ಹುಬ್ಬಳ್ಳಿ : ದಸರಾ ಹಬ್ಬದ ಹಿನ್ನೆಲೆಯಲ್ಲಿ ಪ್ರಯಾಣಿಕರ ದಟ್ಟಣೆ ನಿಯಂತ್ರಣಕ್ಕಾಗಿ ನೈಋತ್ಯ ರೈಲ್ವೆ ವಲಯ ಮೈಸೂರು-ಧಾರವಾಡ-ಮೈಸೂರು ಮತ್ತು ಮೈಸೂರು -ವಿಜಯಪೂರ-ಮೈಸೂರು ಮಧ್ಯೆ ಹಾಗೂ ಎಸ್ಎಸ್ಎಸ್ ಹುಬ್ಬಳ್ಳಿ – ಮಂಗಳೂರು ಜಂಕ್ಷನ್ ಮಧ್ಯೆ ವಿಶೇಷ ರೈಲುಗಳ ಸಂಚಾರ ಪ್ರಾರಂಭಿಸಿದೆ.
ಮೈಸೂರು-ಧಾರವಾಡ ರೈಲು ಅ. 22 ಮತ್ತು 24ರಂದು ರಾತ್ರಿ 10.35ಕ್ಕೆ ಮೈಸೂರಿನಿಂದ ಹೊರಟು, ಮಾರನೇ ದಿನ ಬೆಳಗ್ಗೆ 8 ಗಂಟೆಗೆ ಧಾರವಾಡ ತಲುಪಲಿದೆ. ಧಾರವಾಡ-ಮೈಸೂರು ರೈಲು ಅ. 23 ಮತ್ತು 25ರಂದು ಬೆಳಗ್ಗೆ 11.15ಕ್ಕೆ ಧಾರವಾಡದಿಂದ ಹೊರಟು, ಅದೇ ದಿನ ರಾತ್ರಿ 11.30ಕ್ಕೆ ಮೈಸೂರು ತಲುಪಲಿದೆ.
ಮೈಸೂರು-ವಿಜಯಪೂರ ರೈಲು ಅ. 20ರಂದು ಸಂಜೆ 5.30ಕ್ಕೆ ಮೈಸೂರಿನಿಂದ ಹೊರಟು, ಮಾರನೇ ದಿನ ಬೆಳಗ್ಗೆ 10 ಗಂಟೆಗೆ ವಿಜಯಪುರು ತಲುಪುವುದು. ಅ. 21ರಂದು ಬೆಳಗ್ಗೆ 11.45ಕ್ಕೆ ವಿಜಯಪುರದಿಂದ ಹೊರಡುವ ಈ ರೈಲು, ಮಾರನೇ ದಿನ ಬೆಳಗ್ಗೆ 11.45ಕ್ಕೆ ಮೈಸೂರು ತಲುಪುವುದು.
ಎಸ್ಎಸ್ಎಸ್ ಹುಬ್ಬಳ್ಳಿ-ಮಂಗಳೂರು ಜಂಕ್ಷನ್ ರೈಲು ಅ. 20 ಮತ್ತು 23ರಂದು ಮಧ್ಯಾಹ್ನ 3.30ಕ್ಕೆ ಎಸ್ಎಸ್ಎಸ್ ಹುಬ್ಬಳ್ಳಿ ನಿಲ್ದಾಣದಿಂದ ಹೊರಟು, ಮಾರನೇ ದಿನ ಬೆಳಗ್ಗೆ 9.40ಕ್ಕೆ ಮಂಗಳೂರು ಜಂಕ್ಷನ್ ತಲುಪುವುದು. ಮಂಗಳೂರು ಜಂಕ್ಷನ್ನಿಂದ ಅ. 21 ಮತ್ತು 24ರಂದು ಬೆಳಗ್ಗೆ 11.40ಕ್ಕೆ ಹೊರಟು, ಮಾರನೇ ದಿನ ಬೆಳಗಿನಜಾವ 5.45ಕ್ಕೆ ಎಸ್ಎಸ್ಎಸ್ ಹುಬ್ಬಳ್ಳಿ ನಿಲ್ದಾಣ ತಲುಪುವುದು.