Street Dogs Chasing Bike: ರಾತ್ರಿ ಹೊತ್ತಲ್ಲಿ ಖಾಲಿ ರಸ್ತೆಯಲ್ಲಿ ಬೈಕ್‌ನಲ್ಲಿ ಹೋಗುವಾಗ ಬೀದಿ ನಾಯಿಗಳು ಅಟ್ಟಿಸಿಕೊಂಡು ಬಂದ ಅನುಭವ ನಿಮಗೂ ಆಗಿರಬಹುದು. ನಾಯಿಗಳು ಬೊಗಳುತ್ತಾ ಬೈಕ್ ಹಿಂದೆ ಓಡಿಸಿಕೊಂಡು ಬಂದಾಗ ಸವಾರರು ಗಾಬರಿಯಾಗುವುದು ಸಹಜ. ಆದರೆ, ಆ ಸಮಯದಲ್ಲಿ ಗಾಬರಿಯಿಂದ ಮಾಡುವ ಸಣ್ಣ ತಪ್ಪು ಕೂಡ ದೊಡ್ಡ ಅಪಘಾತಕ್ಕೆ ಕಾರಣವಾಗಬಹುದು.
ಹಾಗಾದ್ರೆ, ರಾತ್ರಿ ಬೈಕ್‌ನಲ್ಲಿ ಹೋಗುವಾಗ ಬೀದಿ ನಾಯಿಗಳು ಅಟ್ಟಿಸಿಕೊಂಡು ಬಂದ್ರೆ ಏನು ಮಾಡಬೇಕು? ಯಾವ ತಪ್ಪುಗಳನ್ನು ಮಾಡಬಾರದು? ಇಲ್ಲಿದೆ ಮಾಹಿತಿ.
1. ಗಾಬರಿಯಾಗಿ ಏಕಾಏಕಿ ವೇಗ ಹೆಚ್ಚಿಸಬೇಡಿ
ನಾಯಿಗಳು ಅಟ್ಟಿಸಿಕೊಂಡು ಬಂದ ತಕ್ಷಣ ಬೈಕ್ ವೇಗ ಹೆಚ್ಚಿಸುವುದು ಅಪಾಯಕಾರಿ. ಇದರಿಂದ ಬೈಕ್ ನಿಯಂತ್ರಣ ತಪ್ಪಬಹುದು, ಸ್ಕಿಡ್ ಆಗಬಹುದು ಅಥವಾ ಎದುರಿನಿಂದ ಬರುವ ವಾಹನಕ್ಕೆ ಡಿಕ್ಕಿ ಹೊಡೆಯುವ ಸಾಧ್ಯತೆಯೂ ಇರುತ್ತದೆ. ಹಾಗಾಗಿ, ಗಾಬರಿಯಾಗದೆ ರಸ್ತೆಯ ಪರಿಸ್ಥಿತಿಗೆ ತಕ್ಕಂತೆ ನಿಧಾನವಾಗಿ ವೇಗ ಕಡಿಮೆ ಮಾಡಿ.
