Cattle Run Over Devotees: ಮಧ್ಯಪ್ರದೇಶದಲ್ಲಿ ದಸರಾ ಹಬ್ಬದ ಸಂಭ್ರಮದ ಬಳಿಕ ನಡೆದ ವಿಚಿತ್ರ ಆಚರಣೆಯೊಂದರ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಉಜ್ಜಯಿನಿ ಜಿಲ್ಲೆಯ ಭಿದಾವಡ್ ಗ್ರಾಮದಲ್ಲಿ ಗ್ರಾಮಸ್ಥರು ತಮ್ಮ ಮೈಮೇಲೆ ದನಗಳನ್ನು ಹಾಯ ಬಿಟ್ಟು ವಿಶಿಷ್ಟ ರೀತಿಯಲ್ಲಿ ಭಕ್ತಿ ಸಮರ್ಪಿಸಿದ್ದಾರೆ.
ಗೋವುಗಳಲ್ಲಿ 33 ಕೋಟಿ ದೇವಾನುದೇವತೆಗಳು ನೆಲೆಸಿದ್ದಾರೆ ಎಂಬುದು ಸ್ಥಳೀಯರ ಗಟ್ಟಿಯಾದ ನಂಬಿಕೆ. ದನಗಳು ತಮ್ಮ ಮೈಮೇಲೆ ನಡೆದು ಹೋದರೆ ದೈವಿಕ ಆಶೀರ್ವಾದ ದೊರೆಯುವುದರ ಜತೆಗೆ ಇಷ್ಟಾರ್ಥಗಳು ನೆರವೇರುತ್ತವೆ ಎಂದು ಜನರು ನಂಬುತ್ತಾರೆ. ಈ ವಿಶಿಷ್ಟ ಆಚರಣೆಗಾಗಿ ಗ್ರಾಮಸ್ಥರು ಐದು ದಿನಗಳ ಕಾಲ ಕಠಿಣ ಉಪವಾಸವಿಿದ್ದು, ಹಬ್ಬದ ಹಿಂದಿನ ರಾತ್ರಿ ದೇವಸ್ಥಾನದಲ್ಲಿ ಭಜನೆ ಹಾಗೂ ಕೀರ್ತನೆಗಳಲ್ಲಿ ಪಾಲ್ಗೊಳ್ಳುತ್ತಾರೆ.
