Best friend jealousy: ನಮ್ಮ ಪ್ರಾಣಸ್ನೇಹಿತ ಅಥವಾ ಬೆಸ್ಟ್ ಫ್ರೆಂಡ್ ಬೇರೆಯವರ ಜತೆ ಜಾಸ್ತಿ ಕ್ಲೋಸ್ ಆದಾಗ ನಮಗೆಲ್ಲೋ ಒಂದು ಮೂಲೆಯಲ್ಲಿ ಜಲಸ್ ಆಗೋದು, ಕೋಪ ಬರೋದು ಅಥವಾ ಬೇಜಾರಾಗೋದು ತೀರಾ ಸಾಮಾನ್ಯ. ಇದು ಪ್ರತಿಯೊಬ್ಬರ ಜೀವನದಲ್ಲೂ ಆಗುವ ವಿಷಯವೇ. ಆದರೆ, ನಮಗ್ಯಾಕೆ ಹೀಗನ್ನಿಸುತ್ತೆ?
ನಮ್ಮ ಸ್ನೇಹಿತರು ಬೇರೆಯವರ ಜತೆ ಸ್ನೇಹ ಬೆಳೆಸಿದಾಗ ನಮಗೆ ಸ್ವಾಭಾವಿಕವಾಗಿಯೇ ಬೇಸರವಾಗುತ್ತದೆ. ನಮ್ಮ ಮನಸ್ಸು ಯಾಕೆ ಹೀಗೆ ನೆಗೆಟಿವ್ ಆಗಿ ಯೋಚಿಸಲು ಶುರು ಮಾಡುತ್ತದೆ ಎಂಬುದರ ಸಂಪೂರ್ಣ ವಿವರಣೆ ಇಲ್ಲಿದೆ ನೋಡಿ.
1. ಸ್ಥಾನ ಕಳೆದುಕೊಳ್ಳುವ ಭೀತಿ (Fear of Replacement)
‘ನನ್ನ ಆಪ್ತ ಗೆಳೆಯನ ಬದುಕಿನಲ್ಲಿ ನನಗಿದ್ದ ವಿಶೇಷ ಸ್ಥಾನವನ್ನು ಬೇರೆ ಯಾರಾದರೂ ಪಡೆದುಕೊಳ್ಳುತ್ತಾರೋ?’ ಅಥವಾ ‘ನನ್ನ ಜಾಗಕ್ಕೆ ಇನ್ನೊಬ್ಬರು ಬಂದುಬಿಡ್ತಾರಾ?’ ಎಂಬ ಸಣ್ಣದಾದ ಆತಂಕ.
2. ಕಡೆಗಣನೆಯ ಭಾವನೆ (Feeling Left Out)
ಅವರು ಹೊಸ ಫ್ರೆಂಡ್ಸ್ ಜತೆ ಸೇರಿ ಪ್ಲಾನ್ ಮಾಡೋದು, ಎಂಜಾಯ್ ಮಾಡೋದನ್ನ ನೋಡಿದಾಗ ನಮ್ಮನ್ನು ಅವರ ಜತೆ ಸೇರಿಸಿಕೊಳ್ಳಲಿಲ್ಲವಲ್ಲ ಅಂತ ಒಂಟಿತನ ಕಾಡುತ್ತೆ. ‘ನಾವು ಅವರಿಗೆ ಇನ್ನು ಬೇಡವೇನೋ’ ಅನ್ನೋ ಭಾವನೆ ಬರುತ್ತದೆ.
3. ಅಭದ್ರತಾ ಭಾವ (Insecurity)
‘ನನ್ನಲ್ಲಿ ಏನಾದರೂ ಕೊರತೆ ಇದೆಯಾ? ನನ್ನ ಜತೆ ಇರಲು ಅವರಿಗೆ ಬೋರ್ ಆಗುತ್ತಿದೆಯಾ? ಅದಕ್ಕೇ ಅವರು ಬೇರೆಯವರ ಜತೆ ಹತ್ತಿರವಾಗುತ್ತಿದ್ದಾರಾ?’ ಎಂದು ನಮ್ಮನ್ನು ನಾವೇ ಕೀಳಾಗಿ ಕಾಣಲು ಹಾಗೂ ಅನುಮಾನಿಸಲು ಶುರು ಮಾಡುತ್ತೇವೆ.
4. ಮಾಲೀಕತ್ವದ ಭಾವನೆ (Possessiveness)
ನಮಗೆ ಇಷ್ಟವಾದ ವ್ಯಕ್ತಿ ಕೇವಲ ನಮಗೇ ಸಿಗಬೇಕು ಅನ್ನೋ ಭಾವನೆ ಪ್ರತಿಯೊಬ್ಬರ ಆಳದಲ್ಲೂ ಇರುತ್ತೆ. ಫ್ರೆಂಡ್‌ಶಿಪ್‌ನಲ್ಲೂ ಈ ಪೊಸೆಸಿವ್‌ನೆಸ್ ಬಂದಾಗ ಜಲಸ್ ಆಗೋಕೆ ಶುರುವಾಗುತ್ತೆ.
5. ಬದಲಾವಣೆಯನ್ನು ಒಪ್ಪಿಕೊಳ್ಳುವ ಸವಾಲು
ಮೊದಲಿನಿಂದ ಇದ್ದ ಸಲುಗೆ ಮತ್ತು ಒಟ್ಟಿಗೆ ಕಳೆಯುತ್ತಿದ್ದ ಸಮಯ ಇದ್ದಕ್ಕಿದ್ದಂತೆ ಕಡಿಮೆಯಾದಾಗ, ಆ ಬದಲಾವಣೆಯನ್ನು ತಕ್ಷಣವೇ ಸ್ವೀಕರಿಸಲು ಮನಸ್ಸಿಗೆ ಕಷ್ಟವಾಗುತ್ತದೆ. ಹೊಸ ಸನ್ನಿವೇಶಕ್ಕೆ ಹೊಂದಿಕೊಳ್ಳಲು ಸಮಯ ಬೇಕಾಗುತ್ತದೆ.
