ಬೆಂಗಳೂರು: ತಲೆಗೂದಲಿನಿಂದಲೇ ಗಿನ್ನೆಸ್ ರೆಕಾರ್ಡ್ ಮಾಡಿರುವ ನೀಲಾಂಶಿ ಪಟೇಲ್ ಇದೀಗ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಿದ್ದಾರೆ.
ತನ್ನ ತಲೆಗೂದಲ ಉದ್ದದಿಂದಲೇ ಗಿನ್ನೆಸ್ ದಾಖಲೆಗೆ ಪಾತ್ರರಾಗಿದ್ದ ಈಕೆ ಇದೀಗ ಆ ಕೇಶರಾಶಿಯನ್ನು ಇನ್ನೂ ಉದ್ದಕ್ಕೆ ಬೆಳೆಸಿದ್ದಾರೆ. ಹದಿಹರೆಯದವರ ಪೈಕಿ ಅತಿ ಉದ್ದ ಕೇಶರಾಶಿ ಹೊಂದಿರುವ ದಾಖಲೆಗೆ ಭಾಜನರಾಗಿರುವ ನೀಲಾಂಶಿ, 2018ರಲ್ಲಿ 170.5 ಸೆಂ.ಮೀ. ಉದ್ದದ ಕೇಶರಾಶಿ ಹೊಂದಿದ್ದರು.
ಬಳಿಕ 2019ರಲ್ಲಿ 19 ಸೆಂ.ಮೀ. ಹೆಚ್ಚುವರಿಯಾಗಿ ಬೆಳೆಸುವ ಮೂಲಕ ತಮ್ಮದೇ ದಾಖಲೆಯನ್ನು ಮುರಿದಿದ್ದರು. 2019ರ ದಾಖಲೆ ಸಂದರ್ಭಧದಲ್ಲಿ ನೀಲಾಂಶಿ ತಲೆಗೂದಲ ಉದ್ದ 190 ಸೆಂ.ಮೀ. ಇದೆ.
ಆದರೆ ಇದೀಗ ಇನ್ನೂ ಉದ್ದಕ್ಕೆ ಕೂದಲನ್ನು ಬೆಳೆಸಿರುವ ನೀಲಾಂಶಿ, ಬರೋಬ್ಬರಿ 2 ಮೀಟರ್, ಅರ್ಥಾತ್ 200 ಸೆಂ.ಮೀ. ಉದ್ದದ ತಲೆಗೂದಲನ್ನು ಹೊಂದಿದ್ದಾರೆ. (ಏಜೆನ್ಸೀಸ್)