ಅಧಿಕಾರಿಗಳ ಸಭೆಯಲ್ಲಿ ದೆಹಲಿ ಸಿಎಂ ಜತೆ ಪತಿಯೂ ಭಾಗಿ: ಇದು ಗ್ರಾಮ ಪಂಚಾಯಿತಿ ಸಭೆ ಅಲ್ಲವೆಂದ ಆಪ್​!|Rekha Gupta

Rekha Gupta: ದೆಹಲಿ ಮುಖ್ಯಮಂತ್ರಿ ರೇಖಾಗುಪ್ತ ತಮ್ಮ ಪತಿಗೆ ಅಧಿಕೃತ ಕೆಲಸದಲ್ಲಿ ಭಾಗಿಯಾಗಲು ಅವಕಾಶ ನೀಡಿದ್ದಾರೆ ಎಂದು ಆಮ್​ಆದ್ಮಿ ಪಕ್ಷ ಭಾನುವಾರ ಆರೋಪಿಸಿದ್ದು, ಈ ಆಡಳಿತವನ್ನು ಜನಪ್ರಿಯ ವೆಬ್​ ಸಿರೀಸ್​ ಆದ ಫುಲೇರಾ ಪಂಚಾಯತ್​ಗೆ ಹೋಲಿಸಿದ್ದಾರೆ.

ಸರ್ಕಾರಿ ಸಭೆವೊಂದರಲ್ಲಿ ಮುಖ್ಯಮಂತ್ರಿ ಅವರ ಪಕ್ಕ ಮನೀಶ್​ ಗುಪ್ತಾ ಕುಳಿತಿದ್ದ ಫೋಟೋವೊಂದನ್ನು ಹಂಚಿಕೊಂಡ ಎಎಪಿ, ರಾಜಧಾನಿಯನ್ನು ಗ್ರಾಮ ಪಂಚಾಯತ್​ನಂತೆ ನಡೆಸಲಾಗುತ್ತದೆ. ಇಲ್ಲಿ ಚುನಾಯಿತರಲ್ಲದೇ ಅವರ ಕುಟುಂಬಸ್ಥರು ಆಡಳಿತ ನಡೆಸುತ್ತಿದ್ದಾರೆ ಎಂದು ಗೇಲಿ ಮಾಡಿದ್ದಾರೆ.

ಇದನ್ನೂ ಓದಿ: ಅಂತರರಾಷ್ಟ್ರೀಯ ಸಾಕ್ಷರತಾ ದಿನ; ಅತಿ ಹೆಚ್ಚು ‘ಸಾಕ್ಷರತಾ’ ಪ್ರಮಾಣ ಹೊಂದಿರುವ ರಾಜ್ಯ ಯಾವುದು ಗೊತ್ತಾ| literacy day

ದೆಹಲಿಯಲ್ಲಿ ಏನಾದರೂ ಫುಲೇರಾ ಪಂಚಾಯತ್​ ಸರ್ಕಾರ ನಡೆಯುತ್ತಿದೆಯೇ? ಮುಖ್ಯಮಂತ್ರಿ ರೇಖಾಗುಪ್ತ ಅವರು ಹಲವಾರು ಅಧಿಕಾರಿಗಳೊಂದಿಗೆ ಸಭೆ ನಡೆಸುತ್ತಿದ್ದಾರೆ. ಈ ವೇಳೆ ಸಿಎಂ ಪತಿ ಮನೀಶ್​ ಗುಪ್ತಾ ಅವರ ಪಕ್ಕದ ಕುರ್ಚಿಯಲ್ಲಿ ಕುಳಿತಿದ್ದಾರೆ ಎಂದು ತಿಳಿಸಿದ್ದಾರೆ.

ಹಾಗೇ ಈ ಎಎಪಿ ದೆಹಲಿ ಅಧ್ಯಕ್ಷ ಸೌರಭ್​ ಭಾರದ್ವಾಜ್​ ಈ ಫೋಟೋಕ್ಕೆ ಟೀಕೆ ಮಾಡಿದ್ದು, ಮುಖ್ಯಮಂತ್ರಿಯವರ ಪತಿ ಸಭೆಗಳಲ್ಲಿ ಭಾಗವಹಿಸುತ್ತಾರೆ. ಅಧಿಕಾರಿಗಳೊಂದಿಗೆ ಸಂವಹನ ನಡೆಸುತ್ತಾರೆ. ಹಾಗೆಯೇ, ನಿರ್ಧಾರ ತೆಗೆದುಕೊಳ್ಳಲು ಸಹಾಯ ಮಾಡುತ್ತಾರೆ ಎಂದು ಆರೋಪಿಸಿದ್ದಾರೆ.

ದೆಹಲಿ ಸರ್ಕಾರ ಫುಲೇರಾ ಪಂಚಾಯತ್​ ಆಗಿ ಬದಲಾವಣೆಗೊಳ್ಳುತ್ತಿದೆ. ಈ ವೆಬ್​ ಸಿರೀಸ್​ನಲ್ಲಿ ಮಹಿಳಾ ಸರ್ಪಂಚ್​ ಅವರ ಪತಿ ನಿಜವಾದ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದರೆ, ಇಂದು ದೆಹಲಿಯ ಸಿಎಂ ಪತಿ ಅಧಿಕೃತ ಸಭೆಗಳಲ್ಲಿ ಕುಳಿತಿರುವುದನ್ನು ಕಾಣಬಹುದು. ಇದು ಸಂಪೂರ್ಣವಾಗಿ ಕಾನೂನು ಭಾಹಿರ. ರಾಷ್ಟ್ರದ ರಾಜಧಾನಿಯಲ್ಲಿ ಪ್ರಜಾಪ್ರಭುತ್ವ ಹಾಗೂ ಸಾಂವಿಧಾನಿಕ ನಿಯಮಗಳನ್ನು ಅಪಹಾಸ್ಯ ಮಾಡಲಾಗುತ್ತದೆ ಎಂದು ಭಾರದ್ವಾಜ್​ ತಮ್ಮ ಎಕ್ಸ್​ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಜಮ್ಮು ಮತ್ತು ಕಾಶ್ಮೀರದ ಕುಲ್ಗಾಮ್‌ನಲ್ಲಿ ಗುಂಡಿನ ಚಕಮಕಿ; ಭಯೋತ್ಪಾದಕ ಸಾವು| encounter

ಬಿಜೆಪಿಯ ಬೂಟಾಟಿಕೆಗಳ ವಿರುದ್ಧ ಸಿಡಿದೆದ್ದ ಭಾರದ್ವಾಜ್​ ಈ ಪಕ್ಷವು ವಂಶಪಾರಂಪರ್ಯ ರಾಜಕೀಯಕ್ಕಾಗಿ ಕಾಂಗ್ರೆಸ್​ ಅನ್ನು ಟೀಕಿಸುತ್ತಿತ್ತು ಆದರೆ, ಈಗ ಅವರು ಅದನ್ನೇ ಪ್ರಚಾರ ಮಾಡುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.

ಇದು ವಂಶಪಾರಂಪರ್ಯ ರಾಜಕೀಯವಲ್ಲದಿದ್ದರೆ, ಇದೇನು?ವಿಶ್ವದ ಅತಿದೊಡ್ಡ ಪಕ್ಷದ ಮುಖ್ಯಮಂತ್ರಿಗೆ ಒಬ್ಬ ಕಾರ್ಯಕರ್ತನೂ ಇಲ್ಲವೇ? ಅವರ ಪತಿ ಯಾಕೆ ಅಧಿಕೃತ ಸಭೆಗಳಲ್ಲಿ ಭಾಗವಹಿಸಿಬೇಕು ಎಂದು ಪ್ರಶ್ನಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/there-is-no-word-of-apology-congress-mp-shashi-tharoor-said-india-will-act-with-maturity