ಬೆಳ್ಳಿ ಬೆಲೆ ಗಗನಮುಖಿ: ಒಂದು ಕೆಜಿಗೆ ಒಂದು ಲಕ್ಷ ರೂಪಾಯಿ ಆಗಲಿದೆ ಎನ್ನುತ್ತಾರೆ ತಜ್ಞರು

ಮುಂಬೈ: ಏಪ್ರಿಲ್ 17 ರಂದು ರಾಮ ನವಮಿ ಸಂದರ್ಭದಲ್ಲಿ ಬೆಳ್ಳಿಯ ಬೆಲೆ 1 ಕೆಜಿಗೆ ರೂ 500 ರಷ್ಟು ಕುಸಿದಿದೆ. ಈ ವಾರದ ಆರಂಭದಲ್ಲಿ ಮಧ್ಯಪ್ರಾಚ್ಯದಲ್ಲಿ ಭೌಗೋಳಿಕ ರಾಜಕೀಯ ಉದ್ವಿಗ್ನತೆಯೊಂದಿಗೆ ಬೆಳ್ಳಿ ಬೆಲೆಯು 86,000 ಗಡಿಯನ್ನು ದಾಟಿ ಕೆಜಿಗೆ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 86,500 ರೂ. ತಲುಪಿತು.

ಪ್ರಭುದಾಸ್ ಲೀಲಾಧರ ಬ್ರೋಕರೇಜ್​ ಸಂಸ್ಥೆಯು ಬೆಳ್ಳಿಯ ಮುಂದಿನ ಗುರಿ ಬೆಲೆಯನ್ನು 1 ಲಕ್ಷ ಸಮೀಪಕ್ಕೆ ನಿಗದಿಪಡಿಸಿದ್ದಾರೆ. ಈ ಬ್ರೋಕರೇಜ್​ ಸಂಸ್ಥೆಯು ಈ ಹಿಂದೆ ಬೆಳ್ಳಿ ಬೆಲೆ ಗುರಿಯನ್ನು ರೂ. 85,000ಕ್ಕೆ ನಿಗದಿಪಡಿಸಿದ್ದು, ಈಗ ಈ ಗುರಿ ಬೆಲೆಯನ್ನು ದಾಟಿದೆ.

ಭಾರತದ ಚಿಲ್ಲರೆ ಅಂಗಡಿಗಳಲ್ಲಿ, ಏಪ್ರಿಲ್ 16 ರಂದು 87,000 ರೂಪಾಯಿಗಳಿಗೆ ಹೋಲಿಸಿದರೆ 1 ಕೆಜಿ ಬೆಳ್ಳಿಯ ಬೆಲೆ ಏಪ್ರಿಲ್ 17 ರಂದು 500 ರೂಪಾಯಿಗಳಷ್ಟು ಕಡಿಮೆಯಾಗಿ 86,500 ರೂಪಾಯಿಗಳಿಗೆ ಇಳಿದಿದೆ.

ಭಾರತದ ಪ್ರಮುಖ ನಗರಗಳಲ್ಲಿ 1 ಕೆಜಿ ಬೆಳ್ಳಿ ಬೆಲೆ 90,000 ರೂ. ಇದೆ. ಅವುಗಳೆಂದರೆ: ಚೆನ್ನೈ, ಹೈದರಾಬಾದ್, ಕೇರಳ, ಕೊಯಮತ್ತೂರು, ಮಧುರೈ, ವಿಜಯವಾಡ, ವಿಶಾಖಪಟ್ಟಣಂ, ಕಟಕ್, ಸೇಲಂ, ವೆಲ್ಲೂರು, ಅಮರಾವತಿ, ಗುಂಟೂರು, ನೆಲ್ಲೂರು, ಕಾಕಿನಾಡ, ತಿರುಪತಿ, ಕಡಪ, ಅನಂತ್‌ಪುಟ್, ವಾರಂಗಲ್, ನಿಜಾಂಬದ್, ಖಮ್ಮಂ, ಬರ್ಹಾಂಪುರ, ರೂರ್ಕೆಲಾ, ತಿರುಪುರ್, ತಿರುನೆಲ್ವೇಲಿ , ತಿರುಚ್ಚಿ, ಸಂಬಲ್ಪುರ್, ಈರೋಡ್, ಕೊಚ್ಚಿ, ನಾಗರ್ಕೋಯಿಲ್, ತಿರುವನಂತಪುರಂ, ತಂಜಾವೂರು, ಕರೂರ್, ಊಟಿ, ತ್ರಿಶೂರ್, ಮತ್ತು ಪಾಂಡಿಚೇರಿ ಮೊದಲಾದವರು.

ಮುಂಬೈ, ದೆಹಲಿ, ಕೋಲ್ಕತ್ತಾ, ಬೆಂಗಳೂರು, ಪುಣೆ, ವಡೋದರಾ, ಅಹಮದಾಬಾದ್, ಜೈಪುರ, ಲಕ್ನೋ, ಪಾಟ್ನಾ, ನಾಗ್ಪುರ, ಚಂಡೀಗಢ, ಸೂರತ್, ಮಂಗಳೂರು, ನಾಸಿಕ್, ಮೈಸೂರು, ನೋಯ್ಡಾ, ರಾಜ್‌ಕೋಟ್, ಆಗ್ರಾ, ಮೊಹಾಲಿ ಮುಂತಾದ ನಗರಗಳಲ್ಲಿ ಬೆಳ್ಳಿ ಬೆಲೆ 86,500 ರೂ. ಇದೆ.

ರಾಮ ಜನ್ಮಭೂಮಿಯಾದ ಅಯೋಧ್ಯೆಯಲ್ಲಿಯೂ ಬೆಳ್ಳಿ ಬೆಲೆ 86,500 ರೂ. ಇದೆ.

MCX ನಲ್ಲಿ ವ್ಯಾಪಾರ, ಸರಕುಗಳ ವಿನಿಮಯವನ್ನು ಏಪ್ರಿಲ್ 17 ರಂದು ರಾಮ ನವಮಿ ರಜೆಯ ಕಾರಣ ಮುಚ್ಚಲಾಗಿದೆ. ಆದರೂ, ಹಿಂದಿನ ಸೆಷನ್‌ನಲ್ಲಿ, MCX ಬೆಳ್ಳಿ ಬೆಲೆಗಳು 83,480 ರೂ.ಗೆ ಸ್ವಲ್ಪ ಕಡಿಮೆಯಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೆಳ್ಳಿಯ ಬೆಲೆ 0.60% ಏರಿಕೆಯಾಗಿ 28.547 ಡಾಲರ್​ ಆಗಿದೆ.

ಏಪ್ರಿಲ್ 17 ರಂದು, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೆಳ್ಳಿ ಬೆಲೆಯು 28.148 – 28.668 ಡಾಲರ್​ ಇತ್ತು. ಬೆಳ್ಳಿ ಬೆಲೆಯು 52-ವಾರಗಳ ಗರಿಷ್ಠ ಬೆಲೆಯಾದ 29.905 ಡಾಲರ್​ ಸಮೀಪದಲ್ಲಿದೆ. ಭೌಗೋಳಿಕ ರಾಜಕೀಯ ಉದ್ವಿಗ್ನತೆಗಳು ತೀವ್ರಗೊಳ್ಳುತ್ತಿದ್ದಂತೆ, ಬೆಳ್ಳಿಯು 30 ಡಾಲರ್ ಮಾರ್ಕ್ ಅನ್ನು ಮೀರುವ ಸಾಧ್ಯತೆಗಳಿವೆ ಎಂಬ ನಿರೀಕ್ಷೆಗಳಿವೆ.

“ನಾವು ರೂ. 75630 ಮಟ್ಟದಲ್ಲಿ ಬೆಳ್ಳಿಯ ಬಗ್ಗೆ ನಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದೇವೆ. ರೂ. 78200 ಕ್ಕಿಂತ ಹೆಚ್ಚಿನ ಬ್ರೇಕ್‌ಔಟ್ ನೀಡಿದ ನಂತರ, ಬೆಳ್ಳಿ 85000 ರೂ. ತಲುಪಿದೆ, 81000 ರೂಪಾಯಿಯ ಕಡೆಗೆ ಒಂದು ಸಣ್ಣ ತಿದ್ದುಪಡಿಯ ನಂತರ ರೂ. 93500 ತಲುಪಲಿದೆ” ಎಂದು ಪ್ರಭುದಾಸ್ ಲೀಲಾಧರ್​ ಬ್ರೋಕರೇಜ್​ ಸಂಸ್ಥೆಯ ವೈಶಾಲಿ ಪಾರೇಖ್ ಹೇಳಿದ್ದಾರೆ.