ಈ ಮದುವೆ ನಡೆದದ್ದು ದಕ್ಷಿಣ ಆಫ್ರಿಕಾದಲ್ಲಿ. ಆತ ತಾನು ಇಷ್ಟ ಪಡುವ ಹುಡುಗಿಗೆ ಪ್ರಪೊಸ್ ಮಾಡಿದ್ದು ಕೆಎಫ್ಸಿಯಲ್ಲಿ.
ಆಕೆ ಆತನ ಪ್ರಪೊಸ್ಗೆ ಹೂಂ ಎಂದದ್ದು ಆಯ್ತು. ಅವರು ಡಿಸೆಂಬರ್ 31ರಂದು ಸತಿ ಪತಿಗಳಾದರು. ಇವರ ಆರತಕ್ಷತೆ ವಿಜೃಂಭಣೆಯಿಂದ ನಡೆದಿದೆ.
ಆದರೆ ಅವರಿಬ್ಬರೂ ಕಡು ಬಡವರು. ಮದುವೆಗೂ ಅವರಲ್ಲಿ ಹಣವೂ ಇರಲಿಲ್ಲ. ಅಂತಹದ್ದರಲ್ಲಿ ಆರತಕ್ಷತೆ ಹೇಗೆ ವಿಜೃಂಭಣೆಯಿಂದ ನಡೆಯಿತು ಗೊತ್ತ ಮುಂದೆ ಓದಿ…
ಈ ದಂಪತಿಯ ಗೆಳೆಯರೊಬ್ಬರು ನೆಟ್ನಲ್ಲಿ ಇವರ ಪ್ರೇಮದ ಬಗ್ಗೆ ಪ್ರಸ್ತಾಪ ಮಾಡಿದ್ದರು. ಇವರಿಗೆ ಆರ್ಥಿಕ ಸಹಾಯಕ್ಕಾಗಿ ಮನವಿ ಮಾಡಿದ್ದರು. ಇದನ್ನು ಕಂಡ ಕೆಲ ಖಾಸಗಿ ಸಂಸ್ಥೆಗಳು ಧನ ಸಹಾಯ ಒದಗಿಸಿದ್ದವು.
37 ವರ್ಷದ ಹೆಕ್ಟರ್ ಮ್ಕಾಂಸಿ ಹಾಗೂ 28ರ ಹರೆಯದ ನೊನ್ಹಲ್ನಾಲ ಸೊಲ್ಡಾತ್ ಎಂಬುವರೇ ಆ ಪ್ರೇಮಿಗಳು. ಕೆಎಫ್ಸಿಯಲ್ಲಿ ನಡೆದ ಇವರ ಪ್ರೇಮ ನೀವೇದನೆಯನ್ನು ಟ್ವೀಟರ್ನಲ್ಲಿ ಅಪ್ಲೋಡ್ ಮಾಡಲಾಗಿತ್ತು.
ಮ್ಕಾಂಸಿ ಗೆಳೆಯನೊಬ್ಬ ಆನ್ಲೈನ್ಲ್ಲಿ ಈ ಬಗ್ಗೆ ಬರೆದುಕೊಂಡು, ಇವರ ಆರ್ಥಿಕ ಸಮಸ್ಯೆ ಬಗ್ಗೆ ಹೇಳಿದ್ದ. ಮದುವೆಗಾಗಿ ಹಾಲ್, ಉಡುಪು, ಕೇಕ್ಗಾಗಿ ಹಣದ ಅವಶ್ಯಕತೆ ಇದೆ. ಅದಕ್ಕಾಗಿ ಸಹಾಯ ಮಾಡಿ ಎಂದು ವಿನಂತಿ ಮಾಡಿಕೊಂಡಿದ್ದ. ಆದರೆ ಈ ಬಗ್ಗೆ ದಂಪತಿಗೆ ತಿಳಿಸಿರಲಿಲ್ಲ.
ನಂತರ ಕೋಕಾ ಕೋಲಾ ಸಂಸ್ಥೆ ಇವರ ನೆರವಿಗೆ ಬಂತು. ಆ ದಂಪತಿಗೆ ಸರ್ಪ್ರೈಸ್ ರೀತಿಯಲ್ಲಿ ಮದುವೆ ನಡೆಸಲಾಯಿತು. ಆ ಪ್ರಪೋಸ್ ಮಾಡಿದ ಒಂದು ತಿಂಗಳಲ್ಲಿ ಈ ಮದುವೆ ನಡೆದಿದೆ. (ಏಜೆನ್ಸೀಸ್)
thank you for the invite Nhlanhlo….#KFCWEDDING #KFCWEDDING pic.twitter.com/zsxSqnsD0R
— SizaM (@MtakaJesu) December 31, 2019