ಮುಂಬೈ: ಬಾಲಿವುಡ್ ನಟಿ ಪರಿಣೀತಿ ಚೋಪ್ರಾ ಮತ್ತು ರಾಜಕಾರಣಿ ರಾಘವ್ ಛಡ್ಡಾ ಪರಸ್ಪರ ಪ್ರೀತಿಸುತ್ತಿದ್ದಾರೆ, ಸದ್ಯದಲ್ಲೇ ಮದುವೆಯಾಗಲಿದ್ದಾರೆ ಎಂಬ ಮಾತು ಇತ್ತೀಚೆಗೆ ಕೇಳಿ ಬಂದಿತ್ತು. ಆದರೆ, ಮಾಧ್ಯಮದವರು ಈ ವಿಷಯ ಕೆದಕಿದಾಗ ಪರಿಣೀತಿ ಆಗಲೀ, ರಾಘವ್ ಆಗಲೀ ತುಟಿಕ್ ಪಿಟಿಕ್ ಎನ್ನಲಿಲ್ಲ. ಈಗ ನೋಡಿದರೆ ಅವರಿಬ್ಬರ ನಿಶ್ಚಿತಾರ್ಥ ಇದೇ ವಾರ ದೆಹಲಿಯಲ್ಲಿ ನಡೆಯಲಿದೆ ಎಂಬ ಮಾಹಿತಿ ಇದೆ.
ಇದನ್ನೂ ಓದಿ: ಚಿರಂಜೀವಿ ಸರ್ಜಾ ಅಭಿನಯದ ಕೊನೆಯ ಚಿತ್ರ ‘ರಾಜ ಮಾರ್ತಾಂಡ’ ಸದ್ಯದಲ್ಲೇ ಬಿಡುಗಡೆ …
ಹೌದು, ನಿಶ್ಚಿತಾರ್ಥ ನಡೆಯುತ್ತಿರುವ ಬಗ್ಗೆ ಪರಿಣೀತಿ ಅಥವಾ ರಾಘವ್ ಕಡೆಯಿಂದ ಯಾವುದೇ ಮಾಹಿತಿ ಬರದಿದ್ದರೂ, ಇದೇ ವಾರ ದೆಹಲಿಯಲ್ಲಿ ಅವರಿಬ್ಬರ ನಿಶ್ಚಿತಾರ್ಥ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಅಷ್ಟೇ ಅಲ್ಲ, ಈಗಾಗಲೇ ಪರಿಣಿತಿ, ದೆಹಲಿ ತಲುಪಿದ್ದು ಅಲ್ಲಿ ನಿಶ್ಚಿತಾರ್ಥದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದಾರಂತೆ.
ಈ ಸಮಾರಂಭದಲ್ಲಿ ಕೆಲವರು ಆಪ್ತರು ಮಾತ್ರ ಭಾಗವಹಿಸಲಿದ್ದು, ಈ ಪೈಕಿ ಪರಿಣೀತಿ ಸಂಬಂಧಿ ಪ್ರಿಯಾಂಕಾ ಚೋಪ್ರಾ ಹೆಸರು ಸಹ ಇದೆ. ಪ್ರಿಯಾಂಕಾ ಅಷ್ಟೇ ಅಲ್ಲ, ನಿಕ್ ಜೋನಾಸ್ ಮತ್ತು ಮಾಲ್ತಿ ಮೇರಿ ಸಹ ಸದ್ಯದಲ್ಲೇ ಲಂಡನ್ನಿಂದ ದೆಹಲಿಗೆ ಬಂದು ಈ ನಿಶ್ಚಿತಾರ್ಥದಲ್ಲಿ ಭಾಗವಹಿಸಲಿದ್ದಾರೆ.
ಇದನ್ನೂ ಓದಿ: ‘ಮಾಫಿಯಾ’ ಚಿತ್ರೀಕರಣ ಮುಕ್ತಾಯ; ಜೂನ್ನಲ್ಲಿ ಬಿಡುಗಡೆ
ಪರಿಣೀತಿ ಚೋಪ್ರಾ ಸದ್ಯ ‘ಚಮ್ಕೀಲಾ’ ಮತ್ತು ‘ಕ್ಯಾಪ್ಸೂಲ್ ಗಿಲ್’ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದು, ಆ ಚಿತ್ರಗಳು ಇನ್ನಷ್ಟೇ ಬಿಡುಗಡೆಯಾಗಬೇಕಿದೆ.