ಅಹಮದಾಬಾದ್: ತಂತ್ರಜ್ಞಾನ ಅಭಿವೃದ್ಧಿ ಹೊಂದಿದಂತೆ ಸಂಪ್ರದಾಯಗಳೂ ಕೂಡ ಈಗ ಡಿಜಿಟಲೀಕರಣವಾಗುತ್ತಿವೆ. ಇದಕ್ಕೆ ಉದಾಹರಣೆ ಎಂಬಂತೆ ಗುಜರಾತ್ನ ಕುಟುಂಬವೊಂದು ವಿಡಿಯೋ ಕಾಲಿಂಗ್ ಮೂಲಕವೇ ಯುವಕ- ಯುವತಿಯ ನಿಶ್ಚಿತಾರ್ಥ ನೆರವೇರಿಸಿದ್ದು, ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಯುವಕ ಮತ್ತು ಯುವತಿ ಇಬ್ಬರೂ ಬೇರೆ ಬೇರೆ ಸ್ಥಳಗಳಲಿದ್ದಿದ್ದರಿಂದ ಕುಟುಂಬಸ್ಥರು ಇಬ್ಬರನ್ನು ವಿಡಿಯೋ ಕಾಲ್ ಮೂಲಕ ಸಂಪರ್ಕ ಮಾಡಿ ನಿಶ್ಚಿತಾರ್ಥ ನೆರವೇರಿಸಿದ್ದಾರೆ. ಅಕ್ಕಪಕ್ಕ ಮಣೆ ಹಾಕಿ ಎರಡು ಮೊಬೈಲ್ಗಳನ್ನಿಟ್ಟು ಶಾಸ್ತ್ರಗಳನ್ನು ನಡೆಸಲಾಗಿದೆ.
ಕುಟುಂಬದ ಮಹಿಳೆಯರು ಯುವತಿಯ ಮೊಬೈಲ್ಗೆ ಅರಿಶಿಣ, ಕುಂಕುಮ ಹಚ್ಚಿ, ಸೀರೆ ಇಟ್ಟು ಸಂಪ್ರದಾಯಗಳನ್ನು ನಡೆಸಿದ್ದಾರೆ. ಈ ಹಿಂದೆ ಕೂಡ ವಿಡಿಯೋ ಕಾಲಿಂಗ್ ಮೂಲಕ ನಿಶ್ಚಿತಾರ್ಥ ಮಾಡಿಕೊಂಡ ಅನೇಕ ಘಟನೆಗಳು ನಡೆದಿದ್ದವು.
ಆದರೆ, ಇದೇ ಮೊದಲ ಬಾರಿ ಯುವಕ-ಯುವತಿ ಇಬ್ಬರೂ ಇಲ್ಲದಿದ್ದರೂ ನಿಶ್ಚಿತಾರ್ಥ ನಡೆಸಲಾಗಿದೆ. (ಏಜೆನ್ಸೀಸ್)