ಲಾಹೋರ್: ಪಾಕಿಸ್ತಾನದ ಕೋರ್ಟ್ ಟೆರರ್ ಫಂಡಿಂಗ್ ಕೇಸ್ ಒಂದರಲ್ಲಿ ಜಮಾತ್ ಉದ್ ದಾವಾ (ಜೆಯುಡಿ) ಮುಖ್ಯಸ್ಥ ಉಗ್ರ ಹಫೀಜ್ ಸಯೀದ್ನ ಇಬ್ಬರು ಸಹಚರರಿಗೆ ಜೈಲು ಶಿಕ್ಷೆ ವಿಧಿಸಿದೆ. ಲಾಹೋರ್ನಲ್ಲಿರುವ ಆ್ಯಂಟಿ ಟೆರರಿಸಂ ಕೋರ್ಟ್ (ಎಟಿಸಿ) ಶುಕ್ರವಾರ ಈ ತೀರ್ಪು ನೀಡಿದೆ. ಜೆಯುಡಿ ನಾಯಕರಾದ ಮುಹಮ್ಮದ್ ಅಶ್ರಫ್ ಮತ್ತು ಲಕ್ಮನ್ ಷಾ ಸಜೆಗೊಳಪಟ್ಟವರು.
ಎಟಿಸಿ ಜಡ್ಜ್ ಅರ್ಶಾದ್ ಹುಸೇನ್ ಭುಟ್ಟಾ ಅವರು ಅಶ್ರಫ್ಗೆ 6 ವರ್ಷ, ಷಾಗೆ ಐದೂವರೆ ವರ್ಷ ಸಜೆ ನೀಡಿದ್ದಾರೆ. ಅಲ್ಲದೆ, ಇಬ್ಬರಿಗೂ ತಲಾ 10,00 ರೂಪಾಯಿ ದಂಡವನ್ನು ವಿಧಿಸಿದ್ದಾರೆ. ಗುರುವಾರವಷ್ಟೇ ಹಫೀಜ್ ಸಯೀದ್ಗೂ 10 ವರ್ಷ ಸಜೆಯನ್ನು ಎರಡು ಟೆರರ್ ಫಂಡಿಂಗ್ ಕೇಸ್ನಲ್ಲಿ ಎಟಿಸಿ ಪ್ರಕಟಿಸಿತ್ತು. ಈ ಕೇಸ್ಗಳಲ್ಲಿ ಸಯೀದ್ ಅವರ ಆಪ್ತರಾದ ಝಫರ್ ಇಕ್ಬಾಲ್ ಮತ್ತು ಯಾಹ್ಯಾ ಮುಜಾಹಿದ್ಗೆ ತಲಾ 10 ವರ್ಷ ಸಜೆ ಪ್ರಕಟವಾಗಿದೆ. ಇದೇ ವೇಳೆ, ಹಫೀಜ್ನ ಬಾಮೈದ ಅಬ್ದುಲ್ ರೆಹ್ಮಾನ್ ಮಕ್ಕಿಗೆ ಆರು ತಿಂಗಳ ಸಜೆ ಸಿಕ್ಕಿದೆ.
ಇದನ್ನೂ ಓದಿ : ಯುವಕನ ವಿರುದ್ಧ ಸುಳ್ಳು ರೇಪ್ ಕೇಸ್: ಕಾಲೇಜು ವಿದ್ಯಾರ್ಥಿನಿಗೆ ಕೋರ್ಟ್ನಿಂದ ಬಿಗ್ ಶಾಕ್!
ಹಫೀಜ್ ಸಯೀದ್ ಭಾರತದಲ್ಲಿ 2008ರ ಮುಂಬೈ ಉಗ್ರದಾಳಿ ಸೇರಿ ಪ್ರಮುಖ ಉಗ್ರದಾಳಿಗಳ ಸಂಚುಕೋರ. ವಿಶ್ವಸಂಸ್ಥೆಯೂ ಈತನನ್ನು ಜಾಗತಿಕ ಉಗ್ರ ಎಂದು ಘೋಷಿಸಿದ್ದು, ಪಾಕಿಸ್ತಾನ ಸರ್ಕಾರದ ಆಶ್ರಯದಲ್ಲಿದ್ದಾನೆ. (ಏಜೆನ್ಸೀಸ್)