ಸಮೋಸಾ ಪ್ರಿಯರೇ ಎಚ್ಚರ: ಹೈದರಾಬಾದ್‌ನಲ್ಲಿ ಬಯಲಾಯ್ತು ಕಲಬೆರಕೆ ದಂಧೆ; 5 ಲಕ್ಷ ಮೌಲ್ಯದ ಸಾಮಾಗ್ರಿ ವಶ | Samosa Raid in Hyderabed

ಹೈದರಾಬಾದ್​: ಭಾರತದಲ್ಲಿ ಅಸುರಕ್ಷಿತ ಹಾಗೂ ಕಲಬೆರಿಕೆಯುಕ್ತ ಆಹಾರದ ಪೂರೈಕೆ ದಿನ ಕಳೆದಂತೆ ಹೆಚ್ಚಾಗುತ್ತಿದ್ದು, ಶುಕ್ರವಾರ (ಮಾರ್ಚ್​ 20) ಹೈದರಾಬಾದಿನಲ್ಲಿ ಅಕ್ರಮವಾಗಿ ಮತ್ತು ಕಲಬೆರಿಕೆಗೊಳಿಸಿ ಸಮೋಸಾ ತಯಾರಿಸುತ್ತಿದ್ದ ಘಟಕದ ಮೇಲೆ ಆರೋಗ್ಯ ಸುರಕ್ಷತೆ ಅಧಿಕಾರಿಗಳು (Samosa Raid in Hyderabed) ದಾಳಿ ನಡೆಸಿದ್ದಾರೆ ಎಂದು ವರದಿಯಾಗಿದೆ.

ಹೈದರಾಬಾದ್ ಆಹಾರ ಕಲಬೆರಕೆ ಕಣ್ಗಾವಲು ತಂಡ ಹಾಗೂ ಕುಲ್ಸುಂಪುರಾ ಪೊಲೀಸರು ನಡೆಸಿದ ಈ ಜಂಟಿ ಕಾರ್ಯಾಚರಣೆಯಲ್ಲಿ ಯಾವುದೇ ಮಾನ್ಯತೆ ಪಡೆಯದೆ, ತಿನ್ನಲು ಯೋಗ್ಯವಲ್ಲದ ಕಚ್ಚಾ ವಸ್ತುಗಳನ್ನು ಬಳಸಿ ಸಮೋಸಾ ತಯಾರಿಸುತ್ತಿರುವುದು ಬೆಳಕಿಗೆ ಬಂದಿದೆ.

ದಾಳಿಯ ಸಂದರ್ಭದಲ್ಲಿ ಈ ಘಟಕವು ಅಬ್ದುಲ್ ರಶೀದ್ ಎಂಬುವವನಿಗೆ ಸೇರಿದ್ದಾಗಿದ್ದು, ಈತ ಸಮೋಸಾ ತಯಾರಿಸಲು FSSAI ಪರವಾನಗಿ, ವ್ಯಾಪಾರ ಪರವಾನಗಿ ಅಥವಾ ಅಗ್ನಿಶಾಮಕ ಸುರಕ್ಷತಾ ಅನುಮತಿಯನ್ನು ಹೊಂದಿಲ್ಲ ಎಂದು ತಿಳಿದು ಬಂದಿದೆ.

ದಾಳಿಯಲ್ಲಿ ಆರೋಗ್ಯ ಸುರಕ್ಷತಾ ಅಧಿಕಾರಿಗಳು ಸುಮಾರು 5 ಲಕ್ಷ ಮೌಲ್ಯದ ಕಚ್ಚಾ ವಸ್ತುಗಳನ್ನು ವಶಕ್ಕೆ ಪಡಿದಿದ್ದಾರೆ ಎಂದು ತಿಳಿದು ಬಂದಿದೆ. ವಿವಿಧ ಪ್ರಕಾರದ ಸಮೋಸಾಗಳು,  ಮೈದಾ ಮತ್ತು ಮೆಕ್ಕೆ ಜೋಳದ ಹಿಟ್ಟು, ಅಡುಗೆ ಎಣ್ಣೆ ಹಾಗೂ ಯಂತ್ರೋಪಕರಣಗಳನ್ನು ವಶಕ್ಕೆ ತೆಗೆದುಕೊಂಡಿರುವುದಾಗಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ,(ಏಜನ್ಸೀಸ್​).