Birds that hunt snakes: ಹಾವು ಅಂದ್ರೆ ಸಾಕು, ಹಲವರು ದೂರ ಓಡ್ತಾರೆ. ಅದರಲ್ಲೂ ನಾಗರಹಾವಿನಂಥ ವಿಷಕಾರಿ ಹಾವುಗಳು ಕಣ್ಣಿಗೆ ಬಿದ್ರೆ ಮುಗೀತು, ಭಯ ಶುರುವಾಗುತ್ತೆ. ಆದ್ರೆ ನಿಮಗೆ ಗೊತ್ತಾ? ಕೆಲವು ಹಕ್ಕಿಗಳೇ ಇಂಥ ವಿಷಕಾರಿ ಹಾವುಗಳನ್ನ ಬೇಟೆಯಾಡಿ ತಿಂತವೆ. ಬಲವಾದ ಕಾಲುಗಳು, ಚೂಪಾದ ಉಗುರುಗಳು ಮತ್ತು ಮಿಂಚಿನ ವೇಗದಲ್ಲಿ ದಾಳಿ ಮಾಡುವ ಕೌಶಲದಿಂದ ಹಾವುಗಳನ್ನೇ ಬೇಟೆಯಾಡೋ ಈ ಹಕ್ಕಿಗಳು ಯಾವುವು? ಅವು ಹಾವುಗಳನ್ನ ಹೇಗೆ ಹಿಡಿಯುತ್ತವೆ? ಇಲ್ಲಿದೆ ಕುತೂಹಲಕಾರಿ ಮಾಹಿತಿ.
1. ಸೆಕ್ರೆಟರಿ ಬರ್ಡ್ (Secretary Bird)
ಆಫ್ರಿಕಾದ ಹುಲ್ಲುಗಾವಲುಗಳಲ್ಲಿ ಕಾಣಸಿಗುವ ಸೆಕ್ರೆಟರಿ ಬರ್ಡ್‌ಗೆ ನೆಲದ ಮೇಲೆ ನಡೆದುಕೊಂಡೇ ಬೇಟೆಯಾಡೋದು ಅಭ್ಯಾಸ. ಹಾವನ್ನು ಕಂಡ ತಕ್ಷಣ ರೆಕ್ಕೆ ಬಡಿಯುತ್ತಾ ಅದರ ಗಮನ ಬೇರೆಡೆ ಸೆಳೆಯುತ್ತೆ. ಆಮೇಲೆ ಹಾವಿನ ತಲೆಗೆ ಜೋರಾಗಿ ಒದ್ದು, ಕಾಲಿನಿಂದ ತುಳಿದು ಕೊಲ್ಲುತ್ತೆ.
