಟ್ವೀಟ್ ಮಾಡಿದ್ದ ಹಿನ್ನೆಲೆಯಲ್ಲಿ ಎನ್ಸಿಪಿಸಿಆರ್ ಟ್ವಿಟರ್ ಗಮನ ಸೆಳೆದಿದ್ದು, ಅದು ರಾಹುಲ್ ಗಾಂಧಿ ಸೇರಿ ಅಂಥದ್ದೇ ಟ್ವೀಟ್ ಮಾಡಿದ್ದ ಇತರ ಸಾವಿರಾರು ಕಾಂಗ್ರೆಸಿಗರ ಟ್ವಿಟರ್ ಖಾತೆಗಳನ್ನು ಬ್ಲಾಕ್ ಮಾಡಿತ್ತು.
ತಾತ್ಕಾಲಿಕವಾಗಿ ಬ್ಲಾಕ್ ಆಗಿದ್ದ ರಾಹುಲ್ ಗಾಂಧಿ ಅವರ ಟ್ವಿಟರ್ ಖಾತೆ ಅನ್ಬ್ಲಾಕ್ ಆಗುತ್ತಿದ್ದಂತೆ ಕಾಂಗ್ರೆಸ್ ಇಂಡಿಯಾದ ಟ್ವಿಟರ್ ಖಾತೆಯಿಂದ ಸತ್ಯಮೇವ ಜಯತೇ ಎಂದು ಟ್ವೀಟ್ ಮಾಡಲಾಗಿದೆ. ಆದರೆ ರಾಹುಲ್ ಗಾಂಧಿ ಇನ್ನೂ ಯಾವುದೇ ಟ್ವೀಟ್ ಮಾಡಿಲ್ಲವಾದರೂ, ಅನ್ಬ್ಲಾಕ್ ಆದ ಬಳಿಕ ಅವರ ಮೊದಲ ಟ್ವೀಟ್ ಏನಾಗಿರಬಹುದು ಎಂಬ ಕುತೂಹಲ ಮೂಡಿದೆ. (ಏಜೆನ್ಸೀಸ್)
ಪೆಟ್ಟಾದರೂ ಛಲ ಕುಂದಿಲ್ಲ, ಕೊನೆಯ ಉಸಿರು ಇರುವವರೆಗೂ ಹೋರಾಡುವೆ: ವಿಜಯವಾಣಿ ಕ್ಲಬ್ಹೌಸ್ನಲ್ಲಿ ವೀರಯೋಧ ಮಹೇಶ್
ನರ್ಸ್-ಡ್ರೈವರ್ ಲವ್ ಟ್ರ್ಯಾಜೆಡಿ; ಕಾರೊಳಗೇ ಬೆಂಕಿ ಹಚ್ಚಿಕೊಂಡು ಪ್ರೇಮಿಗಳ ಆತ್ಮಹತ್ಯೆ!