Lakshmidevi viral song: ಸೋಷಿಯಲ್ ಮೀಡಿಯಾದಲ್ಲಿ ಯಾವ ಹಾಡು ಯಾವಾಗ ವೈರಲ್ ಆಗುತ್ತೆ ಅಂತ ಹೇಳೋಕೆ ಆಗಲ್ಲ ಬಿಡಿ. ಈಗ ಇನ್‌ಸ್ಟಾಗ್ರಾಂ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ‘ಜಿಮ್ ಜಿಮ್ ತಾರಾ ಜಿಲೇಬಿ ತಾರ ಶಿನ್ನೋಡ’ ಹಾಡಿನದ್ದೇ ಹವಾ. ಮಹಿಳೆಯೊಬ್ಬರು ಹಾಡಿರೋ ಈ ಸಾಂಗ್‌ಗೆ ನೆಟ್ಟಿಗರು ಫುಲ್ ಫಿದಾ ಆಗಿದ್ದು, ರೀಲ್ಸ್ ಪ್ರಿಯರು ತಮ್ಮದೇ ಸ್ಟೈಲ್‌ನಲ್ಲಿ ವಿಡಿಯೊ ಮಾಡಿ ಶೇರ್ ಮಾಡುತ್ತಿದ್ದಾರೆ.
ಕಳೆದೆರಡು ದಿನಗಳಿಂದ ಈ ಹಾಡಿನ ವಿಡಿಯೊಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡ್ತಿವೆ. ಅಷ್ಟೇ ಅಲ್ಲ, ಹಾಡಿಗೆ ರಿಮಿಕ್ಸ್ ಕೂಡ ಮಾಡಲಾಗಿದ್ದು, ಬೇರೆ ಬೇರೆ ರೀತಿಯ ರೀಲ್ಸ್‌ಗಳು ಗಮನ ಸೆಳೆಯುತ್ತಿವೆ. ಈಗಾಗಲೇ ಟ್ರೆಂಡ್ ಆಗಿರೋ ಈ ಹಾಡು ಮೂಲತಃ ತೆಲುಗಿನ ಸಿನಿಮಾವೊಂದರಲ್ಲಿ ಬಳಕೆಯಾಗಿರೋ ಸಾಂಗ್.
‘ಪರ್ಣಶಾಲ’ ಸಿನಿಮಾದ ಹಾಡು
ಸದ್ಯ ವೈರಲ್ ಆಗಿರೋ ‘ಜಿಮ್ ಜಿಮ್ ತಾರಾ ಜಿಲೇಬಿ’ ಹಾಡು ಬಿಡುಗಡೆಗೆ ಸಿದ್ಧವಾಗಿರುವ ‘ಪರ್ಣಶಾಲ’ ಸಿನಿಮಾದದ್ದು. ಹಾರರ್ ಕಾಮಿಡಿ ಮತ್ತು ಸಸ್ಪೆನ್ಸ್ ಥ್ರಿಲ್ಲರ್ ಕಥಾಹಂದರ ಹೊಂದಿರುವ ಈ ಚಿತ್ರಕ್ಕೆ ವೈ.ಜಿ. ಭರತ್ ನಿರ್ದೇಶನ ಮಾಡಿದ್ದಾರೆ. ಎಸ್‌ಎಲ್‌ಟಿ ಫಿಲ್ಮ್ ಬ್ಯಾನರ್ ಅಡಿಯಲ್ಲಿ ಮಂಚಿ ವೆಂಕಟ್ ಸಿನಿಮಾ ನಿರ್ಮಾಣ ಮಾಡಿದ್ದಾರೆ.
