ಹೈದರಾಬಾದ್: ಹುಡುಗನೊಬ್ಬನ ವಾಟ್ಸ್ಆ್ಯಪ್ ಸ್ಟೇಟಸ್ನಲ್ಲಿ ತನ್ನ ಫೋಟೋ ನೋಡಿ ಬಾಲಕಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ತೆಲಂಗಾಣದ ಯಾದಾದ್ರಿ ಭುವನಗಿರಿ ಜಿಲ್ಲೆಯ ಬೊಮ್ಮಲಾರಾಮರಾಮ ವಲಯದಲ್ಲಿ ನಡೆದಿದೆ.
ಈ ಘಟನೆ ಶುಕ್ರವಾರ ನಡೆದಿದ್ದು, ಮೃತಳನ್ನು ಶಿಲ್ಪಾ (14) ಎಂದು ಗುರುತಿಸಲಾಗಿದೆ. ಮೃತ ಬಾಲಕಿ ಬೊಯ್ನ್ಪಲ್ಲಿ ಗ್ರಾಮದವಳು. ಈಕೆಯ ಪಾಲಕರು ಚಿಂತಲಪಲ್ಲಿ ವಲಯದ ಪೊಥರಾಮ ಗ್ರಾಮದ ತರಕಾರಿ ತೋಟವೊಂದರಲ್ಲಿ ಕೂಲಿಯಾಳಾಗಿದ್ದಾರೆ.
ಈ ಸಂದರ್ಭದಲ್ಲಿ ಬಾಲಕಿಗೆ ಅದೇ ಗ್ರಾಮದ ಬೊಟಿಮಿಡಿ ಗ್ಯಾಂಗ್ ಸದಸ್ಯನಾದ ಮಧು ಎಂಬಾತನ ಪರಿಚಯವಾಗುತ್ತದೆ. ಇದಾದ ಬೆನ್ನಲ್ಲೇ ಆಕೆಯ ಫೋಟೋವನ್ನು ತನ್ನ ವಾಟ್ಸ್ಆ್ಯಪ್ ಸ್ಟೇಟಸ್ನಲ್ಲಿ ಹಾಕುತ್ತಾನೆ. ಇಬ್ಬರ ನಡುವೆ ತುಂಬಾ ಸಲುಗೆ ಎಂದು ಬಿಂಬಿಸಲಾಗುತ್ತದೆ. ಇದರಿಂದ ಮನನೊಂದ ಬಾಲಕಿ ಇದೀಗ ಆತ್ಮಹತ್ಯೆ ದಾರಿ ಹಿಡಿದಿದ್ದಾಳೆ.
ಇದರ ಬೆನ್ನಲ್ಲೇ ಬಾಲಕಿಯ ತಾಯಿ ಜಯಮ್ಮ ಪೆಟ್ಟಾಹ್ ಪೊಲೀಸ್ ಠಾಣೆಯಲ್ಲಿ ಮಗಳ ಸಾವಿಗೆ ಮಧು ಕಾರಣ ಎಂದು ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್)
ಮೈಕ್ರೋಸಾಫ್ಟ್ ಕಂಪನಿಯಲ್ಲಿ ಕೆಲಸ ಗಿಟ್ಟಿಸಿದ ಭಾರತೀಯ ಯುವತಿಯ ಸಂಬಳ ಕೇಳಿದ್ರೆ ಹುಬ್ಬೇರಿಸ್ತೀರಾ!
ಪ್ರತಿದಿನ ಮಲಗುವ ಮುನ್ನ ಆತ್ಮಾವಲೋಕನ ಮಾಡಿಕೊಳ್ಳಿ…; ಸೆಲೆಬ್ರಿಟಿ ಕಾರ್ನರ್ನಲ್ಲಿ ನೀನಾಸಂ ಸತೀಶ್
ಒಂದೇ ಮನೆಯ ನಾಲ್ವರು ಕರೊನಾಗೆ ಬಲಿ; 2- 3 ದಿನಗಳ ಅಂತರದಲ್ಲಿ ಇಬ್ಬಿಬ್ಬರ ಸಾವು!