‘ಉಗ್ರಂ’ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ ಪ್ರವೇಶಿಸಿದ್ದ ನಿರ್ದೇಶಕ ಪ್ರಶಾಂತ್ ನೀಲ್, ಅದಾದ ಬಳಿಕ ‘ಕೆಜಿಎಫ್‘ ಚಿತ್ರದಿಂದ ನ್ಯಾಶನಲ್ ಲೆವೆಲ್ಗೆ ಸ್ಟಾರ್ ನಿರ್ದೇಶಕನ ಪಟ್ಟ ಗಿಟ್ಟಿಸಿಕೊಂಡರು. ಹೀಗಿರುವಾಗಲೇ ಕೆಜಿಎಫ್ ಚಾಪ್ಟರ್ 2 ಚಿತ್ರದ ಕೆಲಸಗಳ ಜತೆಯಲ್ಲಿಯೇ ಬೇರೆ ಬೇರೆ ಸಿನಿಮಾಗಳಿಗೂ ಅವರು ಕೆಲಸ ಮಾಡುತ್ತಿದ್ದಾರೆ. ಇತ್ತೀಚೆಗಷ್ಟೇ ಶ್ರೀಮುರಳಿ ನಾಯಕತ್ವದ ‘ಮದಗಜ’ ಚಿತ್ರದಲ್ಲಿ ಒಂದಷ್ಟು ಬದಲಾವಣೆ ಮಾಡಿದ್ದರು ಪ್ರಶಾಂತ್. ಈಗ ಇನ್ನೊಂದು ಹೊಸ ಸಿನಿಮಾಕ್ಕೆ ಕೈ ಜೋಡಿಸಿದ್ದಾರೆ. ಅದುವೇ ‘ರೌಡಿ ಫೆಲೋ’.
ಇದನ್ನೂ ಓದಿ: ದಸರಾದಲ್ಲಿ ಪತ್ತೇದಾರಿ ಸತೀಶ್
ರಾಕ್ಸ್ಟಾರ್ ರೋಹಿತ್ ಅಂತಲೇ ಖ್ಯಾತಿ ಪಡೆದಿರುವ ಆರ್ಜೆ ಆಗಿ, ನಟನಾಗಿ ಗುರುತಿಸಿಕೊಂಡಿದ್ದ ರೋಹಿತ್, ‘ರೌಡಿ ಫೆಲೋ’ ಸಿನಿಮಾದಲ್ಲಿ ನಾಯಕನಾಗಿ ನಟಿಸಲಿದ್ದಾರೆ. ಅವರ ಜನ್ಮ ದಿನದ ಪ್ರಯುಕ್ತ ಚಿತ್ರದ ಪೋಸ್ಟರ್ ಬಿಡುಗಡೆ ಮಾಡಿಕೊಂಡಿದ್ದು, ರಗಡ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅಚ್ಚರಿ ಏನೆಂದರೆ, ನಾಯಕನಾಗಿ ನಟಿಸುವುದರ ಜತೆಗೆ ನಿರ್ದೇಶಕನಾಗಿಯೂ ರೋಹಿತ್ ಕೆಲಸ ಮಾಡಲಿದ್ದಾರೆ.
ಇದನ್ನೂ ಓದಿ: ಮ್ಯೂಸಿಕ್ ಮಾಫಿಯಾ ಕರಾಳ ಸತ್ಯ ಬಿಚ್ಚಿಟ್ಟ ಸೋನು ನಿಗಂ
ಈ ಮೊದಲು ಕರ್ವ ಮತ್ತು ಬಕಾಸುರ ಸಿನಿಮಾದಲ್ಲಿ ನಟಿಸಿದ್ದ ರೋಹಿತ್ಗೆ ‘ರೌಡಿ ಫೆಲೋ’ ಮೂರನೇ ಸಿನಿಮಾ. ಈ ಚಿತ್ರದ ಕಥೆಗೆ ಪ್ರಶಾಂತ್ ನೀಲ್ ಕಡೆಯಿಂದ ಗ್ರೀನ್ ಸಿಗ್ನಲ್ ಸಿಕ್ಕಿದ್ದು, ಇನ್ನೇನು ಶೀಘ್ರದಲ್ಲಿ ಕೆಲಸಗಳನ್ನು ಆರಂಭಿಸುವ ತವಕದಲ್ಲಿದ್ದಾರೆ ರೋಹಿತ್. ಈ ಹಿಂದೆ ಕರ್ವ, 6-5=2 ಮತ್ತು ದಿಯಾ ಸಿನಿಮಾ ನಿರ್ಮಾಣ ಮಾಡಿದ್ದ ಪದ್ಮಾವತಿ ಬ್ಯಾನರ್ನಲ್ಲಿಯೇ ಈ ಸಿನಿಮಾ ಸಿದ್ಧವಾಗಲಿದೆ. ಒಂದಲ್ಲ ಎರಡಲ್ಲ ಖ್ಯಾತಿಯ ಲವಿತ್ ಕುಮಾರ್ ಛಾಯಾಗ್ರಹಣ, ನಕುಲ್ ಅಭಯಂಕರ್ ಸಂಗೀತ ನೀಡಲಿದ್ದಾರೆ. ರವಿ ಬಸ್ರೂರು ಹಿನ್ನೆಲೆ ಸಂಗೀತ ಚಿತ್ರಕ್ಕಿರಲಿದೆ.