ಸಚಿನ್ ತೆಂಡುಲ್ಕರ್ ಭಾರತೀಯ ವಾಯುಸೇನೆಯಲ್ಲಿ ಗೌರವ ಹುದ್ದೆಯನ್ನು ಹೊಂದಿರುವುದನ್ನು ಅಶುತೋಷ್ ತಪ್ಪಾಗಿ ಗ್ರಹಿಸಿ ಅವರನ್ನೂ ಪೈಲಟ್ ಮಾಡಿದ್ದಾರೆ ಎಂದು ಜೋಕ್ ಮಾಡಲಾಗುತ್ತಿದೆ. ಸಚಿನ್ ಪೈಲಟ್ ಅವರನ್ನು ಸಚಿನ್ ತೆಂಡುಲ್ಕರ್ ಎಂದಿರುವ ಅಶುತೋಷ್, ಶೀಘ್ರದಲ್ಲಿಯೇ ರಾಹುಲ್ ಗಾಂಧಿ ಅವರನ್ನು ರಾಹುಲ್ ದ್ರಾವಿಡ್ ಎನ್ನಲಿದ್ದಾರೆ ಎಂದೂ ಕಾಲೆಳೆಯಲಾಗಿದೆ. ನಾನು ಯಾಕೆ ಟ್ರೆಂಡಿಂಗ್ನಲ್ಲಿದ್ದೇನೆ ಎಂದು ಈಗ ಸ್ವತಃ ಸಚಿನ್ ತೆಂಡುಲ್ಕರ್ ಕೂಡ ಅಚ್ಚರಿ ಪಡುತ್ತಿರಬಹುದು ಎಂದೂ ತಮಾಷೆ ಮಾಡಲಾಗಿದೆ. ಇದು ಸಚಿನ್ ತೆಂಡುಲ್ಕರ್ ಕಾಲ ಅಲ್ಲ, ವಿರಾಟ್ ಕೊಹ್ಲಿ ಕಾಲ ಎಂದೂ ಕೆಲವರು ಟ್ವೀಟಿಸಿ ಟ್ರೋಲ್ ಮಾಡಿದ್ದಾರೆ. ಅಲ್ಲದೆ ಈ ಸುದ್ದಿ ಕೇಳಿ ಸಚಿನ್ ತೆಂಡುಲ್ಕರ್ಗೂ ಮುಖ್ಯಮಂತ್ರಿ ಆಗುವ ಆಸೆ ಬರಬಹುದು ಎಂದು ಕಾಲೆಳೆದಿದ್ದಾರೆ.
