ನವದೆಹಲಿ : ಒಲಂಪಿಕ್ಸ್ಗೆ ತಯಾರಾಗಿರುವ ಭಾರತದ ಶೂಟಿಂಗ್ ತಂಡಕ್ಕೆ ಸುರಕ್ಷಿತ ಪರಿಸರದಲ್ಲಿ ಉತ್ತಮ ತರಬೇತಿ ಒದಗಿಸಲು, ಕ್ರೊಯೇಷಿಯಾದಲ್ಲಿ 78 ದಿನಗಳ ಕಾಲ ಉಳಿಸುವ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಕ್ರೀಡಾ ಸಚಿವ ಕಿರೆನ್ ರಿಜಿಜು ಹೇಳಿದ್ದಾರೆ. ಈ ತಂಡದ ಭಾಗವಾದ 13 ಜನ ಶೂಟರ್ಗಳು ಮೇ 10 ರಂದು ಚಾರ್ಟರ್ಡ್ ವಿಮಾನದಲ್ಲಿ ಕ್ರೊಯೇಷಿಯಾದ ಜಗ್ರೇಬ್ಗೆ ತೆರಳಲಿದ್ದಾರೆ ಎಂದು ಹೇಳಿದ್ದಾರೆ.
“ಟೋಕಿಯೋಗೆ ಹೊರಟಿರುವ ಅಥ್ಲೀಟ್ಗಳಿಗೆ ಅತ್ಯುತ್ತಮವಾದ ತರಬೇತಿಯನ್ನು ಸುರಕ್ಷಿತ ವಾತಾವರಣದಲ್ಲಿ ನೀಡುವ ಆಶಯ ನಮ್ಮದು. ಆದ್ದರಿಂದ ಕ್ರೀಡಾ ಇಲಾಖೆ ಮತ್ತು ಎನ್ಆರ್ಎಐ 13 ಸದಸ್ಯರ ಶೂಟಿಂಗ್ ಸ್ಕ್ವಾಡ್ಅನ್ನು ತರಬೇತಿಗಾಗಿ 78 ದಿನಗಳ ಕಾಲ ಕ್ರೊಯೇಷಿಯಾದಲ್ಲಿರಿಸಲು ನಿರ್ಧರಿಸಿವೆ” ಎಂದು ಸಚಿವರು ತಿಳಿಸಿದ್ದಾರೆ.
ಇದನ್ನೂ ಓದಿ: ವೇಶ್ಯೆಯ ಬರ್ಬರ ಕೊಲೆ : ಪರಾರಿಯಾಗುತ್ತಿದ್ದ ಆರೋಪಿ ಪೊಲೀಸ್ ವಶಕ್ಕೆ
ಭಾರತದ ಒಲಂಪಿಕ್ ಶೂಟಿಂಗ್ ತಂಡವು ಈ ಮುನ್ನ ಯುರೋಪಿಯನ್ ಚಾಂಪಿಯನ್ಶಿಪ್ನಲ್ಲಿ ಪಾಲ್ಗೊಳ್ಳುವುದಕ್ಕಾಗಿ ಮೇ 11 ರಂದು ಹೊರಡುವ ಯೋಜನೆಯಿತ್ತು. ಮೇ 20 ರಿಂದ ಜೂನ್ 6 ರವರೆಗೆ ಈ ಸ್ಪರ್ಧೆಗಳು ನಡೆಯಲಿದ್ದು, ತದನಂತರ ಆಟಗಾರರು ಅಲ್ಲಿಯೇ ವಾಸ್ತವ್ಯ ಹೂಡಲು ಕ್ರೊಯೇಷಿನ್ ಶೂಟಿಂಗ್ ಫೆಡರೇಷನ್ನ ಸಹಯೋಗದೊಂದಿಗೆ ವ್ಯವಸ್ಥೆ ಮಾಡಲಾಗಿದೆ. ನಂತರ ಜುಲೈನಲ್ಲಿ ಜಪಾನಿನ ರಾಜಧಾನಿ ಟೋಕಿಯೋದಲ್ಲಿ ನಡೆಯಲಿರುವ ಒಲಂಪಿಕ್ಸ್ನಲ್ಲಿ ಭಾಗವಹಿಸಲು ನೇರವಾಗಿ ತೆರಳಲಿದ್ದಾರೆ ಎನ್ನಲಾಗಿದೆ.
ಕರೊನಾ ಸೋಂಕು ತಗುಲುವ ಸಾಧ್ಯತೆಯನ್ನು ಗರಿಷ್ಠ ಮಟ್ಟಕ್ಕೆ ಇಲ್ಲವಾಗಿಸಲು ಶೂಟರ್ಸ್ ತಂಡದ ಪ್ರಯಾಣಕ್ಕೆ ಚಾರ್ಟರ್ಡ್ ಪ್ಲೇನಿನ ವ್ಯವಸ್ಥೆ ಮಾಡಲಾಗಿದೆ. ಆಟಗಾರರ ಖಾಸಗಿ ಕೋಚ್ಗಳು ಮತ್ತು ಸಹಾಯಕ ಸಿಬ್ಬಂದಿ ಕೂಡ ಅವರೊಂದಿಗೆ ತೆರಳಲಿದ್ದು, ಎಲ್ಲರಿಗೂ ಕರೊನಾ ಲಸಿಕೆ ನೀಡಲಾಗಿದೆ ಎನ್ನಲಾಗಿದೆ. (ಏಜೆನ್ಸೀಸ್)
ಕರ್ಫ್ಯೂ ಇದೆ ಅಂತ ಆ್ಯಂಬುಲೆನ್ಸ್ನಲ್ಲಿ ಪ್ರಯಾಣಿಸಿದ ಬಿಗ್ ಬಾಸ್ ಸ್ಪರ್ಧಿ