ಮುಂಬೈ: ಸೌಥ್ ಸೆನ್ಸೇಶನ್ ರಶ್ಮಿಕಾ ಮಂದಣ್ಣ ಬಾಲಿವುಡ್ನಲ್ಲಿ ಮಿಷನ್ ಮಜ್ನು ಎಂಬ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿರುವುದು ಗೊತ್ತೇ ಇದೆ. ಈ ಚಿತ್ರದಲ್ಲಿ ರಶ್ಮಿಕಾಗೆ ನಟಿಸುವುದಕ್ಕೆ ಅವಕಾಶ ಸಿಕ್ಕಿದ್ದು ಹೇಗೆ ಗೊತ್ತಾ? ಅದಕ್ಕೆ ಕಾರಣ, ಡಿಯರ್ ಕಾಮ್ರೇಡ್ ಚಿತ್ರ.
ಇದನ್ನೂ ಓದಿ: ವಿಕ್ರಮ್ ವೇದಾ ರೀಮೇಕ್ನಿಂದ ಹೃತಿಕ್ ಔಟ್?
ಡಿಯರ್ ಕಾಮ್ರೇಡ್ ಎಂಬ ತೆಲುಗು ಚಿತ್ರದಲ್ಲಿ ರಶ್ಮಿಕಾ ನಾಯಕಿಯಾಗಿ ನಟಿಸಿದ್ದು ನೆನಪಿರಬಹುದು. ವಿಜಯ್ ದೇವರಕೊಂಡ ಹೀರೋ ಆಗಿದ್ದ ಈ ಚಿತ್ರ, ಎರಡು ವರ್ಷಗಳ ಹಿಂದೆ ಬಿಡುಗಡೆಯಾಗಿತ್ತು. ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಅಷ್ಟೇನೂ ಯಶಸ್ವಿಯಾಗದಿದ್ದರೂ, ರಶ್ಮಿಕಾ ಮಂದಣ್ಣ ಅಭಿನಯದ ಬಗ್ಗೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು.
ಮಿಷನ್ ಮಜ್ನು ಚಿತ್ರದಲ್ಲಿ ರಶ್ಮಿಕಾಗೆ ಅವಕಾಶ ಸಿಗುವುದಕ್ಕೆ ಅದೇ ಕಾರಣ ಎಂದು ನಿರ್ದೇಶಕ ಶಂತನು ಬಾಗ್ಚಿ ಹೇಳಿಕೊಂಡಿದ್ದಾರೆ. ಅವರು ಮಿಷನ್ ಮಜ್ನು ಕಥೆ ಮಾಡಿಟ್ಟುಕೊಂಡು, ಸಿದ್ಧಾರ್ಥ್ ಮಲ್ಹೋತ್ರಾಗೆ ಸೂಕ್ತ ನಾಯಕಿಯ ಹುಡುಕಾಟದಲ್ಲಿದ್ದರಂತೆ. ಈ ಸಂದರ್ಭದಲ್ಲಿ ಒಮ್ಮೆ ಡಿಯರ್ ಕಾಮ್ರೇಡ್ ಚಿತ್ರವನ್ನು ನೋಡುವ ಅವಕಾಶ ಬಂದಿತಂತೆ. ಈ ಚಿತ್ರದಲ್ಲಿ ರಶ್ಮಿಕಾ ಅವರನ್ನು ನೋಡಿ ಬೋಲ್ಡ್ ಆದ ಶಂತನು, ರಶ್ಮಿಕಾ ಅವರನ್ನು ಕರೆದು ಬಾಲಿವುಡ್ನಲ್ಲಿ ಅವಕಾಶ ಕೊಟ್ಟಿದ್ದಾರೆ ಎಂದು ವಿಶೇಷ.
ಈ ಕುರಿತು ಮಾತನಾಡಿರುವ ಶಂತನು, ಡಿಯರ್ ಕಾಮ್ರೇಡ್ ಚಿತ್ರದಲ್ಲಿ ನನಗೆ ರಶ್ಮಿಕಾ ಅವರ ಅಭಿನಯ ಬಹಳ ಹಿಡಿಸಿತು. ಅವರ ಮುಗ್ಧತೆ ಮತ್ತು ಚೆಲುವು ಇಷ್ಟವಾಯಿತು. ನಮ್ಮ ಚಿತ್ರದ ನಾಯಕಿ ಪಾತ್ರಕ್ಕೆ ಅವವರು ಹೇಳಿ ಮಾಡಿಸಿದ್ದಾರೆ ಎಂದನಿಸಿತು. ಅದೇ ಕಾರಣಕ್ಕೆ, ಅವರಿಗೆ ಚಿತ್ರದಲ್ಲಿ ನಟಿಸುವ ಆಫರ್ ಕೊಟ್ಟೆ. ಅವರು ಪ್ರೀತಿಯಿಂದ ಒಪ್ಪಿಕೊಂಡಿದ್ದಾರೆ ಎಂದು ಶಂತನು ಹೇಳಿದ್ದಾರೆ.
ಇದನ್ನೂ ಓದಿ: ಒಂದು ವಾರಕ್ಕಿಂತ ಹೆಚ್ಚು ಕಾಲ ಇನ್ಸ್ಟಾಗ್ರಾಂನಲ್ಲಿ ಇರುವ ನಂಬಿಕೆ ಇಲ್ಲ: ಕಂಗನಾ
ಮಿಷನ್ ಮಜ್ನು, ರಶ್ಮಿಕಾ ಅಭಿನಯದ ಮೊದಲ ಬಾಲಿವುಡ್ ಚಿತ್ರವಾಗಿದ್ದು, ಕೆಲವು ತಿಂಗಳುಗಳ ಹಿಂದೆಯೇ ಚಿತ್ರೀಕರಣ ಪ್ರಾರಂಭವಾಗಿದೆ. ಈ ಚಿತ್ರ ಮುಗಿಯುವುದಕ್ಕೆ ಮುನ್ನವೇ ರಶ್ಮಿಕಾ ಬಾಲಿವುಡ್ನಲ್ಲಿ ಇನ್ನೂ ಎರಡು ಚಿತ್ರಗಳನ್ನು ಒಪ್ಪಿಕೊಂಡಿದ್ದು, ಒಂದು ಅಮಿತಾಭ್ ಅಭಿನಯದ ಗುಡ್ಬೈ ಆದರೆ, ಇನ್ನೊಂದು ಚಿತ್ರದ ಬಗ್ಗೆ ಅವರಿನ್ನೂ ಯಾವದೇ ಮಾಹಿತಿ ಹಂಚಿಕೊಂಡಿಲ್ಲ. ಸದ್ಯದಲ್ಲೇ ಆ ಚಿತ್ರದ ಬಗ್ಗೆ ಇನ್ನಷ್ಟು ವಿಷಯಗಳನ್ನು ಹೇಳುವುದಾಗಿ ಹೇಳುತ್ತಾರೆ.