ಉಳಿದವ್ರು ಪರವಾಗಿಲ್ಲ, ಆಕೆ ಮಾತ್ರ ಬೇಡ!...ಟಿಎಂಸಿ ನಾಯಕಿಯ ಹಳೇ ಇತಿಹಾಸ ನೆನಪಿಸಿ ಮೋದಿ-ಷಾಗೆ ತಥಾಗತ ರಾಯ್ ಮನವಿ | Tathagata Roy

ಟಿಎಂಸಿ ವಿರುದ್ಧ ಬಂಡಾಯ ಸಾರಿರುವ ಸಂಸದರ ಪಟ್ಟಿಯಲ್ಲಿ ಸಾಯೋನಿ ಘೋಷ್ ಹೆಸರೂ ಇದೆ ಎಂಬ ವರದಿಗಳ ಬೆನ್ನಲ್ಲೇ ತಥಾಗತ ರಾಯ್ ಈ ಆಕ್ಷೇಪ ಎತ್ತಿದ್ದಾರೆ. ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್​ ಹಂಚಿಕೊಂಡಿರುವ ಅವರು, ಪಕ್ಷ ತೊರೆಯುವ ಇತರ ಟಿಎಂಸಿ ನಾಯಕರ ಬಗ್ಗೆ ನನಗೆ ಯಾವುದೇ ಅಭ್ಯಂತರವಿಲ್ಲ, ಆದರೆ ಸಾಯೋನಿ ಘೋಷ್ ಈ ಹಿಂದೆ ಶಿವಲಿಂಗಕ್ಕೆ ಅವಮಾನ ಮಾಡಿರುವ ವಿವಾದಾತ್ಮಕ ಹಿನ್ನಲೆ ಹೊಂದಿರುವುದರಿಂದ ಅವರನ್ನು ಸೇರಿಸಿಕೊಳ್ಳಬಾರದು ಎಂದು ರಾಯ್ ತೀವ್ರವಾಗಿ ವಿರೋಧಿಸಿದ್ದಾರೆ.

"ಉಳಿದವರ ಬಗ್ಗೆ ನಾನು ತಲೆಕೆಡಿಸಿಕೊಂಡಿಲ್ಲ. ಆದರೆ ಟಿಎಂಸಿ ಸಂಸದೆ ಸಾಯೋನಿ ಘೋಷ್ ಹಿಂದೆ ಶಿವಲಿಂಗಕ್ಕೆ ಕಾಂಡೋಮ್ ಧರಿಸಿರುವ ಮೀಮ್ ಒಂದನ್ನು ಪೋಸ್ಟ್ ಮಾಡಿದ್ದರು. ಅದು ನನ್ನ ಅಂತಃಕರಣವನ್ನು ತೀವ್ರವಾಗಿ ಕಲಕಿತ್ತು. ಈ ಬಗ್ಗೆ ನಾನು ಕೋಲ್ಕತ್ತಾದ ರವೀಂದ್ರ ಸರೋವರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದೆ, ಆದರೆ ಅದರಿಂದ ಯಾವುದೇ ಪ್ರಯೋಜನವಾಗಿರಲಿಲ್ಲ. ಇದಾದ ಬಳಿಕ ಟಿಎಂಸಿ ಪರ ಚುನಾವಣಾ ಪ್ರಚಾರದ ವೇಳೆ ಆಕೆ, ನನ್ನ ಕಣ್ಣುಗಳಲ್ಲಿ ಕಾಬಾ ಮತ್ತು ಹೃದಯದಲ್ಲಿ ಮದೀನಾ ಇದೆ ಎಂಬ ಹಾಡನ್ನು ಹಾಡಿದ್ದರು. ಆ ಭಗವಾನ್ ಶಿವನ ಮೇಲಾಣೆ, ದಯವಿಟ್ಟು ಆಕೆಯಿಂದ ಪಕ್ಷವು ಅಂತರ ಕಾಯ್ದುಕೊಳ್ಳಲಿ ಎಂದು ರಾಯ್ ಅವರು ಪಿಎಂ ಮೋದಿ, ಅಮಿತ್ ಷಾ ಮತ್ತು ಬಿಜೆಪಿಯ ಅಧಿಕೃತ ಹ್ಯಾಂಡಲ್‌ಗಳನ್ನು ಟ್ಯಾಗ್ ಮಾಡಿ ಬರೆದಿದ್ದಾರ

ತೃಣಮೂಲ ಕಾಂಗ್ರೆಸ್‌ನಲ್ಲಿ ಉಂಟಾಗಿರುವ ಭಾರಿ ಆಂತರಿಕ ಸಂಘರ್ಷದ ಭಾಗವಾಗಿ, ಪಕ್ಷದ ಟಿಕೆಟ್‌ನಿಂದ ಆಯ್ಕೆಯಾಗಿದ್ದ 20 ಲೋಕಸಭಾ ಸಂಸದರು ತಮಗೆ ಸಂಸತ್ತಿನಲ್ಲಿ ಪ್ರತ್ಯೇಕ ಗುಂಪಾಗಿ ಮಾನ್ಯತೆ ನೀಡಬೇಕು ಎಂದು ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಲಿಖಿತ ವಿನಂತಿ ಸಲ್ಲಿಸಿದ್ದಾರೆ. ಹಿರಿಯ ನಾಯಕಿ ಕಾಕೊಳಿ ಘೋಷ್ ದಸ್ತಿದಾರ್ ನೇತೃತ್ವದಲ್ಲಿ ಈ ಬಂಡಾಯ ಬಣ ಸೃಷ್ಟಿಯಾಗಿದೆ ಎನ್ನಲಾಗಿದ್ದು, ಈ ಗುಂಪು ಕೇಂದ್ರದಲ್ಲಿ ಭಾರತೀಯ ಜನತಾ ಪಕ್ಷ ನೇತೃತ್ವದ ಎನ್​​ಡಿಎ ಮೈತ್ರಿಕೂಟ ಕ್ಕೆ ಬೆಂಬಲ ನೀಡಲು ನಿರ್ಧರಿಸಿದೆ.