ಛೋಟಾ ರಾಜನ್‌ಗೂ ಸಿಕ್ಕಿತ್ತು ಇಂಥದ್ದೇ ರಕ್ಷಣೆ!
ಅಂದಹಾಗೆ ಇಂತಹ ವಿಶೇಷ ಕಾನೂನು ರಕ್ಷಣೆಯನ್ನು ದೇಶದಲ್ಲಿ ಲಾರೆನ್ಸ್ ಒಬ್ಬನೇ ಪಡೆದಿಲ್ಲ. ಈ ಹಿಂದೆ 2015 ರಲ್ಲಿ ಇಂಡೋನೇಷ್ಯಾದಿಂದ ಭೂಗತ ಪಾತಕಿ ಛೋಟಾ ರಾಜನ್‌ನನ್ನು ಗಡೀಪಾರು ಮಾಡಿದಾಗ ಆತನನ್ನೂ ದೆಹಲಿಯ ತಿಹಾರ್ ಜೈಲಿನಲ್ಲಿ ಇದೇ ರೀತಿಯ ಬಿಗಿ ಭದ್ರತೆಯಲ್ಲಿಡಲಾಗಿತ್ತು.
ಮುಂಬೈ ಪೊಲೀಸರಲ್ಲೇ ದಾವೂದ್ ಇಬ್ರಾಹಿಂ ಪರ ಕೆಲಸ ಮಾಡುವವರಿದ್ದಾರೆ, ಮುಂಬೈಗೆ ಹೋದರೆ ತನ್ನ ಜೀವಕ್ಕೆ ಅಪಾಯವಿದೆ ಎಂದು ರಾಜನ್ ಹೇಳಿಕೊಂಡಿದ್ದ. ಇನ್ನು ಬಿಷ್ಣೋಯಿಯ ಕಿರಿಯ ಸಹೋದರ ಅನ್ಮೋಲ್ ಬಿಷ್ಣೋಯಿ ಕೂಡ ಅಮೆರಿಕದಿಂದ ಗಡೀಪಾರಾಗಿ ಬಂದಾಗಿನಿಂದ ತಿಹಾರ್ ಜೈಲಿನಲ್ಲಿ ಇದೇ ನಿಯಮದಡಿ ಲಾಕ್ ಆಗಿದ್ದಾನೆ.
ಜೈಲಿನಲ್ಲಿ ಕುಳಿತೇ ಕ್ರೈಮ್ ನೆಟ್‌ವರ್ಕ್!
ಪಂಜಾಬ್, ರಾಜಸ್ಥಾನ, ಮಹಾರಾಷ್ಟ್ರ ಸೇರಿದಂತೆ ವಿದೇಶಗಳಲ್ಲೂ ಹತ್ತಾರು ಕ್ರಿಮಿನಲ್ ಕೇಸ್‌ಗಳಿರುವ ಬಿಷ್ಣೋಯಿ, ಜೈಲಿನಲ್ಲೇ ಕೂತು ತನ್ನ ನೆಟ್‌ವರ್ಕ್ ಆಪರೇಟ್ ಮಾಡುತ್ತಿದ್ದಾನೆ ಎಂಬ ಗಂಭೀರ ಆರೋಪಗಳಿವೆ.
