ಗೌಹಾಟಿ : ದೇಶದೆಲ್ಲೆಡೆ ಕರೊನಾ ಸೋಂಕಿನ ಪ್ರಮಾಣ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಆಸ್ಪತ್ರೆಗಳಲ್ಲಿ ಬೆಡ್ ಕೊರತೆ ಎದ್ದು ಕಾಣುತ್ತಿದೆ. ಹಲವು ಸೋಂಕಿತರಿಗೆ ಚಿಕಿತ್ಸೆಯ ಅಗತ್ಯ ಇಲ್ಲದಿದ್ದರೂ ಸೋಂಕು ಹರಡದಂತೆ ಪ್ರತ್ಯೇಕವಾಗಿರಿಸಲು ಐಸೋಲೇಶನ್ ಸೆಂಟರ್ಗಳ ಅಗತ್ಯವೂ ಹೆಚ್ಚಾಗಿ ಕಂಡುಬರುತ್ತಿದೆ. ಈ ಸಮಯದಲ್ಲಿ ಹಲವು ರಾಜ್ಯಗಳು ಬೇರೆ ಬೇರೆ ರೀತಿಯಲ್ಲಿ ಈ ಸಮಸ್ಯೆಯನ್ನು ನಿಭಾಯಿಸಲು ಪ್ರಯತ್ನಿಸುತ್ತಿವೆ.
ಇಂಥದೇ ಒಂದು ಪ್ರಯತ್ನದಲ್ಲಿ ಅಸ್ಸಾಂ ಸರ್ಕಾರವು ಗೌಹಾಟಿಯ ಸರೂಸಜಾಯಿ ಕ್ರೀಡಾಂಗಣವನ್ನು ಕರೊನಾ ರೋಗಿಗಳ ಐಸೋಲೋಷನ್ ಫೆಸಿಲಿಟಿಯಾಗಿ ಪರಿವರ್ತಿಸಿದೆ. ಇಲ್ಲಿ ಕನಿಷ್ಠ ಒಂದು ಸಾವಿರ ರೋಗಿಗಳನ್ನು ಕ್ವಾರಂಟೈನ್ ಮಾಡುವ ಅವಕಾಶ ಕಲ್ಪಿಸಲಾಗಿದೆ ಎನ್ನಲಾಗಿದೆ.
ಇದನ್ನೂ ಓದಿ: ಕೊಳೆಗೇರಿಗಳಲ್ಲಲ್ಲ, ಬಹುಮಹಡಿ ಕಟ್ಟಡಗಳಲ್ಲಿ ಹೆಚ್ಚು ಕರೊನಾ ಸೋಂಕು !
ಫುಟ್ಬಾಲ್ ಸ್ಟೇಡಿಯಂ ಆದ ಇದು ಅಥ್ಲೆಟಿಕ್ಸ್ ಕ್ರೀಡೆಗಳ ಅಭ್ಯಾಸಕ್ಕೂ ಅವಕಾಶ ನೀಡುತ್ತಿತ್ತು. ಇದರ ಇನ್ನೊಂದು ಹೆಸರು ಇಂದಿರಾ ಗಾಂಧಿ ಅಥ್ಲೆಟಿಕ್ ಸ್ಟೇಡಿಯಂ. ನಾರ್ತ್ಈಸ್ಟ್ ಯುನೈಟೆಡ್ ಫುಟ್ಬಾಲ್ ಕ್ಲಬ್ನ ಹೋಂಗ್ರೌಂಡ್ಸ್ ಆಗಿರುವ ಈ ಕ್ರೀಡಾಂಗಣ, ಇದೀಗ ಕರೊನಾ ರೋಗಿಗಳ ಶುಶ್ರೂಷೆಗೆ ಸಾಲುಸಾಲು ಬೆಡ್ಗಳೊಂದಿಗೆ ಸಜ್ಜಾಗಿದೆ. (ಏಜೆನ್ಸೀಸ್)
10ನೇ ತರಗತಿ ವಿದ್ಯಾರ್ಥಿಗಳ ಭೌತಿಕ ತರಗತಿ ರದ್ದು ; ಶಿಕ್ಷಕರ ಹಾಜರಾತಿಗೆ ವಿನಾಯಿತಿ
ನಮ್ಮ ಆಸ್ಪತ್ರೆಗಳಿಗೆ ಹೊರಟ ಆಕ್ಸಿಜನ್ಅನ್ನು ದೆಹಲಿ ಸರ್ಕಾರ ಕದ್ದಿದೆ : ಹರಿಯಾಣ ಸಚಿವರ ಆರೋಪ