ಭಾರತದ ವಿರುದ್ದ ಷಂಡ್ಯಂತ್ರ ನಡೆಯುತ್ತಿದೆ!
ಚುನಾವಣಾ ಆಯೋಗದ ನೀತಿ-ನಿರೂಪಣೆಗಳನ್ನು ವಿರೋಧಿಸಿ ದೆಹಲಿಯಲ್ಲಿ ನಡೆಯುತ್ತಿರುವ ಪ್ರತಿಭಟನೆ ಬಗ್ಗೆ ಮಾತನಾಡಿದ ಕಂಗನಾ, ಕೆಲ ವಿದೇಶಿ ಶಕ್ತಿಗಳು ಭಾರತದ ವಿರುದ್ಧ ಷಂಡ್ಯಂತ್ರ ರೂಪಿಸುತ್ತಿದ್ದು, ಇಲ್ಲಿರುವ ಕೆಲವೊಂದಿಷ್ಟು ಜನ ಶಾಂತಿಯಿಂದಿರುವ ದೇಶದಲ್ಲಿ ಅಶಾಂತಿ ಮೂಡಿಸುವ ಕೆಲಸ ಮಾಡುತ್ತಿದ್ದಾರೆಂದು ಕಿಡಿಕಾರಿದ್ದಾರೆ.
ಕೆಲ ದಿನಗಳಿಂದ ಭಾರತ ವಿರೋಧಿ ಶಕ್ತಿಗಳ ಸಮಾಗಮವಾಗಿದ್ದು, ಭಾರತದಲ್ಲಿ ದೇಶ ವಿರೋಧಿ ಕೃತ್ಯಗಳ ಹಾಗೂ ಕೃತ್ಯವೆಸೆಗುವವರ ಸಂಖ್ಯೆಯಲ್ಲಿ ಏರಿಕೆ ಕಾಣುತ್ತಿದ್ದು, ಇದನ್ನು ಶೀಘ್ರದಲ್ಲಿ ಮಟ್ಟಹಾಕಬೇಕಿರುವ ಸಂದರ್ಭ ನಮಗೆ ಎದುರಾಗಿದೆ ಎಂದು ಕಂಗನಾ ಹೇಳಿದ್ದಾರೆ.
ಭಾರತೀಯರ ಬೆಂಬಲ ನಮಗಿದೆ!
ನಮ್ಮೊಂದಿಗೆ ಪ್ರಭು ಶ್ರೀರಾಮ ಹಾಗೂ ಹನುಮಂತನ ಆರ್ಶೀವಾದ ಇರುವವರೆಗೆ ನಮಗೆ ಯಾರೂ ಏನು ಮಾಡಲು ಸಾಧ್ಯವಿಲ್ಲ. ಎಲ್ಲಕ್ಕಿಂತ ಮುಖ್ಯವಾಗಿ ಭಾರತೀಯರ ಬೆಂಬಲ ನಮ್ಮೊಂದಿಗಿದೆ. ಈಗ ದೇಶ ವಿರೋಧಿಗಳ ಮುಖ ಬಯಲಾಗುತ್ತಿದೆ. ಕೇವಲ ಪೊಲೀಸರು ಮಾತ್ರವಲ್ಲ, ಜನರು ಸಹ ರಾಷ್ಟ್ರ ವಿರೋಧಿಗಳನ್ನ ಕಂಡಲ್ಲಿ ಹೊಡೆಯಲು ಆರಂಭಿಸಿದ್ದಾರೆ. ದೇಶದ ಶಾಂತಿ ಕದಡುವ ಯಾರನ್ನು ಸುಮ್ಮನೆ ಬಿಡುವಂತಿಲ್ಲ ಎಂದು ಸಂಸದೆ ಗುಡುಗಿದ್ದಾರೆ.
