WFI ಗೆ ಸೆಡ್ಡು ಹೊಡೆದ ಫೋಗಾಟ್​: ಏಷ್ಯನ್​ ಗೇಮ್ಸ್​ ಆಯ್ಕೆ ಸುತ್ತಿನಲ್ಲಿ ವಿನೇಶ್ ವಿನ್ನರ್​; 7-1 ಅಂತರದಲ್ಲಿ ಒಲಿದ ಜಯ! Vinesh Phogat wins

ನವದೆಹಲಿ: ಸುಪ್ರೀಂ ಕೋರ್ಟ್​ ಆದೇಶದ ಬಳಿಕ ಏಷ್ಯನ್​ ಗೇಮ್ಸ್​ ಆಯ್ಕೆ ಪಂದ್ಯಾವಳಿಯಲ್ಲಿ ಭಾಗವಹಿಸಿದ ಕುಸ್ತಿಪಟು ವಿನೇಶ್ ಫೋಗಟ್​ (Vinesh Phogat wins) ಶನಿವಾರ (ಮೇ.30) ದೆಹಲಿಯ ಇಂದಿರಾಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಆಯ್ಕೆಸುತ್ತಿನಲ್ಲಿ ಗೆಲುವು ಸಾಧಿಸಿದ್ದಾಳೆ.

ಕಳೆದ ಕೆಲ ದಿನಗಳಿಂದ ಭಾರತೀಯ ಕುಸ್ತಿ ಒಕ್ಕೂಟ ಹಾಗೂ ವಿನೇಶ್​ ನಡುವೆಯೇ ಕುಸ್ತಿ ನಡೆಯುತ್ತಿತ್ತು. ತನಗೆ ಆಯ್ಕೆ ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಅವಕಾಶ ನೀಡುತ್ತಿಲ್ಲ ಎನ್ನುವುದು ವಿನೇಶ್​ಳ ವಾದವಾಗಿದ್ದರೆ. ಫೋಗಾಟ್​ ಒಕ್ಕೂಟದ ಯಾವುದೇ ನಿಯಮಗಳನ್ನು ಪಾಲಿಸುತ್ತಿಲ್ಲ ಎಂದು ಕುಸ್ತಿ ಅಸೋಸಿಯೇಶನ್​ ಹೇಳಿತ್ತು.

ನಂತರ ಈ ಪ್ರಕರಣ ಸುಪ್ರೀಂ ಕೋರ್ಟ್​ ಮೇಟ್ಟಿಲೇರಿದ ನಂತರ ಸರ್ವೋಚ್ಚ ನ್ಯಾಯಾಲಯವು ವಿನೇಶ್​ಗೆ ಆಯ್ಕೆ ಸುತ್ತಿನಲ್ಲಿ ಭಾಗವಹಿಸಲು ಅವಕಾಶ ನೀಡಬೇಕಾಗಿ ಆದೇಶ ನೀಡಲಾಯಿತು.

53 ಕಿ.ಲೋ ವಿಭಾಗದಲ್ಲಿ ಅಖಾಡಕ್ಕಿಳಿದ ವಿನೇಶ್ ಫೋಗಟ್, ಹರಿಯಾಣಾದ ಜ್ಯೋತಿಯನ್ನು 7-1 ರ ಅಂತರದಲ್ಲಿ ಸೋಲಿಸಿದ್ದಾರೆ. ಪಂದ್ಯಕ್ಕೂ ಮೊದಲು ವಿನೇಶ್​ಗೆ 50 ಕಿ.ಲೋ ವಿಭಾಗದಲ್ಲಿ ಭಾಗವಹಿಸುವಂತೆ ಹೇಳಲಾಗಿತ್ತು. ಆದರೆ ನಾನು 53 ಕಿ.ಲೋ ವಿಭಾಗದಲ್ಲಿಯೇ ಅಖಾಡಕ್ಕಿಳಿಯುದಾಗಿ ವಿನೇಶ್​ ಪಟ್ಟು ಹಿಡಿದಿದ್ದಾಗಿ ತಿಳಿದು ಬಂದಿದೆ.

ಇತ್ತೀಚೆಗೆ ಭಾರತೀಯ ಕುಸ್ತಿ ಒಕ್ಕೂಟ (WFI) ಕೆಲವು ಹೊಸ ನಿಯಮಗಳನ್ನು ಜಾರಿಗೆ ತಂದಿತ್ತು. ಇದರ ಅಡಿಯಲ್ಲಿ, ವಿನೇಶ್ ಫೋಗಟ್ ಅವರು ಆಯ್ಕೆ ಪ್ರಕ್ರಿಯೆಗೆ ಅರ್ಹರಲ್ಲ ಎಂದು ಒಕ್ಕೂಟ ಘೋಷಿಸಿತ್ತು. ಅಷ್ಟೇ ಅಲ್ಲದೆ, ಮೇ 9 ರಂದು ವಿನೇಶ್‌ಗೆ ಶೋ-ಕಾಸ ನೋಟಿಸ್ ನೀಡಿದ್ದ ಒಕ್ಕೂಟ, ಜೂನ್ 26 ರವರೆಗೆ ಅವರು ಯಾವುದೇ ಸ್ಪರ್ಧೆಗಳಲ್ಲಿ ಭಾಗವಹಿಸದಂತೆ ನಿಷೇಧ ಹೇರಿತ್ತು.

ತಾಯ್ತನದ ಕಾರಣಕ್ಕಾಗಿ ಡಿಸೆಂಬರ್ 2024 ರಿಂದ ವಿನೇಶ್ ಕ್ರೀಡೆಯಿಂದ ತಾತ್ಕಾಲಿಕ ವಿರಾಮ ಪಡೆದಿದ್ದರು. ಅಂತರರಾಷ್ಟ್ರೀಯ ಕುಸ್ತಿ ಸಂಸ್ಥೆಯು ಅವರಿಗೆ ಜನವರಿ 1, 2026 ರಿಂದಲೇ ಸ್ಪರ್ಧಿಸಲು ಅನುಮತಿ ನೀಡಿದ್ದರೂ, WFI ಮಾತ್ರ ಹಳೆ ಹಗೆತನ ಸಾಧಿಸುವಂತೆ ಅವರ ಭಾಗವಹಿಸುವಿಕೆಯನ್ನು ನಿರ್ಬಂಧಿಸಿತ್ತು.

ಏಷ್ಯನ್ ಗೇಮ್ಸ್‌ನ ಈ ಆಯ್ಕೆ ಪ್ರಕ್ರಿಯೆಯಲ್ಲಿ ಯಾವುದೇ ಅನ್ಯಾಯ ಅಥವಾ ಪಾರದರ್ಶಕತೆಯ ಕೊರತೆ ಇರಬಾರದು ಎಂದು ಕೋರ್ಟ್ ಖಡಕ್ ಸೂಚನೆ ನೀಡಿದೆ. ಇಡೀ ಆಯ್ಕೆ ಪ್ರಕ್ರಿಯೆಯನ್ನು ಕಡ್ಡಾಯವಾಗಿ ವಿಡಿಯೋ ರೆಕಾರ್ಡ್ ಮಾಡಬೇಕು ಎಂದು ನ್ಯಾಯಪೀಠ ಆದೇಶಿಸಿದೆ.

ಇದನ್ನೂ ಓದಿ: ವಿನೇಶ್ ಫೋಗಟ್‌ಗೆ ದೆಹಲಿ ಹೈಕೋರ್ಟ್ ಬಿಗ್ ರಿಲೀಫ್: ಏಷ್ಯನ್ ಗೇಮ್ಸ್ ಆಯ್ಕೆ ಪ್ರಕ್ರಿಯೆಗೆ ಭಾಗವಹಿಸಲು ಗ್ರೀನ್​ ಸಿಗ್ನಲ್​! Vinesh Phogat

ಅಷ್ಟೇ ಅಲ್ಲದೆ, ಕೇಂದ್ರ ಕ್ರೀಡಾ ಸಚಿವಾಲಯವು ಭಾರತೀಯ ಕ್ರೀಡಾ ಪ್ರಾಧಿಕಾರ (SAI) ಮತ್ತು ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್‌ನಿಂದ (IOA) ಇಬ್ಬರು ಸ್ವತಂತ್ರ ವೀಕ್ಷಕರನ್ನು ನೇಮಿಸಬೇಕು. ಅವರು ಇಡೀ ಟ್ರಯಲ್ಸ್ ವೀಕ್ಷಿಸಿ ನೇರವಾಗಿ ನ್ಯಾಯಾಲಯಕ್ಕೆ ವರದಿ ಸಲ್ಲಿಸಬೇಕು ಎಂದು ನಿರ್ದೇಶನ ನೀಡಿದೆ,(ಏಜನ್ಸೀಸ್​).