ಕೌಲಾಲಂಪುರ: ಮಲೇಷ್ಯಾದ 19 ವರ್ಷದ ಕಾಸ್ಮೆಟಿಕ್ ಇನ್ಫ್ಲುಯೆನ್ಸರ್ ಒಬ್ಬರು ಮೊದಲ ಮಗುವಿಗೆ ಜನ್ಮ ನೀಡುವ ಮುನ್ನವೇ ತನ್ನ ಪತಿಗೆ 1,60,000 ಪೌಂಡ್ (1,59,65,031 ರೂಪಾಯಿ) ಬೆಲೆಯ ದುಬಾರಿ ಲ್ಯಾಂಬೋರ್ಗಿನಿ ಹುರಾಕ್ಯಾನ್ ಇವೊ ಕಾರನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಅನೆಸ್ ಅಯುನಿ ಒಸ್ಮಾನ್ ಗರ್ಭಿಣಿಯಾಗಿದ್ದು, ಕುಟುಂಬದ ಸಂಪ್ರದಾಯದ ಪ್ರಕಾರ ಆಕೆ ತನ್ನ ತವರು ಕೆಲಂಟಾನ್ಗೆ ತೆರಳಬೇಕಾಗಿದೆ. ಅಲ್ಲದೆ, ಮಗು ಜನಿಸಿದ ಬಳಿಕ 100 ದಿನಗಳ ಕಾಲ ಒಂದೇ ಕೋಣೆಯಲ್ಲಿ ಇರಬೇಕಾಗುತ್ತದೆ. ಮಗು ಜನನದ ಬಳಿಕ ಎದುರಾಗುವ ಯಾವುದೇ ತೊಡಕುಗಳನ್ನು ತಪ್ಪಿಸಲು ತನ್ನ ಚಲನಾವಲನವನ್ನು ಸೀಮಿತಗೊಳಿಸಿ ಒಸ್ಮಾನ್ ಒಂದೇ ಕಡೆ ಇರಬೇಕಾಗಿದೆ.
ಈ ಸಮಯದಲ್ಲಿ ಒಸ್ಮಾನ್ಗೆ ಪತಿಯೇ ಆಧಾರ. ತನ್ನ ಪತಿ ಹಾಗೂ ಉದ್ಯಮಿ ವೆಲ್ಡಾನ್ ಜುಲ್ಕೆಫ್ಲಿ (20) ಮೇಲೆ ಒಸ್ಮಾನ್ ಸಂಪೂರ್ಣ ಅವಲಂಬಿತರಾಗಿರುತ್ತಾರೆ. ಪ್ರತಿಯೊಂದು ನೆರವನ್ನು ಪತಿಯೇ ಮಾಡಬೇಕಾಗುತ್ತದೆ. ನ್ಯಾಪ್ಕಿನ್ ಬದಲಾವಣೆಯಿಂದ ಹಿಡಿದು ಪ್ರತಿಯೊಂದು ಕೆಲಸವನ್ನು ಮಾಡಬೇಕಾಗಿರುವುದರಿಂದ ನಿದ್ರೆಯಿಲ್ಲದ ರಾತ್ರಿಗಳನ್ನು ಕಳೆಯಬೇಕಾಗುತ್ತದೆ. ಮಗು ಮತ್ತು ತಾಯಿಯ ಸಂಪೂರ್ಣ ಜವಬ್ದಾರಿ ವೆಲ್ಡಾನ್ ಮೇಲಿರುತ್ತದೆ.
ಇನ್ನು ವೆಲ್ಡಾನ್ಗೆ ಸರ್ಪ್ರೈಸ್ ಆಗಿ ಪತ್ನಿ ಒಸ್ಮಾನ್ ಕಾರು ಉಡುಗೊರೆ ನೀಡುತ್ತಿರುವ ಟಿಕ್ಟಾಕ್ ವಿಡಿಯೋ ಸಹ ವೈರಲ್ ಆಗಿದೆ. ಅನಿರೀಕ್ಷಿತ ಉಡುಗೊರೆಯಿಂದ ಸಂತೋಷಗೊಂಡ ವೆಲ್ಡಾನ್ ತನ್ನ ಪತ್ನಿಯನ್ನು ತಬ್ಬಿ, ಬೇಬಿ ಬಂಪ್ಗೆ ಮುತ್ತಿಡುತ್ತಿರುವ ದೃಶ್ಯವೂ ವಿಡಿಯೋದಲ್ಲಿದೆ. ಟಿಕ್ಟಾಕ್ ವಿಡಿಯೋ ಒಂದು ಲಕ್ಷಕ್ಕೂ ಅಧಿಕ ವೀಕ್ಷಣೆಯನ್ನು ಪಡೆದುಕೊಂಡಿದೆ.
ವಿಡಿಯೋ ನೋಡಿದವರು ಸಿಕ್ಕಾಪಟ್ಟೆ ಕಾಮೆಂಟ್ ಮಾಡುತ್ತಿದ್ದು, ಪತಿಯ ಬದಲು ಪೂರ್ಣ ಸಮಯಕ್ಕೆ ನರ್ಸ್ ಆಯ್ಕೆ ಮಾಡಿಕೊಂಡಿದ್ದರೆ, ಇದಕ್ಕಿಂತ ಅಗ್ಗವಾಗಿರುತ್ತಿತ್ತು ಎಂದು ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ. ವೆಲ್ಡಾನ್ ತುಂಬಾ ಅದೃಷ್ಟವಂತ ಎಂದು ಇನ್ನೊಬ್ಬ ನೆಟ್ಟಿಗ ಕಾಮೆಂಟ್ ಮಾಡಿದ್ದಾರೆ.
ಅಂದಹಾಗೆ ಒಸ್ಮಾನ್ ಅವರು ಮಾರ್ಚ್ ತಿಂಗಳ ಅಂತ್ಯಕ್ಕೆ ಮಗುವಿನ ಜನ್ಮ ನೀಡಲಿದ್ದಾರೆ. (ಏಜೆನ್ಸೀಸ್)
ತಲೆಮರೆಸಿಕೊಂಡಿದ್ದ ರೌಡಿಶೀಟರ್ ಡ್ರೋನ್ ನೆರವಿನಿಂದ ಬಂಧನ: ಪೊಲೀಸ್ ಕಾರ್ಯಾಚರಣೆಯ ವಿಡಿಯೋ ವೈರಲ್
ಫಿಲ್ಮ್ ಸಿಟಿಗೆ ಪುನೀತ್ ರಾಜ್ಕುಮಾರ್ ಹೆಸರಿಟ್ಟರೆ ಸಂತೋಷ: ನಟ ಶಿವರಾಜ್ಕುಮಾರ್
ಪುನೀತ್ ಬದುಕು ಆದರ್ಶಪ್ರಾಯ, ಶೀಘ್ರದಲ್ಲಿ ಕರ್ನಾಟಕ ರತ್ನ ಪ್ರಶಸ್ತಿ ಪ್ರದಾನ- ಸಿಎಂ ಬೊಮ್ಮಾಯಿ