ಬ್ಯಾಗ್‌ನಲ್ಲಿ ಏನಿರಬೇಕು?
ಪರಿಸ್ಥಿತಿ ಕೈಮೀರಿದಾಗ ಬರೀ ಮೈಕ್ ಹಿಡಿದುಕೊಂಡಿದ್ದರೆ ಸಾಲದು. ಪತ್ರಕರ್ತರ ಬ್ಯಾಗ್‌ನಲ್ಲಿ ಪ್ರಾಥಮಿಕ ಚಿಕಿತ್ಸಾ ಬಾಕ್ಸ್, ಕುಡಿಯುವ ನೀರು, ಪ್ರೋಟೀನ್ ಸ್ನ್ಯಾಕ್ಸ್, ಟಾರ್ಚ್, ಕಣ್ಣಿಗೆ ಪ್ರೊಟೆಕ್ಟಿವ್ ಗ್ಲಾಸ್ ಮತ್ತು ಮುಖ ತೊಳೆಯಲು ಟವೆಲ್ ಇಟ್ಟುಕೊಳ್ಳಲೇಬೇಕು. ಕಲ್ಲು ತೂರಾಟ, ಲಾಠಿಚಾರ್ಜ್ ನಡೀತಿರೋ ಜಾಗದಲ್ಲಿದ್ದರೆ ಹೆಲ್ಮೆಟ್ ಮತ್ತು ಜಾಕೆಟ್ ಧರಿಸುವುದು ಕಡ್ಡಾಯ ಎಂದಿದ್ದಾರೆ.
ಓಡಿಹೋಗಲು ದಾರಿ ಹುಡುಕಿ ಇಟ್ಕೊಳ್ಳಿ!
ಪ್ರತಿಭಟನೆಯ ಮಧ್ಯೆ ಸಿಲುಕಿಕೊಳ್ಳುವ ಮುನ್ನವೇ ಅಲ್ಲಿಂದ ಹೊರಬರಲು ಇರುವ ಪರ್ಯಾಯ ರಸ್ತೆಗಳು, ಓಣಿಗಳು ಮತ್ತು ಸುರಕ್ಷಿತ ಜಾಗಗಳನ್ನು ಮೊದಲೇ ನೋಡಿಟ್ಟುಕೊಳ್ಳಬೇಕು. ಗುಂಪಿನ ನಡವಳಿಕೆ ಬದಲಾಗುತ್ತಿದ್ದಂತೆ ತಕ್ಷಣವೇ ಸುರಕ್ಷಿತ ಅಂತರ ಕಾಪಾಡಿಕೊಳ್ಳಬೇಕು ಎಂದು ಪಿಸಿಐ ಸ್ಪಷ್ಟವಾಗಿ ಹೇಳಿದೆ.
ನ್ಯೂಸ್ ರೂಮ್‌ಗಳಿಗೂ ಖಡಕ್ ವಾರ್ನಿಂಗ್!
ಕೇವಲ ಫೀಲ್ಡ್ ರಿಪೋರ್ಟರ್‌ಗಳಷ್ಟೇ ಅಲ್ಲ, ಆಫೀಸ್‌ನಲ್ಲಿ ಕೂರುವ ಸುದ್ದಿ ಸಂಸ್ಥೆಗಳೂ ಜವಾಬ್ದಾರಿಯಿಂದ ವರ್ತಿಸಬೇಕು. ಗ್ರೌಂಡ್‌ಗೆ ಕಳುಹಿಸಿದ ಪತ್ರಕರ್ತರು ಎಲ್ಲಿ ಹೋಗುತ್ತಿದ್ದಾರೆ, ಯಾವಾಗ ವಾಪಸ್ ಬರುತ್ತಾರೆ ಎಂಬುದನ್ನು ಟ್ರ್ಯಾಕ್ ಮಾಡಲು ಪ್ರತ್ಯೇಕ ಅಧಿಕಾರಿಯನ್ನು ನೇಮಿಸಬೇಕು. ಫ್ರೀಲ್ಯಾನ್ಸ್ ಪತ್ರಕರ್ತರು ಕೂಡ ತಮ್ಮ ಲೊಕೇಶನ್ ಅನ್ನು ಸಂಪಾದಕರಿಗೆ ಅಪ್ಡೇಟ್ ಮಾಡುತ್ತಿರಬೇಕು ಎಂದು ತಿಳಿಸಲಾಗಿದೆ.
ಯಾವುದೇ ದೃಶ್ಯ ಸಿಕ್ಕಿತು ಎಂದು ಲೈವ್‌ನಲ್ಲಿ ಪೊಲೀಸರ ರಹಸ್ಯ ಚಲನವಲನಗಳನ್ನು ತೋರಿಸುವುದು, ಗಾಯಗೊಂಡವರು ಅಥವಾ ಅಪ್ರಾಪ್ತರ ಗುರುತು ಬಹಿರಂಗಪಡಿಸುವುದನ್ನು ನಿಲ್ಲಿಸಿ, ಸತ್ಯಾಸತ್ಯತೆಯನ್ನು ಪರಿಶೀಲಿಸಿದ ಮೇಲೆಯೇ ಸುದ್ದಿ ಪ್ರಸಾರ ಮಾಡಬೇಕೆಂದು ಪಿಸಿಐ ಎಚ್ಚರಿಕೆ ನೀಡಿದೆ, (ಏಜೆನ್ಸೀಸ್).
