ಕಳೆದ ವರ್ಷ “ವೀರಸಿಂಹ ರೆಡ್ಡಿ’, “ವಾಲ್ಟೇರ್ ವೀರಯ್ಯ’, “ಸಲಾರ್’ ಚಿತ್ರಗಳಲ್ಲಿ ನಟಿಸಿ ಹ್ಯಾಟ್ರಿಕ್ ಸಕ್ಸಸ್ ನೋಡಿದ ನಟಿ ಶ್ರುತಿ ಹಾಸನ್, “ದ ಐ’ ಮೂಲಕ ಹಾಲಿವುಡ್ಗೂ ಎಂಟ್ರಿ ಕೊಟ್ಟರು. ಇದೀಗ ಈ ವರ್ಷ “ಇನಿಮೆಲ್’ ಎಂಬ ಮೊದಲ ಮ್ಯೂಸಿಕ್ ವಿಡಿಯೋ ಆಲ್ಬಂ ಹಾಡಿನಲ್ಲಿ ಮಿಂಚಿದ ಅವರು, ಮತ್ತೆ ಸಿನಿಮಾದಲ್ಲಿ ಬಿಜಿಯಾಗಿದ್ದಾರೆ. ಹೆಸರು “ಚೆನ್ನೈ ಸ್ಟೋರಿ’. ಇದು 2004ರಲ್ಲಿ ತಿಮೇರಿ ಆರ್. ಮುರಾರಿ ಬರೆದಿದ್ದ “ದ ಅರೇಂಜ್ಮೆಂಟ್ಸ್ ಆ್ ಲವ್’ ಕಾದಂಬರಿ ಆಧಾರಿತ ಚಿತ್ರವಾಗಿದ್ದು, ಫಿಲಿಪ್ ಜಾನ್ ನಿರ್ದೇಶಿಸಲಿದ್ದಾರೆ.
ಇಂಗ್ಲೀಷ್ ಮತ್ತು ತಮಿಳು ಭಾಷೆಗಳಲ್ಲಿ ಈ ಸಿನಿಮಾ ಮೂಡಿಬರಲಿದ್ದು, ಇತ್ತೀಚೆಗಷ್ಟೆ ಮುಹೂರ್ತ ನೆರವೇರಿದೆ. ಈ ಹಿಂದೆ “ಚೆನ್ನೈ ಸ್ಟೋರಿ’ಗೆ ಸಮಂತಾ ರುತ್ ಪ್ರಭು ನಾಯಕಿಯಾಗಿ ಆಯ್ಕೆಯಾಗಿದ್ದರು. ಆದರೆ, ಆರೋಗ್ಯ ಸಮಸ್ಯೆಯಿಂದಾಗಿ ಅವರು ಚಿತ್ರತಂಡದಿಂದ ಹೊರನಡೆದ ಕಾರಣ, ಅವರ ಜಾಗಕ್ಕೆ ಶ್ರುತಿ ಹಾಸನ್ ಎಂಟ್ರಿಯಾಗಿದ್ದಾರೆ.
“ವೊಯೇಜಸ್ರ್’, “ಲಿಫ್ಟ್’ ಖ್ಯಾತಿಯ ಭಾರತ ಮೂಲದ ಹಾಲಿವುಡ್ ನಟ ವಿವೇಕ್ ಕಾಲ್ರಾ ಈ ಚಿತ್ರಕ್ಕೆ ನಾಯಕನಾಗಿದ್ದು, ಅವರಿಗೆ ಶ್ರುತಿ ಜೋಡಿಯಾಗಲಿದ್ದಾರೆ. “ಚೆನ್ನೈ ಸ್ಟೋರಿ’ ಜತೆಗೆ “ಡಕಾಯತ್’, “ಸಲಾರ್ 2: ಶೌರ್ಯಂಗಪರ್ವಂ’ ಚಿತ್ರಗಳಲ್ಲು ಶ್ರುತಿ ನಟಿಸುತ್ತಿದ್ದಾರೆ. &ಏಜೆನ್ಸೀಸ್