ವಾಷಿಂಗ್ಟನ್: ಚೀನಾ ಮೂಲದ ವಿಡಿಯೋ ಶೇರಿಂಗ್ ಆ್ಯಪ್ ಅಮೆರಿಕದಲ್ಲಿ ಚಾಲ್ತಿಯಲ್ಲಿ ಇರಬೇಕಾದರೆ ನನ್ನ ಷರತ್ತಿಗೆ ಒಪ್ಪಲೇಬೇಕು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಾಕೀತು ಮಾಡಿದ್ದಾರೆ.
ಚೀನಾದ ಬಹಳಷ್ಟು ಆ್ಯಪ್ಗಳು ಜಗತ್ತಿನ ಹಲವೆಡೆ ನಿಷೇಧಕ್ಕೆ ಒಳಗಾದ ಬಳಿಕ ಅಂಥವುಗಳಲ್ಲಿ ಒಂದಾಗಿರುವ ಟಿಕ್ಟಾಕ್ ಆ್ಯಪ್ ಖರೀದಿಸಲು ಆಯಾ ದೇಶಗಳಲ್ಲಿನ ಕಂಪನಿಗಳು ಮುಂದಾಗಿವೆ. ಆ ನಿಟ್ಟಿನಲ್ಲಿ ಅಮೆರಿಕದಲ್ಲೂ ಮಾತುಕತೆ ನಡೆಯುತ್ತಿದೆ.
ಅಮೆರಿಕದಲ್ಲಿ ಟಿಕ್ಟಾಕ್ ಮೇಲೆ ಒರಾಕಲ್ ಹಾಗೂ ವಾಲ್ಮಾರ್ಟ್ ಕಂಪನಿಗಳಿಗೆ ಪೂರ್ತಿ ನಿಯಂತ್ರಣ ಸಿಗುವುದಾದರೆ ಮಾತ್ರ ಮಾರಾಟದ ಡೀಲ್ಗೆ ಅವಕಾಶ ನೀಡಲಾಗುವುದು ಎಂದು ಟ್ರಂಪ್ ಷರತ್ತು ವಿಧಿಸಿದ್ದಾರೆ.
ಅಮೆರಿಕದಲ್ಲಿ ಸೆ. 20ರಿಂದಲೇ ಅನ್ವಯಿಸುವಂತೆ ಟಿಕ್ಟಾಕ್ಗೆ ನಿಷೇಧ ಹೇರಲಾಗಿದೆ. ಹೀಗಾಗಿ ಟಿಕ್ಟಾಕ್ಅನ್ನು ಅಮೆರಿಕಕ್ಕೆ ಮಾರುವುದೊಂದೇ ಟಿಕ್ಟಾಕ್ನ ಸ್ಥಾಪಕ ಸಂಸ್ಥೆ ಬೈಟ್ಡಾನ್ಸ್ಗೆ ಇರುವ ದಾರಿ. ಈ ಹಿನ್ನೆಲೆಯಲ್ಲಿ ಟ್ರಂಪ್ ಈ ಷರತ್ತು ಹಾಕಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)