ನವದೆಹಲಿ: ಕೇಂದ್ರ ಸಚಿವೆ ಸ್ಮೃತಿ ಇರಾನಿಗೆ ಪ್ರೇಮಿಗಳ ದಿನದ ಪ್ರಯುಕ್ತ ಪತಿ ಜುಬಿನ್ ಇರಾನಿ ಸರ್ಪೈಸ್ ಗಿಫ್ಟ್ ಒಂದನ್ನು ನೀಡಿದ್ದಾರೆ. ಗುಲಾಬಿ ಹೂವುಗಳ ಬೊಕ್ಕೆಯನ್ನು ನೀಡಿ ತಮ್ಮ ಹೆಂಡತಿಗೆ ಈ ವಿಶೇಷ ದಿನದ ಶುಭ ಹಾರೈಸಿದ್ದಾರೆ.
ಇಂದು ಮುಂಜಾನೆಯೇ ಸಚಿವೆ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ಸರ್ಪೈಸ್ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಪತಿ ನೀಡಿರುವ ಗುಲಾಬಿ ಹೂಗಳ ಬೊಕ್ಕೆಯ ಫೋಟೋವನ್ನು ಹಂಚಿಕೊಂಡಿರುವ ಸಚಿವೆ ಅದಕ್ಕೆ ಹಾರ್ಟ್ ಇಮೋಜಿಗಳನ್ನು ನೀಡುವ ಮೂಲಕ ಪತಿಗೆ ಥ್ಯಾಂಕ್ಸ್ ಹೇಳಿದ್ದಾರೆ.
43 ವರ್ಷದ ಸ್ಮೃತಿ ಇರಾನಿ 2001ರಲ್ಲಿ ಜುಬಿಯಾ ಇರಾನಿಯನ್ನು ಮದುವೆಯಾಗಿದ್ದರು. ಅಂದಿನಿಂದ ಸುಖ ದಾಂಪತ್ಯ ನಡೆಸಿಕೊಂಡು ಬಂದಿರುವ ಈ ದಂಪತಿಗೆ ಜೊಹ್ರ್ ಇರಾನಿ ಹೆಸರಿನ ಮಗ ಮತ್ತು ಜೊಯಿಶ್ ಇರಾನಿ ಹೆಸರಿನ ಮಗಳಿದ್ದಾಳೆ. (ಏಜೆನ್ಸೀಸ್)