Nobel Prize in Physics: ವಿಶ್ವದ ಅತ್ಯಂತ ನಿಗೂಢ ಕಣಗಳಲ್ಲಿ ಒಂದಾದ 'ಅಧಿಕ-ಶಕ್ತಿಯ ನ್ಯೂಟ್ರಿನೊ'ಗಳನ್ನು ಪತ್ತೆಹಚ್ಚಲು ವೀಕ್ಷಣಾಲಯವನ್ನು ಸ್ಥಾಪಿಸಿದ ಹಾಗೂ ಅವುಗಳ ಮೂಲದ ಕುರಿತು ಅಧ್ಯಯನಗಳನ್ನು ನಡೆಸಿದ ಸಾಧನೆಗಾಗಿ 2026ರ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಫ್ರಾನ್ಸಿಸ್ ಹಾಲ್ಜೆನ್ ಅವರಿಗೆ ನೀಡಿ ಗೌರವಿಸಲಾಗಿದೆ.
ನ್ಯೂಟ್ರಿನೊಗಳು ಯಾವುದೇ ಕುರುಹು ಇಲ್ಲದೆ ಭೂಮಿ ಮತ್ತು ಮಾನವ ದೇಹದ ಮೂಲಕ ಹಾದುಹೋಗಬಲ್ಲ ಸಾಮರ್ಥ್ಯವನ್ನು ಹೊಂದಿರುವುದರಿಂದ, ಇವುಗಳನ್ನು 'ಭೂತದ ಕಣಗಳು' (Ghost Particles) ಎಂದು ಕರೆಯಲಾಗುತ್ತದೆ. ದಕ್ಷಿಣ ಧ್ರುವದಲ್ಲಿರುವ ಅಂಟಾರ್ಕ್ಟಿಕ್ ಮಂಜುಗಡ್ಡೆಯ ಪದರಗಳನ್ನು ಬಳಸಿಕೊಂಡು ನ್ಯೂಟ್ರಿನೊಗಳನ್ನು ಪತ್ತೆಹಚ್ಚಬಹುದು ಎಂಬುದನ್ನು ಮೊದಲು ಅರಿತುಕೊಂಡವರೇ ಫ್ರಾನ್ಸಿಸ್ ಹಾಲ್ಜೆನ್. ಈ ಸಂಶೋಧನೆಯನ್ನು ಅಂಟಾರ್ಕ್ಟಿಕಾದಲ್ಲಿ ಸ್ಥಾಪಿಸಲಾದ 'ಐಸ್‌ಕ್ಯೂಬ್' ವೀಕ್ಷಣಾಲಯದ ಮೂಲಕ ನಡೆಸಿದ ಭೌತವಿಜ್ಞಾನಿ ಫ್ರಾನ್ಸಿಸ್. ನಕ್ಷತ್ರಗಳ ಸ್ಫೋಟಗಳು ಮತ್ತು ದೂರದ ಗ್ಯಾಲಕ್ಸಿಗಳ ಅಧ್ಯಯನಕ್ಕೆ ದಾರಿ ಮಾಡಿಕೊಟ್ಟ ಅವರ ಕಾರ್ಯವನ್ನು ನೊಬೆಲ್ ಸಮಿತಿಯು ಶ್ಲಾಘಿಸಿದೆ.
