ಅಬ್ಬಾ…ಚೆನ್ನೈನಲ್ಲಿ ಬಿರುಗಾಳಿ ಸಹಿತ ಮಳೆಯ ನಡುವೆ ರಸ್ತೆಯಲ್ಲಿ ದೊಡ್ಡ ಗಾತ್ರದ ಮೀನು ಹಿಡಿದ ವ್ಯಕ್ತಿ

ಚೆನ್ನೈ: ದಕ್ಷಿಣ ಭಾರತದಲ್ಲಿ ಮೈಚಾಂಗ್ ಚಂಡಮಾರುತದ ಅಬ್ಬರ ಮುಂದುವರಿದಿದೆ. ಅದರಲ್ಲೂ ಚೆನ್ನೈನ ಸ್ಥಿತಿ ಹದಗೆಟ್ಟಿದೆ. ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಧಾರಾಕಾರ ಮಳೆ ಹಾಗೂ ಜಲಾವೃತದಿಂದಾಗಿ ಜನಜೀವನ ಅಸ್ತವ್ಯಸ್ತಗೊಂಡಿದೆ. ಈ ಮಧ್ಯೆ, ಕೆಲವರು ಇದನ್ನೇ ಅವಕಾಶವನ್ನಾಗಿ ಮಾಡಿಕೊಂಡಿದ್ದಾರೆ. ಸದ್ಯ ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

(@Learnedpolitics) ಖಾತೆಯಿಂದ Twitter ನಲ್ಲಿ ಪೋಸ್ಟ್ ಮಾಡಲಾದ ವೈರಲ್ ಕ್ಲಿಪ್​​​​ನಲ್ಲಿ, ಚೆನ್ನೈನ ದೃಶ್ಯಗಳನ್ನು ನೋಡಬಹುದು. ಕೇವಲ 30 ಸೆಕೆಂಡ್ ವಿಡಿಯೋ ನೋಡಿದರೆ ಇದೇನು ಬಾಲಿಶ ಎಂದು ಅನಿಸುತ್ತದೆ. ಏಕೆಂದರೆ ವ್ಯಕ್ತಿ ಮಳೆಯಲ್ಲಿ ರಸ್ತೆಯಲ್ಲಿ ಮೀನು ಹಿಡಿಯುತ್ತಿರುವುದು ಕಂಡುಬರುತ್ತದೆ. ಮೀನಿನ ಗಾತ್ರ ನೋಡಿದರೆ ಆ ದೃಶ್ಯ ನಿಜವೇ ಎಂದನಿಸುತ್ತದೆ. ಇಷ್ಟು ದೊಡ್ಡ ಮೀನುಗಳು ರಸ್ತೆಯುದ್ದಕ್ಕೂ ಈಜುವ ಸಾಧ್ಯತೆಗಳು ಕಡಿಮೆ. ಬಹುಶಃ ಅದು ಟ್ರಕ್ ಅಥವಾ ಯಾವುದೋ ವಾಹನದಿಂದ ಬಿದ್ದಿದೆ ಎಂದು ತೋರುತ್ತದೆ. ಅಲ್ಲಿ ಮಳೆ ಬರುತ್ತಿದ್ದರಿಂದ ಆ ವ್ಯಕ್ತಿ ಸ್ಥಳದಲ್ಲೇ ಅದನ್ನು ಹಿಡಿದಿದ್ದಾನೆ.

ವ್ಯಕ್ತಿಯೊಬ್ಬ ದೊಡ್ಡ ಮೀನನ್ನು ಕೈನಲ್ಲಿ ಹಿಡಿದುಕೊಂಡು ಹೋಗುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಒಮ್ಮೆ ಮೀನು ಕೈಯಿಂದ ಜಾರಿ ನೆಲಕ್ಕೆ ಬೀಳುತ್ತದೆ. ಅವನು ಅದನ್ನು ಎತ್ತುವ ಪ್ರಯತ್ನ ಪ್ರಾರಂಭಿಸುತ್ತಾನೆ. ಮೀನು ಮತ್ತೆ ತಪ್ಪಿಸಿಕೊಂಡು ಕೆಳಗೆ ಬೀಳುತ್ತದೆ. ಅಸಮಾಧಾನಗೊಂಡು, ವ್ಯಕ್ತಿಯು ತನ್ನ ಪಾದಗಳಿಂದ ಅದನ್ನು ಹಿಡಿಯಲು ಪ್ರಾರಂಭಿಸುತ್ತಾನೆ. ಅಂತಿಮವಾಗಿ ಆತ ಮೀನನ್ನು ಎತ್ತಿಕೊಂಡು ಅದನ್ನು ತೆಗೆದುಕೊಂಡು ಹೋಗುವಲ್ಲಿ ಯಶಸ್ವಿಯಾಗುತ್ತಾನೆ.

ಡಿಸೆಂಬರ್ 5 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ, ಸುದ್ದಿ ಬರೆಯುವವರೆಗೆ 4 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಸುಮಾರು 5 ಸಾವಿರ ಮಂದಿ ಲೈಕ್ ಮಾಡಿದ್ದಾರೆ. ಅಲ್ಲದೆ, ಬಳಕೆದಾರರು ತಮ್ಮ ಪ್ರತಿಕ್ರಿಯೆಗಳನ್ನು ಕಾಮೆಂಟ್ ಮಾಡುತ್ತಿದ್ದಾರೆ. ಇದು ಎಷ್ಟು ದೊಡ್ಡ ಮೀನು!, ಬಹುಶಃ ಮೀನು ಲಾರಿಯಿಂದ ಬಿದ್ದಂತೆ ತೋರುತ್ತಿದೆ. ಮೊದಲು ಚೆನ್ನೈನಲ್ಲಿ ಮೊಸಳೆ ಕಾಣಿಸಿಕೊಂಡಿತು, ಈಗ ಇಂತಹ ದೊಡ್ಡ ಮೀನು ಕಾಣಿಸಿಕೊಂಡಿದೆ ಎಂದು ತಮ್ಮ ಅನಿಸಿಕೆಗಳನ್ನು ಹೊರಹಾಕಿದ್ದಾರೆ.

ಸರಿ, ಈ ಬಗ್ಗೆ ನಿಮಗೇನು ಅನಿಸುತ್ತದೆ. ಕಾಮೆಂಟ್ ಮಾಡುವ ಮೂಲಕ ನಿಮ್ಮ ಪ್ರತಿಕ್ರಿಯೆಗಳನ್ನು ನಮಗೆ ತಿಳಿಸಿ.

https://www.vijayavani.net/after-alia-bhatt-and-rashmika-mandanna-priyanka-chopra-fall-prey-to-deepfake