ನವದೆಹಲಿ: ನಟಿ ಹಾಗೂ ಮಾಜಿ ಸಂಸದೆ ಜಯಪ್ರದಾ ತಮ್ಮ ಒಡೆತನದ ಥಿಯೇಟರ್ ನೌಕರರಿಗೆ 18 ವರ್ಷಗಳಿಂದ ನೌಕರರ ರಾಜ್ಯ ವಿಮಾ ನಿಗಮಕ್ಕೆ (ಇಎಸ್ಐಸಿ) ಜಯಪ್ರದಾ ಸಿನಿ ಥೀಯೆಟರ್ ವರ್ಸಸ್ ಎಂಪ್ಲಾಯೀಸ್ ಸ್ಟೇಟ್ ಇನ್ಶೂರನ್ಸ್ ಕಾರ್ಪೋರೇಷನ್ ಪಾವತಿಸಲು ವಿಫಲವಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿ ಜಯಪ್ರದಾ ಅವರ ವಿರುದ್ಧ ಸುಪ್ರೀಂ ಕೋರ್ಟ್ ಇತ್ತೀಚೆಗೆ ಶಿಕ್ಷೆಯನ್ನು ಅಮಾನತುಗೊಳಿಸಿದೆ.
ಇಎಸ್ಐಸಿ ಪ್ರಕರಣದಲ್ಲಿ ಸುಪ್ರೀಂ ಕೋರ್ಟ್ ಖ್ಯಾತ ನಟಿ ಜಯಪ್ರದಾಗೆ ಭಾರೀ ರಿಲೀಫ್‌ ನೀಡಿದೆ, ಬಾಲಿವುಡ್ ನಟಿ ಜಯಪ್ರದಾ ಅವರ ಜೈಲು ಶಿಕ್ಷೆಯನ್ನು ಸುಪ್ರೀಂ ಕೋರ್ಟ್ ರದ್ದುಗೊಳಿಸಿದೆ. ನ್ಯಾಯಮೂರ್ತಿ ಅಭಯ್ ಎಸ್ ಓಕಾ ಮತ್ತು ನ್ಯಾಯಮೂರ್ತಿ ಉಜ್ಜಲ್ ಭುಯಾನ್ ಅವರನ್ನೊಳಗೊಂಡ ಪೀಠ ಇಂದು ತೀರ್ಪು ನೀಡಿದೆ.
ನಟಿ ಚೆನ್ನೈನಲ್ಲಿ ಚಿತ್ರಮಂದಿರವನ್ನು ಹೊಂದಿದ್ದರು, ಅದನ್ನು ಅಂತಿಮವಾಗಿ ಮುಚ್ಚಲಾಯಿತು. ಥಿಯೇಟರ್ ಆಡಳಿತ ಮಂಡಳಿಯು ಇಎಸ್‌ಐ ಹಣವನ್ನು ಸಕಾಲದಲ್ಲಿ ಜಮಾ ಮಾಡುತ್ತಿಲ್ಲ ಎಂದು ನೌಕರರು ದೂರಿದ್ದರು. ಆಡಳಿತ ಮಂಡಳಿಯು ತಮ್ಮ ವೇತನದಿಂದ ಇಎಸ್‌ಐ ಮೊತ್ತವನ್ನು ಕಡಿತಗೊಳಿಸುತ್ತಿದ್ದರೂ ಅದನ್ನು ಸರ್ಕಾರಿ ವಿಮಾ ನಿಗಮದಲ್ಲಿ ಠೇವಣಿ ಇಡಲು ವಿಫಲವಾಗಿದೆ ಎಂದು ದೂರುದಾರರು ಆರೋಪಿಸಿದ್ದಾರೆ.
ಚೆನ್ನೈನ ಎಗ್ಮೋರ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಾಗಿತ್ತು. ವರದಿಗಳ ಪ್ರಕಾರ ಜಯಪ್ರದಾ ಅವರು ಉದ್ಯೋಗಿಗಳ ದೀರ್ಘಾವಧಿ ಬಾಕಿಯನ್ನು ಇತ್ಯರ್ಥಗೊಳಿಸಲು ಒಪ್ಪಿಕೊಂಡರು ಮತ್ತು ನಂತರ ಪ್ರಕರಣವನ್ನು ವಜಾಗೊಳಿಸುವಂತೆ ಮನವಿಯನ್ನು ಸಲ್ಲಿಸಿದರು. ಆದರೆ ನ್ಯಾಯಾಲಯ ಆಕೆಯ ಮನವಿಯನ್ನು ವಜಾಗೊಳಿಸಿದೆ ಮತ್ತು ದಂಡ ಮತ್ತು ಜೈಲು ಶಿಕ್ಷೆಯನ್ನು ವಿಧಿಸಿತು.
ಚೆನ್ನೈ ಕೋರ್ಟ್, ಥಿಯೇಟರ್ ಉದ್ಯೋಗಿಗಳ ಪ್ರಕರಣದಲ್ಲಿ ಜಯಪ್ರದಾ ಅವರಿಗೆ ಆರು ತಿಂಗಳ ಜೈಲು ಶಿಕ್ಷೆ ವಿಧಿಸಿತ್ತು. ನಂತರ ಜಯಪ್ರದಾ ಸುಪ್ರೀಂ ಕೋರ್ಟ್ ಮೊರೆ ಹೋಗಿದ್ದರು.
ನ್ಯಾಯಮೂರ್ತಿಗಳಾದ ಅಭಯ್ ಎಸ್ ಓಕಾ ಮತ್ತು ಉಜ್ಜಲ್ ಭುಯಾನ್ ಅವರ ನ್ಯಾಯಪೀಠವು ಅವರಿಗೆ ಮಧ್ಯಂತರ ಜಾಮೀನು ನೀಡಿದ್ದು, ಮೇಲ್ಮನವಿದಾರರು (ಜಯಪ್ರದಾ ಮತ್ತು ಅವರು ಪಾಲನ್ನು ಹೊಂದಿರುವ ಚಿತ್ರಮಂದಿರ) 9,80,000 ರೂ.ಗಳನ್ನು ಠೇವಣಿ ಇಟ್ಟಿದ್ದಾರೆ. ಶಿಕ್ಷೆಯ ಆದೇಶಗಳ ವಿರುದ್ಧ ಗಣನೀಯ ಮೇಲ್ಮನವಿಗಳು ಬಾಕಿ ಉಳಿದಿವೆ ಎಂಬ ಅಂಶವನ್ನು ಪರಿಗಣಿಸಿ, ಎರಡನೇ ಮೇಲ್ಮನವಿದಾರ (ಜಯಪ್ರದಾ) ಮೇಲ್ಮನವಿಗಳ ವಿಲೇವಾರಿಯವರೆಗೆ ಶಿಕ್ಷೆಯ ಅಮಾನತು ಮತ್ತು ಜಾಮೀನಿನ ಬಿಡುಗಡೆಗೆ ಅರ್ಹರಾಗಿದ್ದಾರೆ ಎಂದು ನ್ಯಾಯಪೀಠ ತನ್ನ ಮಾರ್ಚ್ 15 ರ ಆದೇಶದಲ್ಲಿ ತಿಳಿಸಿದೆ.