ರಾಜ್ಯ

ಆರ್‌ಟಿಐ ಅರ್ಜಿ ತ್ವರಿತ ವಿಲೇ ಮಾಡಿ

ಸಾರ್ವಜನಿಕ ಮಾಹಿತಿ ಹಾಗೂ ಪ್ರಥಮ ಮೇಲ್ಮನವಿ ಪ್ರಾಧಿಕಾರದ ಅಧಿಕಾರಿಗಳಿಗಾಗಿ ಯಾದಗಿರಿಯಲ್ಲಿ ಶನಿವಾರ ಆಯೋಜಿಸಿದ್ದ ಕಾರ್ಯಾಗಾರವನ್ನು ಕಲಬುರಗಿ ಪೀಠದ ಮಾಹಿತಿ ಆಯುಕ್ತ ವೆಂಕಟಸಿಂಗ್, ಬೆಂಗಳೂರು ಪೀಠದ ಆಯುಕ್ತ ಡಾ.ಮಹೇಶ ವಾಳ್ವೀಕರ್ ಉದ್ಘಾಟಿಸಿದರು. ಡಿಸಿ ರಾಹುಲ್ ಪಾಂಡ್ವೆ, ಎಸ್‌ಪಿ ಪೃಥ್ವಿಕ್ ಶಂಕರ್, ಎಡಿಸಿ ರಮೇಶ ಕೋಲಾರ ಇತರರಿದ್ದರು.
ಸಾರ್ವಜನಿಕ ಮಾಹಿತಿ ಹಾಗೂ ಪ್ರಥಮ ಮೇಲ್ಮನವಿ ಪ್ರಾಧಿಕಾರದ ಅಧಿಕಾರಿಗಳಿಗಾಗಿ ಯಾದಗಿರಿಯಲ್ಲಿ ಶನಿವಾರ ಆಯೋಜಿಸಿದ್ದ ಕಾರ್ಯಾಗಾರವನ್ನು ಕಲಬುರಗಿ ಪೀಠದ ಮಾಹಿತಿ ಆಯುಕ್ತ ವೆಂಕಟಸಿಂಗ್, ಬೆಂಗಳೂರು ಪೀಠದ ಆಯುಕ್ತ ಡಾ.ಮಹೇಶ ವಾಳ್ವೀಕರ್ ಉದ್ಘಾಟಿಸಿದರು. ಡಿಸಿ ರಾಹುಲ್ ಪಾಂಡ್ವೆ, ಎಸ್‌ಪಿ ಪೃಥ್ವಿಕ್ ಶಂಕರ್, ಎಡಿಸಿ ರಮೇಶ ಕೋಲಾರ ಇತರರಿದ್ದರು.
ಚನ್ನಬಸಯ್ಯ ಗುರುವಿನ
Published on: 

ಪ್ರಮುಖ ಮುಖ್ಯಾಂಶಗಳು

  • ರಾಜ್ಯ ಮಾಹಿತಿ ಆಯುಕ್ತ ವೆಂಕಟಸಿAಗ್ ಸೂಚನೆ
  • ಕಲಬುರಗಿ ಪೀಠದಲ್ಲಿ ೭,೫೪೧ ಅಪ್ಲಿಕೇಶನ್ ಬಾಕಿ
ಯಾದಗಿರಿ:

ಮಾಹಿತಿ ಹಕ್ಕು ಅಽನಿಯಮದಡಿ ಸಲ್ಲಿಕೆಯಾಗುವ ಅರ್ಜಿಗಳನ್ನು ಸಕಾಲಕ್ಕೆ ವಿಲೇವಾರಿ ಮಾಡುವ ಜವಾಬ್ದಾರಿ ಸಾರ್ವಜನಿಕ ಮಾಹಿತಿ ಅಧಿಕಾರಿಗಳ ಮೇಲಿದೆ ಎಂದು ಕಲಬುರಗಿ ಪೀಠದ ಮಾಹಿತಿ ಆಯುಕ್ತ ವೆಂಕಟಸಿಂಗ್ ಹೇಳಿದರು.

ಕಲ್ಯಾಣ ಕರ್ನಾಟಕದ ಏಳು ಜಿಲ್ಲೆ ಅಧಿಕಾರಿಗಳಿಗೆ ಆರ್‌ಟಿಐ ಕುರಿತು ಅರಿವು ಮೂಡಿಸಲು ಕಾರ್ಯಾಗಾರಗಳನ್ನು ನಡೆಸಲಾಗುತ್ತಿದೆ. ಇಂದಿನದ್ದು ಸೇರಿ ಎಲ್ಲ ಜಿಲ್ಲೆಗಳಲ್ಲಿ ಕಾರ್ಯಾಗಾರ ಮಾಡಲಾಗಿದೆ. ಮಾಹಿತಿ ಹಕ್ಕು ಕಾಯ್ದೆಯಡಿ ಯಾವ ಮಾಹಿತಿ ನೀಡ್ಬೇಕು? ಯಾವುದು ನೀಡಬಾರದು? ಅರ್ಜಿಗಳಿಗೆ ಎಷ್ಟು ದಿನಗಳಲ್ಲಿ ಉತ್ತರ ಕೊಡಬೇಕು ಎಂಬ ಕುರಿತು ಅಽಕಾರಿಗಳಲ್ಲಿ ಗೊಂದಲಗಳಿವೆ. ಹೀಗಾಗಿ ಕಾಯ್ದೆ ನಿಯಮ ಮತ್ತು ಅರ್ಜಿ ವಿಲೇವಾರಿ ಬಗ್ಗೆ ತರಬೇತಿ ನೀಡಲಾಗುತ್ತಿದೆ ಎಂದು ಅವರು ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಅಽಕಾರಿಗಳು ಎದುರಿಸುತ್ತಿರುವ ಸಮಸ್ಯೆ ಹಾಗೂ ನೆಲಮಟ್ಟದ ವಾಸ್ತವಾಂಶ ತಿಳಿದು ಪರಿಹಾರ ಕ್ರಮದ ಬಗ್ಗೆ ಮಾರ್ಗದರ್ಶನ ನೀಡಲಾಗಿದೆ. ಜಿಲ್ಲೆಯಲ್ಲಿ ಪ್ರಸ್ತುತ ೭೫೦ ಆರ್‌ಟಿಐ ಅರ್ಜಿ ವಿಚಾರಣೆಗೆ ಬಾಕಿ ಇದ್ದು, ತ್ವರಿತ ವಿಲೇವಾರಿ ಮಾಡುವಂತೆ ಅಽಕಾರಿಗಳಿಗೆ ಸೂಚಿಸಲಾಗಿದೆ. ಜಿಲ್ಲಾಧಿಕಾರಿ, ಜಿಪಂ ಸಿಇಒ ಹಾಗೂ ಎಸ್‌ಪಿ ತಮ್ಮ ಅಧೀನ ಇಲಾಖೆಗಳಲ್ಲಿನ ಬಾಕಿ ಇರುವ ಆರ್‌ಟಿಐ ಅರ್ಜಿಗಳ ಪ್ರಗತಿ ಪರಿಶೀಲನೆ ನಡೆಸುವಂತೆ ಸೂಚನೆ ನೀಡಲಾಗಿದೆ ಎಂದರು.
ಕಲಬುರಗಿ ಪೀಠದಲ್ಲಿ ದ್ವಿತೀಯ ಮೇಲ್ಮನವಿ ಅರ್ಜಿಗಳನ್ನು ಬೆಂಗಳೂರು ಬದಲು ಸ್ಥಳೀಯವಾಗಿಯೇ ಸ್ವೀಕರಿಸುವ ವ್ಯವಸ್ಥೆ ಮಾಡಲಾಗಿದೆ. ಇದಕ್ಕಾಗಿ ಕಾನೂನು ಸಹಾಯಕರು ಮತ್ತು ಸಿಬ್ಬಂದಿ ನೇಮಿಸಿದ್ದು, ಅರ್ಜಿ ಸ್ವೀಕಾರ, ಪರಿಶೀಲನೆ ಮತ್ತು ವಿಚಾರಣೆ ಪ್ರಕ್ರಿಯೆ ನಡೆಯುತ್ತಿದೆ. ೨೦೦೫ರ ಅ.೧೨ರಂದು ಜನರಿಗೆ ಬಂದಿರುವ ಮಾಹಿತಿ ಹಕ್ಕು ಅಧೀನಿಯಮ ಆಡಳಿತದಲ್ಲಿ ಪಾರದರ್ಶಕತೆ ಹಾಗೂ ಭ್ರಷ್ಟಾಚಾರ ತಡೆಯುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ ಎಂದು ವೆಂಕಟಸಿಂಗ್ ತಿಳಿಸಿದರು.
ಇದಕ್ಕೂ ಮುನ್ನ ಜಿಲ್ಲಾ ಭವನ ಸಭಾಂಗಣದಲ್ಲಿ ಸಾರ್ವಜನಿಕ ಮಾಹಿತಿ ಹಾಗೂ ಪ್ರಥಮ ಮೇಲ್ಮನವಿ ಪ್ರಾಽಕಾರದ ಅಧಿಕಾರಿಗಳಿಗಾಗಿ ಆಯೋಜಿಸಿದ್ದ ಕಾರ್ಯಾಗಾರದಲ್ಲಿ ಸಮಗ್ರ ಮಾಹಿತಿಯನ್ನು ಬೆಂಗಳೂರು ಪೀಠದ ಆಯುಕ್ತ ಡಾ.ಮಹೇಶ ವಾಳ್ವೀಕರ್ ಮತ್ತು ಕಲಬುರಗಿ ಪೀಠದ ಆಯುಕ್ತ ವೆಂಕಟಸಿಂಗ್ ನೀಡಿದರು. ಡಿಸಿ ರಾಹುಲ್ ಪಾಂಡ್ವೆ ಮಾತನಾಡಿ, ಕಾರ್ಯಾಗಾರದ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಸಲಹೆ ನೀಡಿದರು. ಎಸ್‌ಪಿ ಪೃಥ್ವಿಕ್ ಶಂಕರ್, ಎಡಿಸಿ ರಮೇಶ ಕೋಲಾರ ವೇದಿಕೆಯಲ್ಲಿದ್ದರು. ಜ್ಯೋತಿಲತಾ ತಡಿಬಿಡಿಮಠ ನಿರೂಪಣೆ ಮಾಡಿದರು. ಪಿಡಿಒ ಸೇರಿ ವಿವಿಧ ಇಲಾಖೆ ಅಽಕಾರಿಗಳು ತಮಗಿದ್ದ ಸಂಶಯಗಳನ್ನು ಪ್ರಶ್ನೆ ಕೇಳಿ ನಿವಾರಣೆ ಮಾಡಿಕೊಂಡರು.

೫,೮೩೫ ಪ್ರಕರಣ ವಿಚಾರಣೆ

ನಾನು ಅಧಿಕಾರ ಸ್ವೀಕರಿಸಿದ ಬಳಿಕ ಕಲಬುರಗಿ ಪೀಠದಲ್ಲಿ ೫,೮೩೫ ಪ್ರಕರಣ ವಿಚಾರಣೆಗೆ ಕೈಗೆತ್ತಿಕೊಂಡಿದ್ದು, ೨,೮೩೮ ವಿಲೇವಾರಿ ಮಾಡಲಾಗಿದೆ. ಸಕಾಲದಲ್ಲಿ ಮಾಹಿತಿ ನೀಡದ ಅಽಕಾರಿಗಳಿಗೆ ೬.೪೮ ಲಕ್ಷ ರೂ. ದಂಡ ವಿಧಿಸಲಾಗಿದ್ದು, ಮಾಹಿತಿ ವಿಳಂಬದಿಂದ ಅರ್ಜಿದಾರರಿಗೆ ಉಂಟಾದ ತೊಂದರೆಗೆ ೮೭ ಸಾವಿರ ರೂ. ಪರಿಹಾರ ನೀಡಲು ಆದೇಶಿಸಲಾಗಿದೆ ಎಂದು ವೆಂಕಟಸಿಂಗ್ ತಿಳಿಸಿದರು.
"

ಕಲಬುರಗಿ ಪೀಠದ ವ್ಯಾಪ್ತಿಯಲ್ಲಿ ೭,೫೪೧ ಆರ್‌ಟಿಐ ಅರ್ಜಿ ಬಾಕಿ ಇವೆ. ಜಿಲ್ಲೆವಾರು ನೋಡಿದರೆ ರಾಯಚೂರು ಜಿಲ್ಲೆಯಲ್ಲಿ ೨,೨೫೬, ಕಲಬುರಗಿ ೧,೫೩೧, ಬಳ್ಳಾರಿ ೯೩೮, ಕೊಪ್ಪಳ ೭೮೩, ಯಾದಗಿರಿ ೭೫೦, ವಿಜಯನಗರ ೭೩೬ ಹಾಗೂ ಬೀದರ್ ಜಿಲ್ಲೆಯಲ್ಲಿ ೫೪೭ ಅರ್ಜಿ ಬಾಕಿ ಇವೆ.| ವೆಂಕಟಸಿಂಗ್ ಮಾಹಿತಿ ಆಯುಕ್ತ, ಕಲಬುರಗಿ ಪೀಠ

Right to Information
RTI Application
official translation
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net