School Teachers New Rules: ಮಕ್ಕಳು ಓದಿನಲ್ಲಿ ಹಿಂದೆ ಇದ್ದರೆ ಶಿಕ್ಷಕರು ಮಾರ್ಗದರ್ಶನ ನೀಡಬೇಕು. ಆದರೆ ಎಲ್ಲರ ಮುಂದೆ ‘ದಡ್ಡ’, ‘ಸೋಮಾರಿ’, ‘ನಾಲಾಯಕ್’ ಎಂದು ಅವಮಾನಿಸುವುದು ಸರಿಯಲ್ಲ. ಇಂತಹ ನಕಾರಾತ್ಮಕ ಮಾತುಗಳು ಮಕ್ಕಳ ಆತ್ಮವಿಶ್ವಾಸ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು.
ಈ ಹಿನ್ನೆಲೆಯಲ್ಲಿ ಮಕ್ಕಳನ್ನು ‘ದಡ್ಡ’, ‘ಸೋಮಾರಿ’, ‘ನಾಲಾಯಕ್’ ಅಂತ ಕರೆಯುವುದನ್ನು ತಡೆಯಲು ಸರ್ಕಾರ ಮತ್ತು ಶಿಕ್ಷಣ ಇಲಾಖೆ ಕ್ರಮ ಕೈಗೊಂಡಿವೆ. ಮಕ್ಕಳು ಓದಿನಲ್ಲಿ ಹಿಂದೆ ಇದ್ದರೆ ಬೈಯೋ ಬದಲು, ಅವರಿಗೆ ಅಗತ್ಯ ತರಬೇತಿ ಮತ್ತು ಸರಿಯಾದ ಮಾರ್ಗದರ್ಶನ ನೀಡಬೇಕು ಅನ್ನೋದು ಇದರ ಉದ್ದೇಶ.
‘ದಡ್ಡ’, ‘ಸೋಮಾರಿ’ ಅಂತ ಕರೆಯುವಂತಿಲ್ಲ
ಮಕ್ಕಳನ್ನು ಎಲ್ಲರ ಮುಂದೆ ಅವಮಾನಿಸುವುದರಿಂದ ಅವರ ಆತ್ಮವಿಶ್ವಾಸ ಕುಗ್ಗಬಹುದು. ನಿರಂತರವಾಗಿ ಇಂಥ ಮಾತುಗಳನ್ನು ಕೇಳುವುದರಿಂದ ಕೀಳರಿಮೆ ಮತ್ತು ಮಾನಸಿಕ ಒತ್ತಡ ಉಂಟಾಗುವ ಸಾಧ್ಯತೆಯೂ ಇದೆ. ಹೀಗಾಗಿ ಕಲಿಕೆಯಲ್ಲಿ ಹಿಂದೆ ಇರುವ ಮಕ್ಕಳಿಗೆ ಹೆಚ್ಚುವರಿ ತರಬೇತಿ, ಬೆಂಬಲ ನೀಡಬೇಕು.
ಶಿಕ್ಷಕರು ತಪ್ಪು ಮಾಡಿದರೆ ಏನು ಕ್ರಮ?
ಮಕ್ಕಳನ್ನು ಮಾನಸಿಕವಾಗಿ ಹೀಯಾಳಿಸುವ ಶಿಕ್ಷಕರು ಅಥವಾ ಸಿಬ್ಬಂದಿ ವಿರುದ್ಧ ಇಲಾಖಾ ಶಿಸ್ತು ಕ್ರಮ ಕೈಗೊಳ್ಳಬಹುದು. ಮೊದಲ ಹಂತದಲ್ಲಿ ಎಚ್ಚರಿಕೆ ಅಥವಾ ಶೋಕಾಸ್ ನೋಟಿಸ್ ನೀಡುವ ಸಾಧ್ಯತೆ ಇದೆ. ತಪ್ಪು ಮತ್ತೆ ಮಾಡಿದರೆ ಅಥವಾ ಪ್ರಕರಣ ಗಂಭೀರವಾಗಿದ್ದರೆ ಅಮಾನತು ಮಾಡುವ ಕ್ರಮವೂ ಎದುರಾಗಬಹುದು. ಇಂಥ ನಡವಳಿಕೆ ಸೇವಾ ದಾಖಲೆಯಲ್ಲೂ ದಾಖಲಾಗುವ ಸಾಧ್ಯತೆಯಿದ್ದು, ಮುಂದಿನ ಬಡ್ತಿ ಸೇರಿದಂತೆ ವೃತ್ತಿಜೀವನದ ಮೇಲೂ ಪರಿಣಾಮ ಬೀರಬಹುದು.
