ಮುಂಬೈ: ಭಾರತದ ಷೇರುಪೇಟೆಯ ಗುರುವಾರದ ಆರಂಭಿಕ ವಹಿವಾಟಿನಲ್ಲಿ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್ 900ಕ್ಕೂ ಹೆಚ್ಚು ಅಂಶ ಏರಿಕೆಯಾಗಿದರೆ, ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ 9,800ರ ಮಟ್ಟಕ್ಕೆ ಏರಿಕೆಯಾಗಿದೆ.
ಗುರುವಾರ ಆರಂಭಿಕ ವಹಿವಾಟಿನಲ್ಲಿ ಸೆನ್ಸೆಕ್ಸ್ 33,615.85ರಲ್ಲಿ ಇದ್ದಾಗ ಶೇಕಡ 2.74 ಅಂಶ ಏರಿಕೆಯಾಗಿ 33,640.73ರ ಗರಿಷ್ಠ ಏರಿಕೆ ತೋರಿಸಿತ್ತು. ಇದೇ ರೀತಿ, ನಿಫ್ಟಿ ಶೇಕಡ 2.59 ಏರಿಕೆ ತೋರಿಸಿ 9,800.55 ರಲ್ಲಿ ವಹಿವಾಟು ಮುಂದುವರಿಸಿತ್ತು.
ಸೆನ್ಸೆಕ್ಸ್ ಪಟ್ಟಿಯಲ್ಲಿ ಮಾರುತಿ ಟಾಪ್ ಗೇನರ್ ಆಗಿದ್ದು, ಈ ಕಂಪನಿಯ ಷೇರುಗಳು ಶೇಕಡ 7 ಏರಿಕೆ ಕಂಡಿವೆ. ಇದೇ ರೀತಿ ಎಂಆ್ಯಂಡ್ಎಂ, ಐಸಿಐಸಿಐ ಬ್ಯಾಂಕ್, ಇನ್ಫೋಸಿಸ್, ಟಾಟಾ ಸ್ಟೀಲ್, ಬಜಾಜ್ ಆಟೋ, ಏಕ್ಸಿಸ್ ಬ್ಯಾಂಕ್, ಬಜಾಜ್ ಫೈನಾನ್ಸ್ ಷೇರುಗಳು ಲಾಭಗಳಿಸಿವೆ.
ರಿಲಯನ್ಸ್ ಇಂಡಸ್ಟೀಸ್, ಎಚ್ಯುಎಲ್, ಟೆಕ್ ಮಹೀಂದ್ರಾ ಕಂಪನಿಗಳ ಆದಾಯಕ್ಕೆ ಸಂಬಂಧಿಸಿದ ಘೋಷಣೆಗೆ ಮುಂಚಿತವಾಗಿ ಲಾಭಾಂಶ ತೋರಿಸಿವೆ. ಇನ್ನೊಂದೆಡೆ ಸನ್ ಫಾರ್ಮಾ ಕಂಪನಿ ಷೇರು ನಷ್ಟ ಅನುಭವಿಸಿದೆ. ಈ ಹಿಂದಿನ ದಿನದ ವಹಿವಾಟಿನಲ್ಲಿ ಸೆನ್ಸೆಕ್ಸ್ 605.64 ಅಂಶ ಏರಿಕೆ ತೋರಿ 32,720.16ರಲ್ಲೂ, ನಿಫ್ಟಿ 172.45 ಅಂಶ ಏರಿಕೆ ತೋರಿಸಿ 9,553.35ರಲ್ಲೂ ಮುಕ್ತಾಯಗೊಂಡಿದ್ದವು.
ಷೇರುಪೇಟೆಯ ಬುಧವಾರದ ತಾತ್ಕಾಲಿಕ ಡೇಟಾ ಪ್ರಕಾರ, ಫಾರಿನ್ ಪೋರ್ಟ್ಫೋಲಿಯೋ ಇನ್ವೆಸ್ಟರ್ಸ್ 722.08 ಕೋಟಿ ರೂಪಾಯಿ ಮೌಲ್ಯದ ಈಕ್ವಿಟಿ ಷೇರುಗಳನ್ನು ಮಾರಾಟ ಮಾಡಿದ್ದಾರೆ.(ಏಜೆನ್ಸೀಸ್)