ಮುಂಬೈ: ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಕೆಲ ದಿನಗಳ ಹಿಂದಷ್ಟೆ ಹೂಡಿಕೆದಾರರಿಗೆ ಮೊಬೈಲ್ ಆ್ಯಪ್ ಲಾಂಚ್ ಮಾಡಿತ್ತು. ಮ್ಯೂಚುಯಲ್ ಫಂಡ್ಸ್, ಪಟ್ಟಿ ಮಾಡಿದ ಕಂಪನಿಗಳು, ನೋಂದಾಯಿತ ಮಧ್ಯವರ್ತಿಗಳು ಸೇರಿ ಇನ್ನಿತರ ಕುಂದುಕೊರತೆಗಳ ಬಗ್ಗೆ ‘ಸೆಬಿ ಸ್ಕೋರ್ಸ್’ ಆಪ್ ಮೂಲಕ ದೂರು ನೀಡಬಹುದು.
ಹೂಡಿಕೆ ಬಗ್ಗೆ ನಿಮ್ಮ ಸಲಹೆಗಾರರು ಅಥವಾ ನಿಮ್ಮ ಮ್ಯೂಚುಯಲ್ ಫಂಡ್ ಕಂಪನಿ ವಿರುದ್ಧ ಕಂಪ್ಲೇಂಟ್ ಕೊಡಬಹುದು. ಇದಕ್ಕೆ ನಿಮ್ಮ ಬಳಿ ಸ್ಮಾರ್ಟ್ ಫೋನ್ ಇದ್ದರೆ ಸಾಕು. ಸೆಬಿ ಆಪ್ ನಿಮಗೆ ಹೆಲ್ಪ್ ಮಾಡುತ್ತೆ. ಅಂಡ್ರಾಯ್ಡ್ ಮತ್ತು ಐಒಎಸ್ ಸ್ಮಾರ್ಟ್ ಪೋನ್ ಬಳಸಿ ಸ್ಕೋರ್ಸ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಬಹುದಾಗಿದ್ದು. ಇಂಟರ್ನೆಟ್ ಮುಖಾಂತರವೂ ಸ್ಕೋರ್ಸ್ ಆಪ್ ಡೌನ್ ಲೋಡ್ಗೆ ಅವಕಾಶವಿದೆ.
ಆಪ್ ಡೌನ್ ಲೋಡ್ ಆದ ಬಳಿಕ ರಿಜಿಸ್ಟರ್ ಮಾಡಲು ಪ್ಯಾನ್ ಮತ್ತು ಮೊಬೈಲ್ ನಂಬರ್ ಕಡ್ಡಾಯಗೊಳಿಸಲಾಗಿದೆ. ಮ್ಯೂಚುಯಲ್ ಫಂಡ್ಸ್, ಠೇವಣಿ ಭಾಗಿದಾರರು, ನೋಂದಾಯಿತ ಕಂಪನಿ, ಸ್ಟಾಕ್ ಬ್ರೋಕರ್ಸ್ರ್, ಹೂಡಿಕೆ ಸಲಹೆಗಾರರ ಬಗ್ಗೆ ವಿವಿಧ ವಿಭಾಗಗಳಲ್ಲಿ ದೂರು ಸಲ್ಲಿಸಬಹುದು. ಜೊತೆಗೆ ಸಾಮೂಹಿಕ ಹೂಡಿಕೆ ಯೋಜನೆಗಳು, ಕಂಪನಿಯ ಪರಿಚಯ ಪತ್ರಗಳು ಇವುಗಳ ಬಗ್ಗೆ ಆಗಿಂದಾಗೇ ಮಾಹಿತಿಗಳನ್ನು ಪರಿಶೀಲಿಸಬಹುದು. ಸ್ಕೋರ್ಸ್ ಆಪ್ ಹೂಡಿಕೆದಾರರ ಸ್ನೇಹಿಯಾಗಿದೆ. ಮಾಹಿತಿಗೆ – https://scores.gov.in/scores/Welcome.html (ಏಜೆನ್ಸೀಸ್)
ಮುಖೇಶ್ ಅಂಬಾನಿ ಏಷ್ಯಾದ ಶ್ರೀಮಂತ ಪಟ್ಟ ಕಳೆದುಕೊಂಡಿದ್ದು ಹೇಗೆ? ಜಾಕ್ ಮಾಗೆ ಜಾಕ್ಪಾಟ್