ಅಬೋಟಾಬಾದ್: ಕೊರೊನಾ ವೈರಸ್ ದಾಳಿಗೆ ತುತ್ತಾಗಿರುವ ಚೀನಾದಲ್ಲಿರುವ ತಮ್ಮ ನಾಗರಿಕರನ್ನು ಸ್ವದೇಶಕ್ಕೆ ಕರೆತರುವುದಿಲ್ಲ ಎಂದು ಹೇಳಿದ್ದ ಪಾಕಿಸ್ತಾನಕ್ಕೆ ಕೊರೊನಾ ವೈರಸ್ ಕಾಲಿಟ್ಟಿದೆ. ಒಸಾಮಾ ಬಿನ್ ಲಾಡೆನ್ನನ್ನು ಕೊಲೆ ಮಾಡಿದ ನಗರದಲ್ಲಿಯೇ ಮೊದಲ ಕೊರೊನಾ ಇರುವುದಾಗಿ ಶಂಕಿಸಲಾಗಿದೆ.
ಪಾಕಿಸ್ತಾನದ ಅಬೋಟಾಬಾದ್ನಲ್ಲಿ ದೇಶದ ಮೊದಲ ಕೊರೊನಾ ವೈರಸ್ ಇರುವುದಾಗಿ ಶಂಕಿಸಲಾಗಿದೆ. ಕೊರೊನಾ ವೈರಸ್ ಇರುವುದಾಗಿ ಶಂಕಿಸಲಾಗಿರುವ ವ್ಯಕ್ತಿಯು ಚೀನಾದಿಂದ ಪಾಕ್ಗೆ ಬಂದಿದ್ದ ಎನ್ನಲಾಗಿದೆ. ಈ ವ್ಯಕ್ತಿಯು ಪಿಒಕೆಯ ಗಿಲ್ಗಿಟ್-ಬಾಲ್ಟಿಸ್ತಾನ್ ಮೂಲದವನಾಗಿದ್ದು ಚೀನಾದಿಂದ ಮರಳಿದ ಈತ ಅಬೋಟಾಬಾದ್ನಲ್ಲಿ ತಂಗಿದ್ದ ಎಂದು ಹೇಳಲಾಗಿದೆ.
ಸದ್ಯ ಶಂಕಿತನನ್ನು ಅಬೊಟಾಬಾದ್ನ ಆಯುಬ್ ವೈದ್ಯಕೀಯ ಆಸ್ಪತ್ರೆಯಲ್ಲಿ ತಪಾಸಣೆಯಲ್ಲಿಡಲಾಗಿದೆ.
ಚೀನಾದಲ್ಲಿ ಕೊರೊನಾ ವೈರಸ್ನ ದಾಳಿ ಹೆಚ್ಚಿದ್ದು ಸುಮಾರು 68,000 ಜನರು ಈ ವೈರಸ್ಗೆ ತುತ್ತಾಗಿದ್ದಾರೆ ಎನ್ನಲಾಗಿದೆ. ವೈರಸ್ನಿಂದ ಸತ್ತವರ ಸಂಖ್ಯೆ 1600ಕ್ಕೆ ಏರಿದೆ. ಚೀನಾದಲ್ಲಿ ವಾಸವಿರುವ 647 ಭಾರತೀಯರನ್ನು ಭಾರತ ವಿಶೇಷ ವಿಮಾನಗಳ ಮೂಲಕ ಕರೆತಂದಿದೆ. ಪಾಕಿಸ್ತಾನದ ಹಲವರು ಚೀನಾದಲ್ಲಿ ವಾಸವಿದ್ದು ತಮ್ಮನ್ನು ರಕ್ಷಿಸಿ ಎಂದು ಕೇಳಿಕೊಂಡಾಗ ಪಾಕ್ ಅವರನ್ನು ಸ್ವದೇಶಕ್ಕೆ ಕರೆತರವುದಿಲ್ಲ ಎಂದು ಹೇಳಿತ್ತು. ಹಾಗಾಗಿ ಅವರು ಭಾರತ ಸರ್ಕಾರದಲ್ಲಿ ತಮ್ಮನ್ನು ರಕ್ಷಿಸಿ ಎಂದು ಕೇಳಿಕೊಂಡಿದ್ದರು. (ಏಜೆನ್ಸೀಸ್)