ಬುದ್ಧಿ ಹೇಳಿದ್ರೂ ಕೇಳಲಿಲ್ಲ!
ರೆಹಾನ್‌ನ ಅತ್ತೆ ಅಫ್ಸಾನಾ ಪ್ರಕಾರ, ಈ ಹಿಂದೆ ಆತ ಅಕ್ರಮ ಬಂದೂಕು ಪ್ರಕರಣದಲ್ಲಿ ಜೈಲು ಸೇರಿದಾಗಲೇ ಕುಟುಂಬಸ್ಥರು ಕಂಗೆಟ್ಟಿದ್ದರು. ಜೈಲಿನಿಂದ ಹೊರಬಂದ ಮೇಲೆ ಕೆಟ್ಟವರ ಸಹವಾಸ ಬಿಟ್ಟು, ದುಡಿದು ಬದುಕುವಂತೆ ಬುದ್ಧಿವಾದ ಹೇಳಿದ್ದರು. ಆದರೂ ಎಲ್ಲರ ಕಣ್ಣುತಪ್ಪಿಸಿ, ಕ್ರೈಂ ಸಿಂಡಿಕೇಟ್‌ನ ಕೈಗೊಂಬೆಯಾಗಿ ಮುಂಬೈಗೆ ಬಂದು ಇಷ್ಟೊಂದು ದೊಡ್ಡ ದಾಳಿ ನಡೆಸಿದ್ದಾನೆ. ನೆರೆಹೊರೆಯವರು, "ರೆಹಾನ್ ಸಾಮಾನ್ಯ ಹುಡುಗನಂತೆಯೇ ಓಡಾಡಿಕೊಂಡಿದ್ದ, ಆತ ಬಾಲಿವುಡ್ ನಟನ ಮೇಲೆ ಗುಂಡು ಹಾರಿಸುವ ಮಟ್ಟಕ್ಕೆ ಹೋಗ್ತಾನೆ ಅಂತ ಕನಸಲ್ಲೂ ಅಂದುಕೊಂಡಿರಲಿಲ್ಲ" ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಬಿಷ್ಣೋಯ್ ಗ್ಯಾಂಗ್ ಜೊತೆ ಲಿಂಕ್?
ವೆಲ್ಡರ್ ಕೆಲಸ ಮಾಡುತ್ತಿದ್ದ ಸಾಮಾನ್ಯ ಹಳ್ಳಿ ಹುಡುಗನ ಕೈಗೆ ಆಧನಿಕ ಪಿಸ್ತೂಲ್ಗಳು ಹೇಗೆ ಸಿಕ್ಕವು? ಮುಂಬೈನಂತಹ ಮಹಾನಗರಕ್ಕೆ ಆತನನ್ನು ಕರೆತಂದು, ಬಾಲಿವುಡ್ ನಟನನ್ನೇ ಗುರಿಯಾಗಿಸಿ ಗುಂಡು ಹಾರಿಸಲು ಸುಪಾರಿ ಕೊಟ್ಟಿದ್ದು ಯಾರು? ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್ ಈತನನ್ನು ಶೂಟರ್ ಆಗಿ ಬಳಸಿಕೊಂಡಿತ್ತೇ? ಎಂಬ ಪ್ರಶ್ನೆಗಳಿಗೆ ಮುಂಬೈ ಕ್ರೈಂ ಬ್ರಾಂಚ್ ತನ್ನ ತನಿಖೆ ಮುಗಿಸಿ ವರದಿ ಸಲ್ಲಿಸಿದ ನಂತರವೇ ಉತ್ತರ ದೊರೆಯಬೇಕಿದೆ, (ಏಜೆನ್ಸೀಸ್).
