ಚೆನ್ನೈ: ಮಕ್ಕಳ ಭವಿಷ್ಯಕ್ಕಾಗಿ ಸರ್ವಸ್ವವನ್ನು ತ್ಯಾಗ ಮಾಡುವ ಪಾಲಕರು ಕಣ್ಣಿಗೆ ಕಾಣುವ ದೇವರೆಂದರೆ ತಪ್ಪಾಗಲಾರದು. ತಮ್ಮಿಷ್ಟಗಳನ್ನು ಮುಚ್ಚಿಟ್ಟು ಮಕ್ಕಳ ಬಯಕೆಗಳನ್ನು ಈಡೇರಿಸುತ್ತಾ ಅದರಲ್ಲೇ ತಮ್ಮ ಖುಷಿ ಕಾಣುತ್ತಾರೆ. ಹೀಗಿರುವಾಗ ಮಕ್ಕಳೇ ಪಾಲಕರಿಗೆ ಸರ್ಪ್ರೈಸ್ ಗಿಫ್ಟ್ ನೀಡಿದಾಗ ಅವರ ಪ್ರತಿಕ್ರಿಯೆ ಹೇಗಿರುತ್ತದೆ ಗೊತ್ತಾ? ಆ ಕ್ಷಣಕ್ಕೆ ಬೆಲೆ ಕಟ್ಟಲು ಆಗುವುದಿಲ್ಲ.
ತಮಿಳುನಟ ಮಾಧವನ್ ಅವರು ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದು, ಅದರಲ್ಲಿ ಬೆಲೆಕಟ್ಟಲಾಗದ ಕ್ಷಣವನ್ನು ಕಣ್ತುಂಬಿಕೊಳ್ಳಬಹುದಾಗಿದೆ. ಜನವರಿ 5 ರಂದು ವಿಘ್ನೇಶ್ ಸಮ್ಮು ಎಂಬಾತ ಟ್ವಿಟರ್ನಲ್ಲಿ ವಿಡಿಯೋ ಪೋಸ್ಟ್ ಮಾಡಿದ್ದು, ಅದನ್ನು ಮಾಧವನ್ ಶೇರ್ ಮಾಡಿದ್ದಾರೆ. 4 ಲಕ್ಷಕ್ಕೂ ಅಧಿಕ ವೀಕ್ಷಣೆ ಗಿಟ್ಟಿಸಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುವ ಮೂಲಕ ಮೆಚ್ಚುಗೆ ಮಹಾಪೂರ ಗಳಿಸಿದೆ.
ವಿಡಿಯೋದಲ್ಲಿ ಏನಿದೆ?
ಮಗ ಕೊಂಡುತಂದಿದ್ದ ಬ್ಯಾಗ್ ಒಂದರಲ್ಲಿದ್ದ ಬಾಕ್ಸ್ ಅನ್ನು ಓಪನ್ ಮಾಡುತ್ತಾಳೆ. ಆ ಬಾಕ್ಸ್ನಲ್ಲಿರುವುದು 8800 ರೂ. ಬೆಲೆ ಬಾಳುವ ರೆಡ್ಮಿ ಮೊಬೈಲ್ ಫೋನ್ ಎಂದು ತಿಳಿದತಕ್ಷಣ ಮಗನ ಕಡೆ ಧನ್ಯತಾ ಭಾವದಿಂದ, ನಗು ವ್ಯಕ್ತಪಡಿಸಿರುವ ವಿಡಿಯೋ ನಿಜಕ್ಕೂ ಬೆಲೆಕಟ್ಟಲಾಗದು. ಈ ವಿಡಿಯೋವನ್ನು ಶೇರ್ ಮಾಡಿಕೊಂಡಿರುವ ಮಾಧವನ್, ಸಂತೋಷಕ್ಕೆ ಯಾವುದೇ ಬೆಲೆ ಇಲ್ಲ ಎಂದು ಬರೆದುಕೊಂಡಿದ್ದಾರೆ. (ಏಜೆನ್ಸೀಸ್)
இந்த மகிழ்ச்சிக்கு விலை இல்லை❤️❤️🙏🙏 https://t.co/qtUksHYSb8
— Ranganathan Madhavan (@ActorMadhavan) January 7, 2022