ಬೀಜಿಂಗ್: ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಇಂದು ಬೆಳಗ್ಗೆಯ ವರದಿಯ ಪ್ರಕಾರ ಚೀನಾದಲ್ಲಿ 425 ಜನರು ಈ ವೈರಸ್ನಿಂದಾಗಿ ಮೃತರಾಗಿರುವುದಾಗಿ ತಿಳಿದುಬಂದಿದೆ. ಒಟ್ಟು 19,550 ಜನರನ್ನು ಸೋಂಕಿತರು ಎಂದು ಗುರುತಿಸಲಾಗಿದೆ.
ನಿನ್ನೆಯ ವರದಿಯಲ್ಲಿ 361 ಜನರು ಮೃತಪಟ್ಟಿರುವುದಾಗಿ ತಿಳಿಸಲಾಗಿತ್ತು. ಕಳೆದ 24 ಗಂಟೆಗಳಲ್ಲಿ ಈ ಸಂಖ್ಯೆಯಲ್ಲಿ 64 ಹೆಚ್ಚಳಿಕೆ ಕಂಡುಬಂದಿದೆ. ಸೋಂಕಿತರ ಸಂಖ್ಯೆಯಲ್ಲಿಯು ಸಹ ನಿನ್ನೆಗಿಂತ ಇಂದು 2,345 ಹೆಚ್ಚಳಿಕೆ ಕಂಡಿದೆ.
ಚೀನಾ ಮಾತ್ರವಲ್ಲದೆ ಒಟ್ಟು 20 ದೇಶಗಳಲ್ಲಿ ಕೊರೊನಾ ವೈರಸ್ ಪತ್ತೆಯಾಗಿದೆ. ಚೀನಾ ಹೊರೆತು ಪಡಿಸಿ ಫಿಲಿಫೈನ್ಸ್ನಲ್ಲಿ ಈ ವೈರಸ್ನಿಂದಾಗಿ ಒಂದು ಸಾವು ಸಂಭವಿಸಿದೆ. ಭಾರತದ ಕೇರಳದಲ್ಲಿ ಒಟ್ಟು ಮೂರು ಸೋಂಕಿತರು ಪತ್ತೆಯಾಗಿದ್ದು ಅವರೆಲ್ಲರು ಚೀನಾದ ವುಹಾನ್ನಿಂದ ಭಾರತಕ್ಕೆ ಬಂದಿಳಿದವರು ಎನ್ನಲಾಗಿದೆ. (ಏಜೆನ್ಸೀಸ್)