‘ಒಂದು ಪುಟ್ಟ ಹೆಣ್ಣು ಮಗು ಗುಲಾಬಿ ಬಣ್ಣದ ಫ್ರಾಕ್ ತೊಟ್ಟು, ಎರಡು ಜುಟ್ಟ ಮಾಡಿಕೊಂಡು ನೀರು ತುಂಬಿದ ರಸ್ತೆಯ ಮೇಲೆ ರಾಣಿಯಂತೆ ಹೆಜ್ಜೆ ಹಾಕುತ್ತ, ನಗುತ್ತ ಬರುತ್ತಾಳೆ…ಅವಳನ್ನು ದೊಡ್ಡ ಆನೆಯೊಂದು ಗಂಭೀರವಾದ ನಡಿಗೆಯಲ್ಲಿ ಹಿಂಬಾಲಿಸುತ್ತದೆ…ದಾಸನಾಗು..ವಿಶೇಷನಾಗು ಎಂಬ ದಾಸರ ಪದ್ಯ ಹಿನ್ನೆಲೆಯಲ್ಲಿ ಕೇಳುತ್ತದೆ…’ ಈ ಟಿಕ್ಟಾಕ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟೆ ವೈರಲ್ ಆಗಿದೆ. ಇದನ್ನೂ ಓದಿ: ಕೇರಳ ಜಲಸಾರಿಗೆ ಇಲಾಖೆ ಪ್ರಶಂಸೆಗಿಟ್ಟಿಸಿದ್ದು ಯಾಕೆ ಗೊತ್ತಾ?
ವಿಡಿಯೋವನ್ನು ನೋಡಿದಷ್ಟೂ ನೋಡಬೇಕು ಎನ್ನಿಸುತ್ತದೆ. ಬರೀ ಇಷ್ಟೇ ಅಲ್ಲ, ಆ ದೊಡ್ಡ ಆನೆ ಮತ್ತು ಪುಟ್ಟ ಮಗು ಒಂದಾಗಿ ಆಟವಾಡುವ ಇನ್ನೊಂದು ವಿಡಿಯೋ ಕೂಡ ವೈರಲ್ ಆಗಿದೆ. ಮಗು ಆನೆಗೆ ತಿನ್ನಲು ಆಹಾರ ಕೊಡುವುದನ್ನು, ಅದರ ಮೇಲೆ ಕುಳಿತು ಹೋಗುವುದನ್ನು, ಸ್ವಲ್ಪವೂ ಭಯವಿಲ್ಲದೆ ಅದರ ಬಳಿ ಹೋಗುವುದನ್ನು ವಿಡಿಯೋದಲ್ಲಿ ನೋಡಬಹುದು.
ವಿಡಿಯೋ ವೈರಲ್ ಆದಾಗಿನಿಂದ ಅದೆಷ್ಟೋ ಜನರಿಗೆ ಕುತೂಹಲ. ಬಾಲಕಿ ಯಾರು…ಯಾವ ಊರಲ್ಲಿ ಇದು. ಇಷ್ಟು ಪುಟ್ಟ ಹುಡುಗಿಗೂ, ಆನೆಗೂ ಅದೆಂಥಾ ಸ್ನೇಹ ಎಂಬ ಪ್ರಶ್ನೆಗಳೂ ಸೋಷಿಯಲ್ ಮೀಡಿಯಾದಲ್ಲಿ ಕೇಳಲ್ಪಟ್ಟಿವೆ.
ಈ ವಿಡಿಯೋ ಕೇರಳದ ತಿರುವನಂತಪುರಂದು. ಬಾಲಕಿಗೆ ಎರಡು ವರ್ಷ. ಉಮಾದೇವಿ ಎಂಬ ಹೆಸರಿನ ಆನೆಗೆ 31 ವರ್ಷ. ಬಾಲಕಿಯ ಕುಟುಂಬದೊಂದಿಗೆ ಈ ಆನೆ ಕಳೆದ 7ವರ್ಷಗಳಿಂದಲೂ ಇದೆ. ಬಾಲಕಿ ಹುಟ್ಟಿದಾಗಿನಿಂದಲೂ ಆನೆ ಅದರ ಕಾಳಜಿ ಮಾಡುತ್ತಿದೆ. ಸ್ವಲ್ಪವೂ ತೊಂದರೆ ಕೊಡುವುದಿಲ್ಲ ಎಂದು ಆಕೆಯ ಮನೆಯವರು ಹೇಳಿದ್ದಾರೆ. ಮಗು ಹೇಳಿದಂತೆ ಆನೆ ಕೇಳುತ್ತದೆ. ಅದರೊಂದಿಗೆ ಆಟವಾಡುತ್ತದೆ ಎಂದಿದ್ದಾರೆ. ಇದನ್ನೂ ಓದಿ: ಧಮ್ ಎಳೆಯೋದಕ್ಕೆ ಈಕೆಗೆ ದಿನಕ್ಕೆ 1.5 ಲಕ್ಷ ರೂ. ಸಂಬಳ….! ಸೋಷಿಯಲ್ ಮೀಡಿಯಾದಿಂದ ಆದ್ಳು ಬ್ರಾಂಡ್ ಅಂಬಾಸಿಡರ್
ಲಾಕ್ಡೌನ್ ಸಂದರ್ಭದಲ್ಲಿ ಮಾಡಿದ ಟಿಕ್ಟಾಕ್ ವಿಡಿಯೋಗಳನ್ನು ಕುಟುಂಬದವರು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಮಾಡಿದ್ದಾರೆ. ಅದು ಅನೇಕರ ಮೆಚ್ಚುಗೆಗೆ ಪಾತ್ರವಾಗಿದೆ. (ಏಜೆನ್ಸೀಸ್)
ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟೆ ವೈರಲ್ ಆದ ಆನೆ ಮತ್ತು ಪುಟ್ಟ ಮಗುವಿನ ಸ್ನೇಹದ ಈ ವಿಡಿಯೋ ಕೇರಳದ್ದು..
ಹೆಚ್ಚಿನ ಮಾತಿಗೆ ಇಲ್ಲಿ ಕ್ಲಿಕ್ ಮಾಡಿ: https://t.co/2R1VcK5ZSt pic.twitter.com/QyCOzDKc6n— Vijayavani (@VVani4U) June 3, 2020