ಜಿಮ್ ಮುಗಿದ ಮೇಲೆ ಏನು ತಿನ್ನಬೇಕು?
ವರ್ಕೌಟ್ ಬಳಿಕ ದುಬಾರಿ ಪ್ರೋಟೀನ್ ಶೇಕ್ ಕಡ್ಡಾಯವಲ್ಲ. ಮೊಟ್ಟೆ, ಮೊಸರು, ಬೇಳೆ, ಕಾಳು ಅಥವಾ ಸೋಯಾ ಜತೆಗೆ ಅನ್ನ, ರೊಟ್ಟಿ, ಚಪಾತಿಯಂತಹ ಮನೆಯ ಆಹಾರ ಸೇವಿಸಬಹುದು. ಆಹಾರದ ಪ್ರಮಾಣವನ್ನು ದೇಹದ ತೂಕ, ಫಿಟ್ನೆಸ್ ಗುರಿ ಮತ್ತು ದಿನದ ಒಟ್ಟಾರೆ ಆಹಾರ ಸೇವನೆಗೆ ಅನುಗುಣವಾಗಿ ನಿರ್ಧರಿಸಬೇಕು.
ಜಂಕ್ ಫುಡ್ ಕಡಿಮೆ ಮಾಡಿದ್ರೆ ಹಣವೂ ಉಳಿಯುತ್ತೆ
ಫಿಟ್‌ನೆಸ್‌ಗಾಗಿ ಡಯಟ್ ಬದಲಾಯಿಸುವಾಗ ಮೊದಲು ಕಡಿಮೆ ಮಾಡಬೇಕಾದದ್ದು ಜಂಕ್ ಫುಡ್. ಪಿಜ್ಜಾ, ಬರ್ಗರ್, ಬೇಕರಿ ತಿಂಡಿ, ಸಕ್ಕರೆ ಹೆಚ್ಚಿರುವ ಪಾನೀಯಗಳನ್ನು ಆಗಾಗ್ಗೆ ಸೇವಿಸುವ ಅಭ್ಯಾಸ ಕಡಿಮೆ ಮಾಡಿದರೆ ಆರೋಗ್ಯಕ್ಕೆ ಮಾತ್ರವಲ್ಲ, ತಿಂಗಳ ಖರ್ಚಿಗೂ ಒಳ್ಳೆಯದು. ಇದರ ಬದಲಿಗೆ ತರಕಾರಿ, ಸೊಪ್ಪು, ಬೇಳೆ, ಕಾಳು ಮತ್ತು ಮನೆಯಲ್ಲೇ ತಯಾರಿಸಿದ ಊಟಕ್ಕೆ ಆದ್ಯತೆ ನೀಡಬಹುದು.
ನೀರು ಕುಡಿಯುವುದನ್ನೂ ಮರೆಯಬೇಡಿ
ವರ್ಕೌಟ್ ಮಾಡುವಾಗ ದೇಹದಲ್ಲಿ ನೀರಿನ ಕೊರತೆಯಾಗದಂತೆ ನೋಡಿಕೊಳ್ಳುವುದು ಮುಖ್ಯ. ಆದರೆ ಎಲ್ಲರೂ ದಿನಕ್ಕೆ ಕಡ್ಡಾಯವಾಗಿ 3–4 ಲೀಟರ್ ನೀರು ಕುಡಿಯಬೇಕು ಎನ್ನುವ ಒಂದೇ ನಿಯಮ ಇಲ್ಲ. ಹವಾಮಾನ, ದೈಹಿಕ ಚಟುವಟಿಕೆ, ಬೆವರಿನ ಪ್ರಮಾಣ ಮತ್ತು ದೇಹದ ಅಗತ್ಯಕ್ಕೆ ಅನುಗುಣವಾಗಿ ನೀರಿನ ಅವಶ್ಯಕತೆ ಬದಲಾಗುತ್ತದೆ.
ಇದನ್ನೂ ಓದಿ: ಚೆನ್ನೈನಲ್ಲಿ ಮೆಟ್ರೋ ಕಾಮಗಾರಿಗೆ ಕುಸಿಯಿತಾ ರಸ್ತೆ?; 10 ಅಡಿ ಗುಂಡಿಗೆ ಬಿದ್ದ ಕಾರು | Chennai road collapse
ಫಿಟ್‌ನೆಸ್‌ಗೆ ದುಬಾರಿ ಡಯಟ್‌ಗಿಂತ ನಿರಂತರತೆಯೇ ಮುಖ್ಯ
ಒಟ್ಟಿನಲ್ಲಿ ಫಿಟ್ ಆಗಿರಬೇಕು ಅಂದ್ರೆ ದುಬಾರಿ ಆಹಾರವೇ ಬೇಕು ಅನ್ನೋದು ತಪ್ಪು. ಸಮತೋಲನದ ಆಹಾರ, ಸರಿಯಾದ ಪ್ರಮಾಣ, ನಿಯಮಿತ ವ್ಯಾಯಾಮ ಮತ್ತು ನಿರಂತರತೆ ಮುಖ್ಯ. ನಿಮ್ಮ ಫಿಟ್ನೆಸ್ ಗುರಿಗೆ ತಕ್ಕಂತೆ ಮನೆಯಲ್ಲೇ ಸಿಗುವ ಆಹಾರಗಳನ್ನು ಸರಿಯಾಗಿ ಆಯ್ಕೆ ಮಾಡಿಕೊಂಡರೆ, ಕಡಿಮೆ ಬಜೆಟ್‌ನಲ್ಲೂ ಉತ್ತಮ ಡಯಟ್ ರೂಟೀನ್ ರೂಪಿಸಬಹುದು.
