ಸೂರ್ಯ ಏಕೆ ಸ್ಫೋಟಿಸುವುದಿಲ್ಲ
ಬಹಳ ದೊಡ್ಡ ಗಾತ್ರದ ಕೆಲವು ನಕ್ಷತ್ರಗಳು ತಮ್ಮ ಜೀವನದ ಅಂತ್ಯದಲ್ಲಿ ಸೂಪರ್ನೋವಾ ಎಂಬ ಭಾರೀ ಸ್ಫೋಟಕ್ಕೆ ಒಳಗಾಗಬಹುದು. ಆದರೆ, ಸೂರ್ಯ ಅಂತಹ ನಕ್ಷತ್ರವಲ್ಲ. ಅದರ ದ್ರವ್ಯರಾಶಿ ಇದಕ್ಕೆ ಸಾಕಾಗುವುದಿಲ್ಲ. NASA ಸ್ಪಷ್ಟವಾಗಿ ಹೇಳುವಂತೆ, ಸೂರ್ಯ ಸೂಪರ್ ನೋವಾ ಆಗುವುದಿಲ್ಲ ಮತ್ತು ಅದು ಬ್ಲ್ಯಾಕ್ ಹೋಲ್ ಆಗಿಯೂ ಬದಲಾಗುವುದಿಲ್ಲ.
ಹಾಗಾದರೆ ಸೂರ್ಯನ ಅಂತ್ಯ ಹೇಗಿರುತ್ತದೆ? ಸೂರ್ಯ ಕೆಂಪು ದೈತ್ಯನಾದಾಗ ಏನಾಗುತ್ತದೆ?
ಸುಮಾರು 5 ಬಿಲಿಯನ್ ವರ್ಷಗಳ ನಂತರ ಸೂರ್ಯ ಕೆಂಪು ದೈತ್ಯ ಚಂಡಿನಾಕಾರದ ಹಂತಕ್ಕೆ ಪ್ರವೇಶಿಸಲಿದೆ. ಈ ಹಂತದಲ್ಲಿ ಅದರ ಹೊರಗಿನ ಪದರಗಳು ಭಾರೀ ಪ್ರಮಾಣದಲ್ಲಿ ವಿಸ್ತರಿಸುತ್ತವೆ. ನಾಸಾ ಪ್ರಕಾರ, ಈ ವಿಸ್ತರಣೆ ಒಳಗಿನ ಗ್ರಹಗಳ ಕಕ್ಷೆಗಳವರೆಗೂ ತಲುಪಬಹುದು. ಬುಧ ಮತ್ತು ಶುಕ್ರ ಗ್ರಹಗಳನ್ನು ಸೂರ್ಯ ನುಂಗಲ್ಪಡುವ ಸಾಧ್ಯತೆ ಇದೆ ಭೂಮಿಯ ಭವಿಷ್ಯವೂ ಸುರಕ್ಷಿತವಾಗಿರುವುದಿಲ್ಲ. ಆದರೆ, ಭೂಮಿಗೆ ಅಪಾಯ ಆರಂಭವಾಗಲು ಸೂರ್ಯ ನಿಜವಾಗಿಯೂ ಕೆಂಪು ದೈತ್ಯ ಆಗುವವರೆಗು ಕಾಯಬೇಕಾಗಿಲ್ಲ.
ಸೂರ್ಯ ವಯಸ್ಸಾಗುತ್ತಿದ್ದಂತೆ ಅದರ ಶಕ್ತಿಯ ಹೊರಸೂಸುವಿಕೆ ನಿಧಾನವಾಗಿ ಹೆಚ್ಚಾಗುತ್ತದೆ. ಮುಂದಿನ ಕೆಲವು ಬಿಲಿಯನ್ ವರ್ಷಗಳಲ್ಲಿ ಭೂಮಿಗೆ ತಲುಪುವ ಶಾಖ ಹೆಚ್ಚುತ್ತಾ ಹೋಗಬಹುದು. ನಾಸಾದ ವೈಜ್ಞಾನಿಕ ವಿವರಣೆಗಳ ಪ್ರಕಾರ, ಇದರಿಂದ ಭೂಮಿಯ ಮೇಲಿನ ನೀರು ಕ್ರಮೇಣ ಆವಿಯಾಗುವ ಪರಿಸ್ಥಿತಿ ಉಂಟಾಗಬಹುದು. ನೀರಿನ ಪ್ರಮಾಣ ಕಡಿಮೆಯಾಗುತ್ತಾ ಹೋದಂತೆ ಭೂಮಿಯ ಮೇಲಿನ ಜೀವಿಗಳಿಗೆ ಅಗತ್ಯವಾದ ಪರಿಸರ ಉಳಿಯುವುದು ಕಷ್ಟವಾಗುತ್ತದೆ. ಅಂದರೆ, ಸೂರ್ಯ ಸ್ಫೋಟಿಸಿ ಒಂದೇ ಕ್ಷಣದಲ್ಲಿ ಭೂಮಿಯನ್ನು ನಾಶ ಮಾಡುತ್ತದೆ ಎಂಬುದು ಸರಿಯಲ್ಲ. ಬದಲಾಗಿ, ಸೂರ್ಯನ ವಯಸ್ಸಾಗುವಿಕೆಯೊಂದಿಗೆ ಭೂಮಿಯ ಪರಿಸರ ನಿಧಾನವಾಗಿ ಬದಲಾಗುವ ಸಾಧ್ಯತೆಯೇ ವಿಜ್ಞಾನದಲ್ಲಿ ವಿವರಿಸಲ್ಪಟ್ಟಿರುವ ಚಿತ್ರವಾಗಿದೆ.
