ಮುಂಬೈ: ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಇ)ಯ ಸೂಚ್ಯಂಕ ಸೆನ್ಸೆಕ್ಸ್ ಮತ್ತು ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ50 ಏರಿಕೆ ದಾಖಲಿಸಿದ ಗುರುವಾರದ ವಹಿವಾಟನ್ನು ಕೊನೆಗೊಳಿಸಿದೆ.
ಸೆನ್ಸೆಕ್ಸ್ 320.62 ಅಂಶ ಏರಿಕೆ ದಾಖಲಿಸಿ ಶೇಕಡ 0.78 ಏರಿಕೆಯೊಂದಿಗೆ 41,626.64ರಲ್ಲಿ ವಹಿವಾಟು ಮುಗಿಸಿದೆ. ಇದೇ ವೇಳೆ ನಿಫ್ಟಿ 50 99.70 ಅಂಶ ಏರಿಕೆ ಅಥವಾ ಶೇಕಡ 0.82 ಏರಿಕೆಯೊಂದಿಗೆ 12,282.20ರಲ್ಲಿ ದಿನದ ವಹಿವಾಟು ಪೂರ್ಣಗೊಳಿಸಿದೆ.
ಸೆನ್ಸೆಕ್ಸ್ ಪಟ್ಟಿಯಲ್ಲಿ ಅಲ್ಟ್ರಾಟೆಕ್ ಸಿಮೆಂಟ್ ಷೇರುಗಳು ಟಾಪ್ ಗೇನರ್ ಆಗಿ ಕಾಣಿಸಿದ್ದು, ಶೇಕಡ 4.37 ಏರಿಕೆ ಕಂಡಿದೆ. ಟಾಟಾ ಸ್ಟೀಲ್, ಇಂಡಸ್ಇಂಡ್ ಬ್ಯಾಂಕ್, ಎಲ್ಆ್ಯಂಡ್ಟಿ, ರಿಲಯನ್ಸ್ ಇಂಡಸ್ಟ್ರೀಸ್, ಎಸ್ಬಿಐ, ಎಚ್ಡಿಎಫ್ಸಿ, ಎಚ್ಡಿಎಫ್ಸಿ ಬ್ಯಾಂಕ್, ಏಕ್ಸಿಸ್ ಬ್ಯಾಂಕ್, ಒಎನ್ಜಿಸಿ, ಐಟಿಸಿಗಳು ಕೂಡ ಏರಿಕೆ ದಾಖಲಿಸಿವೆ.
ಇನ್ನೊಂದೆಡೆ, ಬಜಾಜ್ ಆಟೋ, ಟಿಸಿಎಸ್, ಇನ್ಫೋಸಿಸ್, ಎನ್ಟಿಪಿಸಿ, ನೆಸ್ಲೆ ಇಂಡಿಯಾ, ಕೊಟಾಕ್ ಬ್ಯಾಂಕ್, ಹೀರೋ ಮೋಟೋಕಾರ್ಪ್ ಷೇರುಗಳು ಗರಿಷ್ಠ ಶೇಕಡ 0.89 ಇಳಿಕೆ ಕಂಡಿವೆ. (ಏಜೆನ್ಸೀಸ್)